| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. பட²மஸுக்காஸுத்தவண்ணனா
9. Paṭhamasukkāsuttavaṇṇanā
243. ரதி²கந்தி ரச்ச²ங். க³ஹெத்வாதி க³ந்த்வா. ஸிங்கா⁴டகந்தி அஞ்ஞத்த² திகோணா ரச்சா² வுச்சதி. இத⁴ பன ‘‘சதுக்க’’ந்தி வுத்தங். ‘‘மது⁴பீகா’’தி எத்த² மது⁴-ஸத்³தே³ன மது⁴விஸேஸோ வுச்சதீதி ஆஹ ‘‘க³ந்த⁴மது⁴பானங் பீதா வியா’’தி. ஸாமஞ்ஞஜோதனா ஹி விஸேஸே திட்ட²தீதி க³ந்த⁴மதூ⁴தி ச அதிவிய மது⁴ரோ மத³னியோ ஏகோ மது⁴விஸேஸோ. தேனாஹ ‘‘அஸஞ்ஞீ ஹுத்வா ஸயதேவா’’தி.
243.Rathikanti racchaṃ. Gahetvāti gantvā. Siṅghāṭakanti aññattha tikoṇā racchā vuccati. Idha pana ‘‘catukka’’nti vuttaṃ. ‘‘Madhupīkā’’ti ettha madhu-saddena madhuviseso vuccatīti āha ‘‘gandhamadhupānaṃ pītā viyā’’ti. Sāmaññajotanā hi visese tiṭṭhatīti gandhamadhūti ca ativiya madhuro madaniyo eko madhuviseso. Tenāha ‘‘asaññī hutvā sayatevā’’ti.
ந படிவானீயங் ந அபனேதப்³ப³ந்தி அப்படிவானீயங். தேனாஹ ‘‘பா³ஹிரகஞ்ஹீ’’திஆதி³. யங் கிஞ்சி ஸந்தபணீதபா⁴வாவஹங் ந ஸேசனந்தி அஸேசனகங். ததோ ஏவ அனாஸித்தகங். ஓஜவந்தந்தி ப³ஹுஸம்மதஓஜவந்தஸதி³ஸதாய ஓஜவந்தங். தேனாஹ ‘‘யதா² ஹீ’’திஆதி³. த⁴ம்மதாயாதி அத்தனோ ஸபா⁴வேனேவ. மது⁴ரோ இட்டோ². பிவந்தீ வியாதி ஸுக்காய பி⁴க்கு²னியா உபனீயமானங் ஸத்³த⁴ம்மாமதரஸங் அத்தனோ ஸோதஞ்ஜலிங் பூரெத்வா ஓத³ஹந்தீவ. வலாஹகதோ ஆக³தங் வலாஹகங்.
Na paṭivānīyaṃ na apanetabbanti appaṭivānīyaṃ. Tenāha ‘‘bāhirakañhī’’tiādi. Yaṃ kiñci santapaṇītabhāvāvahaṃ na secananti asecanakaṃ. Tato eva anāsittakaṃ. Ojavantanti bahusammataojavantasadisatāya ojavantaṃ. Tenāha ‘‘yathā hī’’tiādi. Dhammatāyāti attano sabhāveneva. Madhuro iṭṭho. Pivantī viyāti sukkāya bhikkhuniyā upanīyamānaṃ saddhammāmatarasaṃ attano sotañjaliṃ pūretvā odahantīva. Valāhakato āgataṃ valāhakaṃ.
பட²மஸுக்காஸுத்தவண்ணனா நிட்டி²தா.
Paṭhamasukkāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. பட²மஸுக்காஸுத்தங் • 9. Paṭhamasukkāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. பட²மஸுக்காஸுத்தவண்ணனா • 9. Paṭhamasukkāsuttavaṇṇanā
