| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. પઠમસઙ્ગામસુત્તવણ્ણના
4. Paṭhamasaṅgāmasuttavaṇṇanā
૧૨૫. વેદેન ઞાણેન ઈહતિ ઇરિયતીતિ વેદેહી, કોસલરાજભગિની અજાતસત્તુનો માતા, સા કિર સમ્પજઞ્ઞજાતિકા. તેનાહ ‘‘પણ્ડિતાધિવચન’’ન્તિ, ચત્તારિ અઙ્ગાનિ એતિસ્સન્તિ ચતુરઙ્ગિની. દ્વિન્નં રજ્જાનન્તિ કાસિકરજ્જમગધરજ્જાનં અન્તરે, સો પન ગામો કાસિકરજ્જો.
125. Vedena ñāṇena īhati iriyatīti vedehī, kosalarājabhaginī ajātasattuno mātā, sā kira sampajaññajātikā. Tenāha ‘‘paṇḍitādhivacana’’nti, cattāri aṅgāni etissanti caturaṅginī. Dvinnaṃ rajjānanti kāsikarajjamagadharajjānaṃ antare, so pana gāmo kāsikarajjo.
પાપાતિ લામકા નિહીનાચારા. મેજ્જતિ સિનિય્હતીતિ મેત્તિ, સા એતેસુ અત્થીતિ મિત્તા. સહ અયન્તિ પવત્તન્તીતિ સહાયા. સમ્પવઙ્કન્તિ સુટ્ઠુ ઓનતં. જયકારણં દિસ્વા આહ, તથા હિ ‘‘અજ્જ ઇમં રત્તિં દુક્ખં સેતી’’તિ કાલપરિચ્છેદવસેન વુત્તં. વેરિઘાતો નામ વેરિપુગ્ગલે સતીતિ આહ ‘‘વેરિપુગ્ગલં લભતી’’તિ.
Pāpāti lāmakā nihīnācārā. Mejjati siniyhatīti metti, sā etesu atthīti mittā. Saha ayanti pavattantīti sahāyā. Sampavaṅkanti suṭṭhu onataṃ. Jayakāraṇaṃ disvā āha, tathā hi ‘‘ajja imaṃ rattiṃ dukkhaṃ setī’’ti kālaparicchedavasena vuttaṃ. Verighāto nāma veripuggale satīti āha ‘‘veripuggalaṃ labhatī’’ti.
પઠમસઙ્ગામસુત્તવણ્ણના નિટ્ઠિતા.
Paṭhamasaṅgāmasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. પઠમસઙ્ગામસુત્તં • 4. Paṭhamasaṅgāmasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. પઠમસઙ્ગામસુત્તવણ્ણના • 4. Paṭhamasaṅgāmasuttavaṇṇanā
