| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. பட²மஹிதஸுத்தங்
7. Paṭhamahitasuttaṃ
17. ‘‘பஞ்சஹி , பி⁴க்க²வே, த⁴ம்மேஹி ஸமன்னாக³தோ பி⁴க்கு² அத்தஹிதாய படிபன்னோ ஹோதி, நோ பரஹிதாய. கதமேஹி பஞ்சஹி? இத⁴, பி⁴க்க²வே, பி⁴க்கு² அத்தனா ஸீலஸம்பன்னோ ஹோதி, நோ பரங் ஸீலஸம்பதா³ய ஸமாத³பேதி; அத்தனா ஸமாதி⁴ஸம்பன்னோ ஹோதி, நோ பரங் ஸமாதி⁴ஸம்பதா³ய ஸமாத³பேதி; அத்தனா பஞ்ஞாஸம்பன்னோ ஹோதி, நோ பரங் பஞ்ஞாஸம்பதா³ய ஸமாத³பேதி; அத்தனா விமுத்திஸம்பன்னோ ஹோதி, நோ பரங் விமுத்திஸம்பதா³ய ஸமாத³பேதி; அத்தனா விமுத்திஞாணத³ஸ்ஸனஸம்பன்னோ ஹோதி, நோ பரங் விமுத்திஞாணத³ஸ்ஸனஸம்பதா³ய ஸமாத³பேதி. இமேஹி கோ², பி⁴க்க²வே, பஞ்சஹி அங்கே³ஹி ஸமன்னாக³தோ பி⁴க்கு² அத்தஹிதாய படிபன்னோ ஹோதி, நோ பரஹிதாயா’’தி. ஸத்தமங்.
17. ‘‘Pañcahi , bhikkhave, dhammehi samannāgato bhikkhu attahitāya paṭipanno hoti, no parahitāya. Katamehi pañcahi? Idha, bhikkhave, bhikkhu attanā sīlasampanno hoti, no paraṃ sīlasampadāya samādapeti; attanā samādhisampanno hoti, no paraṃ samādhisampadāya samādapeti; attanā paññāsampanno hoti, no paraṃ paññāsampadāya samādapeti; attanā vimuttisampanno hoti, no paraṃ vimuttisampadāya samādapeti; attanā vimuttiñāṇadassanasampanno hoti, no paraṃ vimuttiñāṇadassanasampadāya samādapeti. Imehi kho, bhikkhave, pañcahi aṅgehi samannāgato bhikkhu attahitāya paṭipanno hoti, no parahitāyā’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. பட²மஹிதஸுத்தவண்ணனா • 7. Paṭhamahitasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-10. த³ட்ட²ப்³ப³ஸுத்தாதி³வண்ணனா • 5-10. Daṭṭhabbasuttādivaṇṇanā
