| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૯. પઠમદ્વયસુત્તં
9. Paṭhamadvayasuttaṃ
૯૨. ‘‘દ્વયં વો, ભિક્ખવે, દેસેસ્સામિ. તં સુણાથ. કિઞ્ચ, ભિક્ખવે, દ્વયં? ચક્ખુઞ્ચેવ રૂપા ચ, સોતઞ્ચેવ સદ્દા ચ, ઘાનઞ્ચેવ ગન્ધા ચ, જિવ્હા ચેવ રસા ચ, કાયો ચેવ ફોટ્ઠબ્બા ચ , મનો ચેવ ધમ્મા ચ – ઇદં વુચ્ચતિ, ભિક્ખવે, દ્વયં.
92. ‘‘Dvayaṃ vo, bhikkhave, desessāmi. Taṃ suṇātha. Kiñca, bhikkhave, dvayaṃ? Cakkhuñceva rūpā ca, sotañceva saddā ca, ghānañceva gandhā ca, jivhā ceva rasā ca, kāyo ceva phoṭṭhabbā ca , mano ceva dhammā ca – idaṃ vuccati, bhikkhave, dvayaṃ.
‘‘યો, ભિક્ખવે, એવં વદેય્ય – ‘અહમેતં દ્વયં પચ્ચક્ખાય અઞ્ઞં દ્વયં પઞ્ઞપેસ્સામી’તિ, તસ્સ વાચાવત્થુકમેવસ્સ. પુટ્ઠો ચ ન સમ્પાયેય્ય. ઉત્તરિઞ્ચ વિઘાતં આપજ્જેય્ય. તં કિસ્સ હેતુ? યથા તં, ભિક્ખવે, અવિસયસ્મિ’’ન્તિ. નવમં.
‘‘Yo, bhikkhave, evaṃ vadeyya – ‘ahametaṃ dvayaṃ paccakkhāya aññaṃ dvayaṃ paññapessāmī’ti, tassa vācāvatthukamevassa. Puṭṭho ca na sampāyeyya. Uttariñca vighātaṃ āpajjeyya. Taṃ kissa hetu? Yathā taṃ, bhikkhave, avisayasmi’’nti. Navamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૯-૧૦. પઠમદ્વયસુત્તાદિવણ્ણના • 9-10. Paṭhamadvayasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯-૧૦. પઠમદ્વયસુત્તાદિવણ્ણના • 9-10. Paṭhamadvayasuttādivaṇṇanā
