| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
11. பட²மமோரனிவாபஸுத்தங்
11. Paṭhamamoranivāpasuttaṃ
144. ஏகங் ஸமயங் ப⁴க³வா ராஜக³ஹே விஹரதி மோரனிவாபே பரிப்³பா³ஜகாராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
144. Ekaṃ samayaṃ bhagavā rājagahe viharati moranivāpe paribbājakārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘தீஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² அச்சந்தனிட்டோ² ஹோதி அச்சந்தயோக³க்கே²மீ அச்சந்தப்³ரஹ்மசாரீ அச்சந்தபரியோஸானோ ஸெட்டோ² தே³வமனுஸ்ஸானங். கதமேஹி தீஹி? அஸெக்கே²ன ஸீலக்க²ந்தே⁴ன, அஸெக்கே²ன ஸமாதி⁴க்க²ந்தே⁴ன, அஸெக்கே²ன பஞ்ஞாக்க²ந்தே⁴ன. இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ பி⁴க்கு² அச்சந்தனிட்டோ² ஹோதி அச்சந்தயோக³க்கே²மீ அச்சந்தப்³ரஹ்மசாரீ அச்சந்தபரியோஸானோ ஸெட்டோ² தே³வமனுஸ்ஸான’’ந்தி. ஏகாத³ஸமங்.
‘‘Tīhi, bhikkhave, dhammehi samannāgato bhikkhu accantaniṭṭho hoti accantayogakkhemī accantabrahmacārī accantapariyosāno seṭṭho devamanussānaṃ. Katamehi tīhi? Asekkhena sīlakkhandhena, asekkhena samādhikkhandhena, asekkhena paññākkhandhena. Imehi kho, bhikkhave, tīhi dhammehi samannāgato bhikkhu accantaniṭṭho hoti accantayogakkhemī accantabrahmacārī accantapariyosāno seṭṭho devamanussāna’’nti. Ekādasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 11. பட²மமோரனிவாபஸுத்தவண்ணனா • 11. Paṭhamamoranivāpasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 11-13. பட²மமோரனிவாபஸுத்தாதி³வண்ணனா • 11-13. Paṭhamamoranivāpasuttādivaṇṇanā
