| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. பாடிபோ⁴க³ஸுத்தங்
2. Pāṭibhogasuttaṃ
182. 1 ‘‘சதுன்னங் , பி⁴க்க²வே, த⁴ம்மானங் நத்தி² கோசி பாடிபோ⁴கோ³ – ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா லோகஸ்மிங்.
182.2 ‘‘Catunnaṃ , bhikkhave, dhammānaṃ natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmiṃ.
‘‘கதமேஸங் சதுன்னங்? ‘ஜராத⁴ம்மங் மா ஜீரீ’தி நத்தி² கோசி பாடிபோ⁴கோ³ – ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா லோகஸ்மிங்; ‘ப்³யாதி⁴த⁴ம்மங் மா ப்³யாதி⁴யீ’தி நத்தி² கோசி பாடிபோ⁴கோ³ – ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா லோகஸ்மிங்; ‘மரணத⁴ம்மங் மா மீயீ’தி நத்தி² கோசி பாடிபோ⁴கோ³ – ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா லோகஸ்மிங்; ‘யானி கோ² பன தானி புப்³பே³ அத்தனா கதானி பாபகானி கம்மானி ஸங்கிலேஸிகானி போனோப⁴விகானி ஸத³ரானி து³க்க²விபாகானி ஆயதிங் ஜாதிஜராமரணிகானி, தேஸங் விபாகோ மா நிப்³ப³த்தீ’தி நத்தி² கோசி பாடிபோ⁴கோ³ – ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா லோகஸ்மிங்.
‘‘Katamesaṃ catunnaṃ? ‘Jarādhammaṃ mā jīrī’ti natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmiṃ; ‘byādhidhammaṃ mā byādhiyī’ti natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmiṃ; ‘maraṇadhammaṃ mā mīyī’ti natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmiṃ; ‘yāni kho pana tāni pubbe attanā katāni pāpakāni kammāni saṃkilesikāni ponobhavikāni sadarāni dukkhavipākāni āyatiṃ jātijarāmaraṇikāni, tesaṃ vipāko mā nibbattī’ti natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmiṃ.
‘‘இமேஸங் கோ², பி⁴க்க²வே, சதுன்னங் த⁴ம்மானங் நத்தி² கோசி பாடிபோ⁴கோ³ – ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா லோகஸ்மி’’ந்தி. து³தியங்.
‘‘Imesaṃ kho, bhikkhave, catunnaṃ dhammānaṃ natthi koci pāṭibhogo – samaṇo vā brāhmaṇo vā devo vā māro vā brahmā vā koci vā lokasmi’’nti. Dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. பாடிபோ⁴க³ஸுத்தவண்ணனா • 2. Pāṭibhogasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-3. யோதா⁴ஜீவஸுத்தாதி³வண்ணனா • 1-3. Yodhājīvasuttādivaṇṇanā
