| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. பட²மகே³லஞ்ஞஸுத்தவண்ணனா
7. Paṭhamagelaññasuttavaṇṇanā
255. ஸத்³த³ஹித்வா கி³லானே உபட்டா²தப்³பே³ மஞ்ஞிஸ்ஸந்தீதி யோஜனா. தத்தா²தி தஸ்மிங் டா²னே. கம்மட்டா²னானுயோகோ³ ஸப்பாயோ யேஸங் தே கம்மட்டா²னஸப்பாயா, ஸதிபட்டா²னரதாதி அத்தோ². அனிச்சதங் அனுபஸ்ஸந்தோதி காயங் படிச்ச உப்பன்னாய வேத³னாய ச அனிச்சதங் அனுபஸ்ஸந்தோ. வயங் அனுபஸ்ஸந்தோதிஆதீ³ஸுபி ஏஸேவ நயோ. வயந்தி பன தாய ஏவ க²யஸங்கா²தங். விராக³ந்தி விரஜ்ஜனங். படினிஸ்ஸக்³க³ந்தி பரிச்சாக³படினிஸ்ஸக்³க³ங், பக்க²ந்த³னபடினிஸ்ஸக்³க³ம்பி வா.
255. Saddahitvā gilāne upaṭṭhātabbe maññissantīti yojanā. Tatthāti tasmiṃ ṭhāne. Kammaṭṭhānānuyogo sappāyo yesaṃ te kammaṭṭhānasappāyā, satipaṭṭhānaratāti attho. Aniccataṃ anupassantoti kāyaṃ paṭicca uppannāya vedanāya ca aniccataṃ anupassanto. Vayaṃ anupassantotiādīsupi eseva nayo. Vayanti pana tāya eva khayasaṅkhātaṃ. Virāganti virajjanaṃ. Paṭinissagganti pariccāgapaṭinissaggaṃ, pakkhandanapaṭinissaggampi vā.
ஆக³மனீயபடிபதா³தி அரியமக்³க³ஸ்ஸ ஆக³மனட்டா²னியா புப்³ப³பா⁴க³படிபதா³. புப்³ப³பா⁴கா³யேவ ந லோகுத்தரா. ஸம்பஜஞ்ஞங் புப்³ப³பா⁴கி³யமேவ. திஸ்ஸோ அனுபஸ்ஸனா புப்³ப³பா⁴கா³யேவ விபஸ்ஸனாபரியாபன்னத்தா . மிஸ்ஸகாதி லோகியலோகுத்தரமிஸ்ஸகா. பா⁴வனாகாலோ த³ஸ்ஸிதோ ‘‘நிரோதா⁴னுபஸ்ஸினோ விஹரதோ, படினிஸ்ஸக்³கா³னுபஸ்ஸினோ விஹரதோ ராகா³னுஸயோ பஹீயதீ’’தி வுத்தத்தா.
Āgamanīyapaṭipadāti ariyamaggassa āgamanaṭṭhāniyā pubbabhāgapaṭipadā. Pubbabhāgāyeva na lokuttarā. Sampajaññaṃ pubbabhāgiyameva. Tisso anupassanā pubbabhāgāyeva vipassanāpariyāpannattā . Missakāti lokiyalokuttaramissakā. Bhāvanākālo dassito ‘‘nirodhānupassino viharato, paṭinissaggānupassino viharato rāgānusayo pahīyatī’’ti vuttattā.
பட²மகே³லஞ்ஞஸுத்தவண்ணனா நிட்டி²தா.
Paṭhamagelaññasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. பட²மகே³லஞ்ஞஸுத்தங் • 7. Paṭhamagelaññasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. பட²மகே³லஞ்ஞஸுத்தவண்ணனா • 7. Paṭhamagelaññasuttavaṇṇanā
