| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9-10. பட²மவிப⁴ங்க³ஸுத்தாதி³வண்ணனா
9-10. Paṭhamavibhaṅgasuttādivaṇṇanā
479-480. நேபக்கங் வுச்சதி பஞ்ஞாதி ஆஹ – ‘‘பஞ்ஞாயேதங் நாம’’ந்தி. நிபாயதி ஸங்கிலேஸத⁴ம்மே விஸோஸேதி நிக்கா²மேதீதி நிபகோ, தி²ரதிக்க²ஸதிபுக்³க³லோ, தஸ்ஸ பா⁴வோ நேபக்கந்தி ஸதியாபி நேபக்கபா⁴வோ யுஜ்ஜதேவ. ஏவஞ்ஹி ‘‘ஸதினேபக்கேனா’’தி இத³ங் வசனங் ஸமத்தி²தங் ஹோதி, ஸதியா ச நேபக்கேனாதி ஏவங் வுச்சமானேன ஸதினித்³தே³ஸோ நாம கதோ ஹோதியேவ. அஸுகங் நாம ஸுத்தங் வா கம்மட்டா²னங் வா மே பா⁴ஸிதந்தி. வொஸ்ஸஜ்ஜீயதி ஸங்கா²ரக³தங் ஏதஸ்மிங் அதி⁴க³தேதி வொஸ்ஸக்³கோ³, நிப்³பா³னங். தங் ஆரம்மணங் கரித்வாதி ஆஹ – ‘‘நிப்³பா³னாரம்மணங் கத்வா’’தி. க³ச்ச²ந்தியாதி ஸங்கா²ரானங் உத³யஞ்ச வயஞ்ச உத³யப்³ப³யங் க³ச்ச²ந்தியா பு³ஜ்ஜ²ந்தியா. தேனாஹ ‘‘உத³யப்³ப³யபரிக்³கா³ஹிகாயா’’தி. ஸத்³தா⁴ஸதிபஞ்ஞிந்த்³ரியானி புப்³ப³பா⁴கா³னி ‘‘இதிபி ஸோ ப⁴க³வா அரஹங், சிரகதம்பி சிரபா⁴ஸிதம்பி ஸரிதா அனுஸ்ஸரிதா, உத³யத்த²கா³மினியா பஞ்ஞாயா’’தி ச வுத்தத்தா. ‘‘ஆரத்³த⁴வீரியோ விஹரதி, ஸோ அனுப்பன்னான’’ந்திஆதி³னா ச வுத்தத்தா வீரியிந்த்³ரியங் மிஸ்ஸகங். ‘‘வொஸ்ஸக்³கா³ரம்மணங் கரித்வா’’தி வுத்தத்தா ஸமாதி⁴ந்த்³ரியங் நிப்³ப³த்திதலோகுத்தரமேவ. அயமேவாதி ய்வாயங் நவமே வுத்தோ. அயமேவ புப்³ப³பா⁴க³மிஸ்ஸகலோகுத்தரத்தத⁴ம்மபரிச்சே²தோ³.
479-480. Nepakkaṃ vuccati paññāti āha – ‘‘paññāyetaṃ nāma’’nti. Nipāyati saṃkilesadhamme visoseti nikkhāmetīti nipako, thiratikkhasatipuggalo, tassa bhāvo nepakkanti satiyāpi nepakkabhāvo yujjateva. Evañhi ‘‘satinepakkenā’’ti idaṃ vacanaṃ samatthitaṃ hoti, satiyā ca nepakkenāti evaṃ vuccamānena satiniddeso nāma kato hotiyeva. Asukaṃ nāma suttaṃ vā kammaṭṭhānaṃ vā me bhāsitanti. Vossajjīyati saṅkhāragataṃ etasmiṃ adhigateti vossaggo, nibbānaṃ. Taṃ ārammaṇaṃ karitvāti āha – ‘‘nibbānārammaṇaṃ katvā’’ti. Gacchantiyāti saṅkhārānaṃ udayañca vayañca udayabbayaṃ gacchantiyā bujjhantiyā. Tenāha ‘‘udayabbayapariggāhikāyā’’ti. Saddhāsatipaññindriyāni pubbabhāgāni ‘‘itipi so bhagavā arahaṃ, cirakatampi cirabhāsitampi saritā anussaritā, udayatthagāminiyā paññāyā’’ti ca vuttattā. ‘‘Āraddhavīriyo viharati, so anuppannāna’’ntiādinā ca vuttattā vīriyindriyaṃ missakaṃ. ‘‘Vossaggārammaṇaṃ karitvā’’ti vuttattā samādhindriyaṃ nibbattitalokuttarameva. Ayamevāti yvāyaṃ navame vutto. Ayameva pubbabhāgamissakalokuttarattadhammaparicchedo.
ஸுத்³தி⁴கவக்³க³வண்ணனா நிட்டி²தா.
Suddhikavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
9. பட²மவிப⁴ங்க³ஸுத்தங் • 9. Paṭhamavibhaṅgasuttaṃ
10. து³தியவிப⁴ங்க³ஸுத்தங் • 10. Dutiyavibhaṅgasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9-10. பட²மவிப⁴ங்க³ஸுத்தாதி³வண்ணனா • 9-10. Paṭhamavibhaṅgasuttādivaṇṇanā
