| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. பட²மதஜ்ஜா²னஸுத்தங்
9. Paṭhamatajjhānasuttaṃ
73. ‘‘ச², பி⁴க்க²வே, த⁴ம்மே அப்பஹாய அப⁴ப்³போ³ பட²மங் ஜா²னங் உபஸம்பஜ்ஜ விஹரிதுங். கதமே ச²? காமச்ச²ந்த³ங், ப்³யாபாத³ங், தி²னமித்³த⁴ங், உத்³த⁴ச்சகுக்குச்சங், விசிகிச்ச²ங். காமேஸு கோ² பனஸ்ஸ ஆதீ³னவோ ந யதா²பூ⁴தங் ஸம்மப்பஞ்ஞாய ஸுதி³ட்டோ² ஹோதி. இமே கோ², பி⁴க்க²வே, ச² த⁴ம்மே அப்பஹாய அப⁴ப்³போ³ பட²மங் ஜா²னங் உபஸம்பஜ்ஜ விஹரிதுங்.
73. ‘‘Cha, bhikkhave, dhamme appahāya abhabbo paṭhamaṃ jhānaṃ upasampajja viharituṃ. Katame cha? Kāmacchandaṃ, byāpādaṃ, thinamiddhaṃ, uddhaccakukkuccaṃ, vicikicchaṃ. Kāmesu kho panassa ādīnavo na yathābhūtaṃ sammappaññāya sudiṭṭho hoti. Ime kho, bhikkhave, cha dhamme appahāya abhabbo paṭhamaṃ jhānaṃ upasampajja viharituṃ.
‘‘ச², பி⁴க்க²வே, த⁴ம்மே பஹாய ப⁴ப்³போ³ பட²மங் ஜா²னங் உபஸம்பஜ்ஜ விஹரிதுங். கதமே ச²? காமச்ச²ந்த³ங், ப்³யாபாத³ங், தி²னமித்³த⁴ங், உத்³த⁴ச்சகுக்குச்சங், விசிகிச்ச²ங், காமேஸு கோ² பனஸ்ஸ ஆதீ³னவோ ந யதா²பூ⁴தங் ஸம்மப்பஞ்ஞாய ஸுதி³ட்டோ² ஹோதி. இமே கோ², பி⁴க்க²வே, ச² த⁴ம்மே பஹாய ப⁴ப்³போ³ பட²மங் ஜா²னங் உபஸம்பஜ்ஜ விஹரிது’’ந்தி. நவமங்.
‘‘Cha, bhikkhave, dhamme pahāya bhabbo paṭhamaṃ jhānaṃ upasampajja viharituṃ. Katame cha? Kāmacchandaṃ, byāpādaṃ, thinamiddhaṃ, uddhaccakukkuccaṃ, vicikicchaṃ, kāmesu kho panassa ādīnavo na yathābhūtaṃ sammappaññāya sudiṭṭho hoti. Ime kho, bhikkhave, cha dhamme pahāya bhabbo paṭhamaṃ jhānaṃ upasampajja viharitu’’nti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9-10. தஜ்ஜா²னஸுத்தத்³வயவண்ணனா • 9-10. Tajjhānasuttadvayavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-10. ஸக்கி²ப⁴ப்³ப³ஸுத்தாதி³வண்ணனா • 7-10. Sakkhibhabbasuttādivaṇṇanā
