| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. பட²மஸோசெய்யஸுத்தங்
8. Paṭhamasoceyyasuttaṃ
121. ‘‘தீணிமானி, பி⁴க்க²வே, ஸோசெய்யானி. கதமானி தீணி? காயஸோசெய்யங், வசீஸோசெய்யங், மனோஸோசெய்யங். கதமஞ்ச, பி⁴க்க²வே, காயஸோசெய்யங்? இத⁴, பி⁴க்க²வே, ஏகச்சோ பாணாதிபாதா படிவிரதோ ஹோதி, அதி³ன்னாதா³னா படிவிரதோ ஹோதி, காமேஸுமிச்சா²சாரா படிவிரதோ ஹோதி. இத³ங் வுச்சதி, பி⁴க்க²வே, காயஸோசெய்யங்.
121. ‘‘Tīṇimāni, bhikkhave, soceyyāni. Katamāni tīṇi? Kāyasoceyyaṃ, vacīsoceyyaṃ, manosoceyyaṃ. Katamañca, bhikkhave, kāyasoceyyaṃ? Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti. Idaṃ vuccati, bhikkhave, kāyasoceyyaṃ.
‘‘கதமஞ்ச, பி⁴க்க²வே, வசீஸோசெய்யங்? இத⁴, பி⁴க்க²வே, ஏகச்சோ முஸாவாதா³ படிவிரதோ ஹோதி, பிஸுணாய வாசாய படிவிரதோ ஹோதி, ப²ருஸாய வாசாய படிவிரதோ ஹோதி, ஸம்ப²ப்பலாபா படிவிரதோ ஹோதி. இத³ங் வுச்சதி பி⁴க்க²வே, வசீஸோசெய்யங்.
‘‘Katamañca, bhikkhave, vacīsoceyyaṃ? Idha, bhikkhave, ekacco musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti. Idaṃ vuccati bhikkhave, vacīsoceyyaṃ.
‘‘கதமஞ்ச, பி⁴க்க²வே, மனோஸோசெய்யங்? இத⁴, பி⁴க்க²வே, ஏகச்சோ அனபி⁴ஜ்ஜா²லு ஹோதி அப்³யாபன்னசித்தோ ஸம்மாதி³ட்டி²கோ. இத³ங் வுச்சதி, பி⁴க்க²வே, மனோஸோசெய்யங். இமானி கோ², பி⁴க்க²வே, தீணி ஸோசெய்யானீ’’தி. அட்ட²மங்.
‘‘Katamañca, bhikkhave, manosoceyyaṃ? Idha, bhikkhave, ekacco anabhijjhālu hoti abyāpannacitto sammādiṭṭhiko. Idaṃ vuccati, bhikkhave, manosoceyyaṃ. Imāni kho, bhikkhave, tīṇi soceyyānī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. பட²மஸோசெய்யஸுத்தவண்ணனா • 8. Paṭhamasoceyyasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8. பட²மஸோசெய்யஸுத்தவண்ணனா • 8. Paṭhamasoceyyasuttavaṇṇanā
