| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૪. પઠમસરણાનિસક્કસુત્તવણ્ણના
4. Paṭhamasaraṇānisakkasuttavaṇṇanā
૧૦૨૦. ચતુત્થે ઇધ મહાનામ એકચ્ચો પુગ્ગલોતિ ઇદં ન કેવલં સરણાનિ એવ અપાયતો મુત્તો, ઇમેપિ પુગ્ગલા મુત્તાતિ દસ્સેતું આરદ્ધં. મત્તસો નિજ્ઝાનં ખમન્તીતિ પમાણેન ચ ઓલોકનં ખમન્તિ. ઇમિના ધમ્માનુસારિમગ્ગટ્ઠપુગ્ગલં દસ્સેતિ. અગન્તા નિરયન્તિ મગ્ગટ્ઠપુગ્ગલો હિ અપાયતો પરિમુત્તોતિ વા પરિમુચ્ચિસ્સતીતિ વા વત્તું ન વટ્ટતિ, પરિમુચ્ચતીતિ પન વત્તું વટ્ટતિ. યસ્મા ચ પરિમુચ્ચતિ, તસ્મા ગન્તા નામ ન હોતીતિ, ‘‘અગન્તા’’તિ વુત્તો, ન ગચ્છતીતિ અત્થો. સદ્ધામત્તં પેમમત્તન્તિ ઇમિના સદ્ધાનુસારિમગ્ગટ્ઠપુગ્ગલં દસ્સેતિ. મહાસાલાતિ સમીપે ઠિતેવ ચત્તારો મહાસારરુક્ખે દસ્સેન્તો આહ. મરણકાલે સિક્ખં સમાદિયીતિ મરણસમયે તીસુ સિક્ખાસુ પરિપૂરકારી અહોસીતિ દસ્સેતિ.
1020. Catutthe idha mahānāma ekacco puggaloti idaṃ na kevalaṃ saraṇāni eva apāyato mutto, imepi puggalā muttāti dassetuṃ āraddhaṃ. Mattaso nijjhānaṃ khamantīti pamāṇena ca olokanaṃ khamanti. Iminā dhammānusārimaggaṭṭhapuggalaṃ dasseti. Agantā nirayanti maggaṭṭhapuggalo hi apāyato parimuttoti vā parimuccissatīti vā vattuṃ na vaṭṭati, parimuccatīti pana vattuṃ vaṭṭati. Yasmā ca parimuccati, tasmā gantā nāma na hotīti, ‘‘agantā’’ti vutto, na gacchatīti attho. Saddhāmattaṃ pemamattanti iminā saddhānusārimaggaṭṭhapuggalaṃ dasseti. Mahāsālāti samīpe ṭhiteva cattāro mahāsārarukkhe dassento āha. Maraṇakāle sikkhaṃ samādiyīti maraṇasamaye tīsu sikkhāsu paripūrakārī ahosīti dasseti.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. પઠમસરણાનિસક્કસુત્તં • 4. Paṭhamasaraṇānisakkasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪. પઠમસરણાનિસક્કસુત્તવણ્ણના • 4. Paṭhamasaraṇānisakkasuttavaṇṇanā
