1-4. பட²மபுப்³பே³ஸம்போ³த⁴ஸுத்தாதி³வண்ணனா

1-4. Paṭhamapubbesambodhasuttādivaṇṇanā

13-16. த்³வீஸுபி ஸுத்தேஸு ஆயதனானங் வஸேன தே³ஸனா ஏகரஸாவாதி ‘‘பட²மது³தியேஸூ’’தி ஏகஜ்ஜ²ங் பது³த்³தா⁴ரோ கதோ. ஆஹிதோ அஹங்மானோ எத்தா²தி அத்தா, அத்தபா⁴வோ. அத்தானமதி⁴ அஜ்ஜ²த்தங், தப்பரியாபன்னத்தா தத்த² ப⁴வானி அஜ்ஜ²த்திகானி, தேஸங் அஜ்ஜ²த்திகானங். அஜ்ஜ²த்தஞ்ச நாம அஜ்ஜ²த்தஜ்ஜ²த்தங் , நியகஜ்ஜ²த்தங், கோ³சரஜ்ஜ²த்தங், விஸயஜ்ஜ²த்தந்தி சதுப்³பி³த⁴ங். தத்த² அஜ்ஜ²த்தஜ்ஜ²த்தங் அஜ்ஜ²த்தே ப⁴வந்தி அஜ்ஜ²த்திகந்தி ஆஹ ‘‘அஜ்ஜ²த்தஜ்ஜ²த்தவஸேன அஜ்ஜ²த்திகான’’ந்தி. தேஸங் சக்கா²தீ³னங் அஜ்ஜ²த்தேஸுபி அஜ்ஜ²த்திகபா⁴வோ அதி⁴கஸினேஹவத்து²தாயாதி ஆஹ ‘‘ச²ந்த³ராக³ஸ்ஸ அதி⁴மத்தப³லவதாயா’’தி. இதா³னி தத்த² தமத்த²ங் படியோகி³னா ஸத்³தி⁴ங் உதா³ஹரணவஸேன த³ஸ்ஸெந்தோ ‘‘மனுஸ்ஸானங் ஹீ’’திஆதி³மாஹ. தங் உத்தானமேவ. பா³ஹிரானீதி அஜ்ஜ²த்திகதோ ப³ஹி ப⁴வானி.

13-16. Dvīsupi suttesu āyatanānaṃ vasena desanā ekarasāvāti ‘‘paṭhamadutiyesū’’ti ekajjhaṃ paduddhāro kato. Āhito ahaṃmāno etthāti attā, attabhāvo. Attānamadhi ajjhattaṃ, tappariyāpannattā tattha bhavāni ajjhattikāni, tesaṃ ajjhattikānaṃ. Ajjhattañca nāma ajjhattajjhattaṃ , niyakajjhattaṃ, gocarajjhattaṃ, visayajjhattanti catubbidhaṃ. Tattha ajjhattajjhattaṃ ajjhatte bhavanti ajjhattikanti āha ‘‘ajjhattajjhattavasena ajjhattikāna’’nti. Tesaṃ cakkhādīnaṃ ajjhattesupi ajjhattikabhāvo adhikasinehavatthutāyāti āha ‘‘chandarāgassa adhimattabalavatāyā’’ti. Idāni tattha tamatthaṃ paṭiyoginā saddhiṃ udāharaṇavasena dassento ‘‘manussānaṃ hī’’tiādimāha. Taṃ uttānameva. Bāhirānīti ajjhattikato bahi bhavāni.

பட²மபுப்³பே³ஸம்போ³த⁴ஸுத்தாதி³வண்ணனா நிட்டி²தா.

Paṭhamapubbesambodhasuttādivaṇṇanā niṭṭhitā.

Next: 5-6. பட²மனோசேஅஸ்ஸாத³ஸுத்தாதி³வண்ணனா • 5-6. Paṭhamanoceassādasuttādivaṇṇanā

அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-4. பட²மபுப்³பே³ஸம்போ³த⁴ஸுத்தாதி³வண்ணனா • 1-4. Paṭhamapubbesambodhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact