| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૪-૫. પઠમસારિપુત્તસુત્તાદિવણ્ણના
4-5. Paṭhamasāriputtasuttādivaṇṇanā
૧૦૦૦-૧૦૦૧. ચતુત્થ ઉત્તાનમેવ. પઞ્ચમે સોતાપત્તિયઙ્ગન્તિ સોતાપત્તિયા પુબ્બભાગપટિલાભઙ્ગં. બુદ્ધે અવેચ્ચપ્પસાદાદયો પન પટિલદ્ધગુણા સોતાપન્નસ્સ અઙ્ગા નામ, તેપિ પન સોતાપત્તિયઙ્ગન્તિ આગતા. તત્રાયં દ્વિન્નમ્પિ વચનત્થો – સપ્પુરિસે સેવન્તો ભજન્તો પયિરુપાસન્તો ધમ્મં સુણન્તો યોનિસો મનસિકરોન્તો ધમ્માનુધમ્મં પુબ્બભાગપટિપદં પટિપજ્જન્તો સોતાપત્તિં પટિલભતીતિ સપ્પુરિસસંસેવાદયો સોતાપત્તિઅત્થાય અઙ્ગન્તિ સોતાપત્તિયઙ્ગં નામ, ઇતરે પઠમમગ્ગસઙ્ખાતાય સોતાપત્તિયા અઙ્ગન્તિપિ સોતાપત્તિયઙ્ગં, પટિવિદ્ધસોતાપત્તિમગ્ગસ્સ સોતાપત્તિમગ્ગો અઙ્ગન્તિપિ સોતાપત્તિયઙ્ગં.
1000-1001. Catuttha uttānameva. Pañcame sotāpattiyaṅganti sotāpattiyā pubbabhāgapaṭilābhaṅgaṃ. Buddhe aveccappasādādayo pana paṭiladdhaguṇā sotāpannassa aṅgā nāma, tepi pana sotāpattiyaṅganti āgatā. Tatrāyaṃ dvinnampi vacanattho – sappurise sevanto bhajanto payirupāsanto dhammaṃ suṇanto yoniso manasikaronto dhammānudhammaṃ pubbabhāgapaṭipadaṃ paṭipajjanto sotāpattiṃ paṭilabhatīti sappurisasaṃsevādayo sotāpattiatthāya aṅganti sotāpattiyaṅgaṃ nāma, itare paṭhamamaggasaṅkhātāya sotāpattiyā aṅgantipi sotāpattiyaṅgaṃ, paṭividdhasotāpattimaggassa sotāpattimaggo aṅgantipi sotāpattiyaṅgaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૪. પઠમસારિપુત્તસુત્તં • 4. Paṭhamasāriputtasuttaṃ
૫. દુતિયસારિપુત્તસુત્તં • 5. Dutiyasāriputtasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪-૫. પઠમસારિપુત્તસુત્તાદિવણ્ણના • 4-5. Paṭhamasāriputtasuttādivaṇṇanā
