| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૬. પઠમવિભઙ્ગસુત્તવણ્ણના
6. Paṭhamavibhaṅgasuttavaṇṇanā
૫૦૬. કાયિકન્તિ અયમસ્સ નિસ્સયવસેન નિદ્દેસોતિ આહ – ‘‘કાયપસાદવત્થુક’’ન્તિ. સરૂપનિદ્દેસો સુખં સુખિન્દ્રિયસ્સ સરૂપન્તિ. સાદનીયટ્ઠેન ધમ્મપદાનિ અત્તનિ અસ્સાદયતીતિ સાતં, મધુરં. વેદયિતન્તિ વેદિયનં, અનુભવનન્તિ અત્થો. અઞ્ઞધમ્મવિસિટ્ઠોતિ ફસ્સાદીહિ અઞ્ઞેહિ ધમ્મેહિ વિસદિસો. કાયિકન્તિ પસાદકાયસન્નિસ્સિતં. ચેતસિકન્તિ ચેતોસન્નિસ્સિતં, તેન વુત્તં ‘‘એત્થ પના’’તિઆદિ. કાયપસાદ…પે॰… નત્થિ, તસ્મા ‘‘ચત્તારો પસાદકાયે વત્થું કત્વા’’તિ વુત્તં.
506.Kāyikanti ayamassa nissayavasena niddesoti āha – ‘‘kāyapasādavatthuka’’nti. Sarūpaniddeso sukhaṃ sukhindriyassa sarūpanti. Sādanīyaṭṭhena dhammapadāni attani assādayatīti sātaṃ, madhuraṃ. Vedayitanti vediyanaṃ, anubhavananti attho. Aññadhammavisiṭṭhoti phassādīhi aññehi dhammehi visadiso. Kāyikanti pasādakāyasannissitaṃ. Cetasikanti cetosannissitaṃ, tena vuttaṃ ‘‘ettha panā’’tiādi. Kāyapasāda…pe… natthi, tasmā ‘‘cattāro pasādakāye vatthuṃ katvā’’ti vuttaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. પઠમવિભઙ્ગસુત્તં • 6. Paṭhamavibhaṅgasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૬. પઠમવિભઙ્ગસુત્તવણ્ણના • 6. Paṭhamavibhaṅgasuttavaṇṇanā
