| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૨. પઠમઇસિદત્તસુત્તવણ્ણના
2. Paṭhamaisidattasuttavaṇṇanā
૩૪૪. દુતિયે આયસ્મન્તં થેરન્તિ તેસુ થેરેસુ જેટ્ઠકં મહાથેરં. તુણ્હી અહોસીતિ જાનન્તોપિ અવિસારદત્તા ન કિઞ્ચિ બ્યાહરિ. બ્યાકરોમહં ભન્તેતિ ‘‘અયં થેરો નેવ અત્તના બ્યાકરોતિ, ન અઞ્ઞે અજ્ઝેસતિ, ઉપાસકોપિ ભિક્ખુસઙ્ઘં વિહેસેતિ, અહમેતં બ્યાકરિત્વા ફાસુવિહારં કત્વા દસ્સામી’’તિ ચિન્તેત્વા આસનતો વુટ્ઠાય થેરસ્સ સન્તિકં ગન્ત્વા એવં ઓકાસમકાસિ, કતાવકાસો પન અત્તનો આસને નિસીદિત્વા બ્યાકાસિ.
344. Dutiye āyasmantaṃ theranti tesu theresu jeṭṭhakaṃ mahātheraṃ. Tuṇhī ahosīti jānantopi avisāradattā na kiñci byāhari. Byākaromahaṃ bhanteti ‘‘ayaṃ thero neva attanā byākaroti, na aññe ajjhesati, upāsakopi bhikkhusaṅghaṃ viheseti, ahametaṃ byākaritvā phāsuvihāraṃ katvā dassāmī’’ti cintetvā āsanato vuṭṭhāya therassa santikaṃ gantvā evaṃ okāsamakāsi, katāvakāso pana attano āsane nisīditvā byākāsi.
સહત્થાતિ સહત્થેન. સન્તપ્પેસીતિ યાવદિચ્છકં દેન્તો સુટ્ઠુ તપ્પેસિ. સમ્પવારેસીતિ ‘‘અલં અલ’’ન્તિ હત્થસઞ્ઞાય ચેવ વાચાય ચ પટિક્ખિપાપેસિ. ઓનીતપત્તપાણિનોતિ પાણિતો અપનીતપત્તા ધોવિત્વા થવિકાય ઓસાપેત્વા અંસે લગ્ગિતપત્તાતિ અત્થો.
Sahatthāti sahatthena. Santappesīti yāvadicchakaṃ dento suṭṭhu tappesi. Sampavāresīti ‘‘alaṃ ala’’nti hatthasaññāya ceva vācāya ca paṭikkhipāpesi. Onītapattapāṇinoti pāṇito apanītapattā dhovitvā thavikāya osāpetvā aṃse laggitapattāti attho.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૨. પઠમઇસિદત્તસુત્તં • 2. Paṭhamaisidattasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૨. પઠમઇસિદત્તસુત્તવણ્ણના • 2. Paṭhamaisidattasuttavaṇṇanā
