| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. பட²மஸமயவிமுத்தஸுத்தங்
9. Paṭhamasamayavimuttasuttaṃ
149. ‘‘பஞ்சிமே , பி⁴க்க²வே, த⁴ம்மா ஸமயவிமுத்தஸ்ஸ பி⁴க்கு²னோ பரிஹானாய ஸங்வத்தந்தி. கதமே பஞ்ச? கம்மாராமதா, ப⁴ஸ்ஸாராமதா, நித்³தா³ராமதா , ஸங்க³ணிகாராமதா, யதா²விமுத்தங் சித்தங் ந பச்சவெக்க²தி. இமே கோ², பி⁴க்க²வே, பஞ்ச த⁴ம்மா ஸமயவிமுத்தஸ்ஸ பி⁴க்கு²னோ பரிஹானாய ஸங்வத்தந்தி.
149. ‘‘Pañcime , bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā , saṅgaṇikārāmatā, yathāvimuttaṃ cittaṃ na paccavekkhati. Ime kho, bhikkhave, pañca dhammā samayavimuttassa bhikkhuno parihānāya saṃvattanti.
‘‘பஞ்சிமே, பி⁴க்க²வே, த⁴ம்மா ஸமயவிமுத்தஸ்ஸ பி⁴க்கு²னோ அபரிஹானாய ஸங்வத்தந்தி. கதமே பஞ்ச? ந கம்மாராமதா, ந ப⁴ஸ்ஸாராமதா, ந நித்³தா³ராமதா, ந ஸங்க³ணிகாராமதா, யதா²விமுத்தங் சித்தங் பச்சவெக்க²தி. இமே கோ², பி⁴க்க²வே, பஞ்ச த⁴ம்மா ஸமயவிமுத்தஸ்ஸ பி⁴க்கு²னோ அபரிஹானாய ஸங்வத்தந்தீ’’தி. நவமங்.
‘‘Pañcime, bhikkhave, dhammā samayavimuttassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, na saṅgaṇikārāmatā, yathāvimuttaṃ cittaṃ paccavekkhati. Ime kho, bhikkhave, pañca dhammā samayavimuttassa bhikkhuno aparihānāya saṃvattantī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. பட²மஸமயவிமுத்தஸுத்தவண்ணனா • 9. Paṭhamasamayavimuttasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-10. அஸப்புரிஸதா³னஸுத்தாதி³வண்ணனா • 7-10. Asappurisadānasuttādivaṇṇanā
