| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૯-૧૦. પઠમવિભઙ્ગસુત્તાદિવણ્ણના
9-10. Paṭhamavibhaṅgasuttādivaṇṇanā
૪૭૯-૪૮૦. નવમે સતિનેપક્કેનાતિ એત્થ નિપકસ્સ ભાવો નેપક્કં, પઞ્ઞાયેતં નામં. કસ્મા પન સતિભાજને પઞ્ઞા વુત્તાતિ? સતિયા બલવભાવદસ્સનત્થં. બલવસતિ હિ ઇધ અધિપ્પેતા. સા ચ પઞ્ઞાસમ્પયુત્તાવ બલવતી હોતિ, ન વિપ્પયુત્તાતિ પઞ્ઞાસમ્પયુત્તસતિં દસ્સેન્તો એવમાહ. ચિરકતન્તિ ચિરકાલં કતં દાનં વા સીલં વા ઉપોસથકમ્મં વા. ચિરભાસિતન્તિ ‘‘અસુકસ્મિં ઠાને અસુકં નામ ભાસિત’’ન્તિ એવં ચિરકાલે ભાસિતં. વોસ્સગ્ગારમ્મણં કત્વાતિ નિબ્બાનારમ્મણં કત્વા. ઉદયત્થગામિનિયાતિ ઉદયઞ્ચ અત્થઞ્ચ ગચ્છન્તિયા, ઉદયબ્બયપરિગ્ગહિકાયાતિ અત્થો. ઇમસ્મિં સુત્તે સદ્ધાસતિપઞ્ઞિન્દ્રિયાનિ પુબ્બભાગાનિ, વીરિયિન્દ્રિયં મિસ્સકં, સમાધિન્દ્રિયં નિબ્બત્તિતલોકુત્તરમેવ કથિતં. દસમેપિ અયમેવ ધમ્મપરિચ્છેદોતિ.
479-480. Navame satinepakkenāti ettha nipakassa bhāvo nepakkaṃ, paññāyetaṃ nāmaṃ. Kasmā pana satibhājane paññā vuttāti? Satiyā balavabhāvadassanatthaṃ. Balavasati hi idha adhippetā. Sā ca paññāsampayuttāva balavatī hoti, na vippayuttāti paññāsampayuttasatiṃ dassento evamāha. Cirakatanti cirakālaṃ kataṃ dānaṃ vā sīlaṃ vā uposathakammaṃ vā. Cirabhāsitanti ‘‘asukasmiṃ ṭhāne asukaṃ nāma bhāsita’’nti evaṃ cirakāle bhāsitaṃ. Vossaggārammaṇaṃ katvāti nibbānārammaṇaṃ katvā. Udayatthagāminiyāti udayañca atthañca gacchantiyā, udayabbayapariggahikāyāti attho. Imasmiṃ sutte saddhāsatipaññindriyāni pubbabhāgāni, vīriyindriyaṃ missakaṃ, samādhindriyaṃ nibbattitalokuttarameva kathitaṃ. Dasamepi ayameva dhammaparicchedoti.
સુદ્ધિકવગ્ગો પઠમો.
Suddhikavaggo paṭhamo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૯. પઠમવિભઙ્ગસુત્તં • 9. Paṭhamavibhaṅgasuttaṃ
૧૦. દુતિયવિભઙ્ગસુત્તં • 10. Dutiyavibhaṅgasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯-૧૦. પઠમવિભઙ્ગસુત્તાદિવણ્ણના • 9-10. Paṭhamavibhaṅgasuttādivaṇṇanā
