| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. பட²மஸமுக்³கா⁴தஸப்பாயஸுத்தவண்ணனா
9. Paṭhamasamugghātasappāyasuttavaṇṇanā
31. உபகாரபூ⁴தா ததா³வஹத்தா. ததோதி மஞ்ஞிதாகாரதோ. தந்தி மஞ்ஞனாவத்து²ங். அஞ்ஞேனாகாரேனாதி யதா² மஞ்ஞதி அனிச்சாதி³ஆகாரதோ, அஞ்ஞேன அனிச்சாதி³னா ஆகாரேன ஹோதி. அஞ்ஞதா²பா⁴வங் விபரிணாமந்தி உப்பாத³வயதாய அஞ்ஞதா²பா⁴வங் ஜராய மரணேன ச த்³வேதா⁴ விபரிணாமேதப்³ப³ங். தங் உபக³மனேன அஞ்ஞதா²பா⁴வீ, ஏவங்பூ⁴தோ ஹுத்வாபி ஜீரணபி⁴ஜ்ஜனஸபா⁴வேஸு. ப⁴வேஸு ஸத்தோ லோகோ உபரிபி ப⁴வங்யேவ அபி⁴னந்த³தி. ஹெட்டா² க³ஹிதமேவ ஸங்கட்³டி⁴த்வாதி ‘‘சக்கு²ங் ந மஞ்ஞதீ’’திஆதி³னா ஹெட்டா² க³ஹிதமேவ க²ந்த⁴தா⁴துஆயதனாதி க²ந்தா⁴தி³பரியாயேன ஏகதோ க³ஹெத்வா புனபி மஞ்ஞனாவத்து²ங் த³ஸ்ஸேதி. அவஸானே ‘‘ததோ தங் ஹோதீ’’தி வுத்தபதே³ன ஸத்³தி⁴ங் ஸப்³ப³வாரேஸு அட்ட² அட்ட² ஹொந்தீதி ‘‘அட்ட²சத்தாலீஸாய டா²னேஸூ’’தி வுத்தங்.
31.Upakārabhūtā tadāvahattā. Tatoti maññitākārato. Tanti maññanāvatthuṃ. Aññenākārenāti yathā maññati aniccādiākārato, aññena aniccādinā ākārena hoti. Aññathābhāvaṃ vipariṇāmanti uppādavayatāya aññathābhāvaṃ jarāya maraṇena ca dvedhā vipariṇāmetabbaṃ. Taṃ upagamanena aññathābhāvī, evaṃbhūto hutvāpi jīraṇabhijjanasabhāvesu. Bhavesu satto loko uparipi bhavaṃyeva abhinandati. Heṭṭhā gahitameva saṅkaḍḍhitvāti ‘‘cakkhuṃ na maññatī’’tiādinā heṭṭhā gahitameva khandhadhātuāyatanāti khandhādipariyāyena ekato gahetvā punapi maññanāvatthuṃ dasseti. Avasāne ‘‘tato taṃ hotī’’ti vuttapadena saddhiṃ sabbavāresu aṭṭha aṭṭha hontīti ‘‘aṭṭhacattālīsāya ṭhānesū’’ti vuttaṃ.
பட²மஸமுக்³கா⁴தஸப்பாயஸுத்தவண்ணனா நிட்டி²தா.
Paṭhamasamugghātasappāyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. பட²மஸமுக்³கா⁴தஸப்பாயஸுத்தங் • 9. Paṭhamasamugghātasappāyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. பட²மஸமுக்³கா⁴தஸப்பாயஸுத்தவண்ணனா • 9. Paṭhamasamugghātasappāyasuttavaṇṇanā
