| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. பட²மக²தஸுத்தங்
5. Paṭhamakhatasuttaṃ
151. ‘‘தீஹி, பி⁴க்க²வே, த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதி. கதமேஹி தீஹி? அகுஸலேன காயகம்மேன, அகுஸலேன வசீகம்மேன, அகுஸலேன மனோகம்மேன – இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதி.
151. ‘‘Tīhi, bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati. Katamehi tīhi? Akusalena kāyakammena, akusalena vacīkammena, akusalena manokammena – imehi kho, bhikkhave, tīhi dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati.
‘‘தீஹி, பி⁴க்க²வே, த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதி. கதமேஹி தீஹி? குஸலேன காயகம்மேன, குஸலேன வசீகம்மேன, குஸலேன மனோகம்மேன…பே॰…. பஞ்சமங்.
‘‘Tīhi, bhikkhave, dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo ca viññūnaṃ, bahuñca puññaṃ pasavati. Katamehi tīhi? Kusalena kāyakammena, kusalena vacīkammena, kusalena manokammena…pe…. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1-9. அகுஸலஸுத்தாதி³வண்ணனா • 1-9. Akusalasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 11-13. பட²மமோரனிவாபஸுத்தாதி³வண்ணனா • 11-13. Paṭhamamoranivāpasuttādivaṇṇanā
