| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૭. પથવીકમ્મવિપાકોતિકથાવણ્ણના
7. Pathavīkammavipākotikathāvaṇṇanā
૪૯૨. અત્તવજ્જેહીતિ ફસ્સવજ્જેહિ. ન હિ સો એવ તેન સમ્પયુત્તો હોતિ. સોતિ ફસ્સમેવ પચ્ચામસતિ. સાવજ્જનેતિ આવજ્જનસહિતે, આવજ્જનં પુરેચારિકં કત્વા એવ પવત્તનકેતિ અત્થો. કમ્મૂપનિસ્સયભૂતમેવાતિ યેન કમ્મુના યથાવુત્તા ફસ્સાદયો નિબ્બત્તિતા, તસ્સ કમ્મસ્સ ઉપનિસ્સયભૂતમેવ. દુક્ખસ્સાતિ આયતિં ઉપ્પજ્જનકદુક્ખસ્સ. ‘‘મૂલતણ્હા’’તિ દસ્સેતીતિ યોજના, તથા ‘‘ઉપનિસ્સયભૂત’’ન્તિ એત્થાપિ. કમ્માયૂહનસ્સ કારણભૂતા પુરિમસિદ્ધા તણ્હા કમ્મસ્સ ઉપનિસ્સયો, કતૂપચિતે કમ્મે ભવાદીસુ નમનવસેન પવત્તા હિ વિપાકસ્સ ઉપનિસ્સયો.
492. Attavajjehīti phassavajjehi. Na hi so eva tena sampayutto hoti. Soti phassameva paccāmasati. Sāvajjaneti āvajjanasahite, āvajjanaṃ purecārikaṃ katvā eva pavattanaketi attho. Kammūpanissayabhūtamevāti yena kammunā yathāvuttā phassādayo nibbattitā, tassa kammassa upanissayabhūtameva. Dukkhassāti āyatiṃ uppajjanakadukkhassa. ‘‘Mūlataṇhā’’ti dassetīti yojanā, tathā ‘‘upanissayabhūta’’nti etthāpi. Kammāyūhanassa kāraṇabhūtā purimasiddhā taṇhā kammassa upanissayo, katūpacite kamme bhavādīsu namanavasena pavattā hi vipākassa upanissayo.
૪૯૩. ઓકાસકતુપ્પન્નં અખેપેત્વા પરિનિબ્બાનભાવો સકસમયવસેન ચોદનાય યુજ્જમાનતા.
493. Okāsakatuppannaṃ akhepetvā parinibbānabhāvo sakasamayavasena codanāya yujjamānatā.
૪૯૪. કમ્મે સતીતિ ઇમિના કમ્મસ્સ પથવીઆદીનં પચ્ચયતામત્તમાહ, ન જનકત્તં. તેનાહ ‘‘તંસંવત્તનિકં નામ હોતી’’તિ.
494. Kamme satīti iminā kammassa pathavīādīnaṃ paccayatāmattamāha, na janakattaṃ. Tenāha ‘‘taṃsaṃvattanikaṃ nāma hotī’’ti.
પથવીકમ્મવિપાકોતિકથાવણ્ણના નિટ્ઠિતા.
Pathavīkammavipākotikathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૬૯) ૭. પથવી કમ્મવિપાકોતિકથા • (69) 7. Pathavī kammavipākotikathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૭. પથવીકમ્મવિપાકોતિકથાવણ્ણના • 7. Pathavīkammavipākotikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૭. પથવીકમ્મવિપાકોતિકથાવણ્ણના • 7. Pathavīkammavipākotikathāvaṇṇanā
