| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. பாதிமொக்க²ட்ட²பனாஸுத்தங்
2. Pātimokkhaṭṭhapanāsuttaṃ
32. ‘‘கதி நு கோ², ப⁴ந்தே, பாதிமொக்க²ட்ட²பனா’’தி? ‘‘த³ஸ கோ², உபாலி, பாதிமொக்க²ட்ட²பனா. கதமே த³ஸ? பாராஜிகோ தஸ்ஸங் பரிஸாயங் நிஸின்னோ ஹோதி , பாராஜிககதா² விப்பகதா ஹோதி, அனுபஸம்பன்னோ தஸ்ஸங் பரிஸாயங் நிஸின்னோ ஹோதி, அனுபஸம்பன்னகதா² விப்பகதா ஹோதி, ஸிக்க²ங் பச்சக்கா²தகோ தஸ்ஸங் பரிஸாயங் நிஸின்னோ ஹோதி, ஸிக்க²ங் பச்சக்கா²தககதா² விப்பகதா ஹோதி, பண்ட³கோ தஸ்ஸங் பரிஸாயங் நிஸின்னோ ஹோதி, பண்ட³ககதா² விப்பகதா ஹோதி, பி⁴க்கு²னிதூ³ஸகோ தஸ்ஸங் பரிஸாயங் நிஸின்னோ ஹோதி, பி⁴க்கு²னிதூ³ஸககதா² விப்பகதா ஹோதி – இமே கோ², உபாலி, த³ஸ பாதிமொக்க²ட்ட²பனா’’தி. து³தியங்.
32. ‘‘Kati nu kho, bhante, pātimokkhaṭṭhapanā’’ti? ‘‘Dasa kho, upāli, pātimokkhaṭṭhapanā. Katame dasa? Pārājiko tassaṃ parisāyaṃ nisinno hoti , pārājikakathā vippakatā hoti, anupasampanno tassaṃ parisāyaṃ nisinno hoti, anupasampannakathā vippakatā hoti, sikkhaṃ paccakkhātako tassaṃ parisāyaṃ nisinno hoti, sikkhaṃ paccakkhātakakathā vippakatā hoti, paṇḍako tassaṃ parisāyaṃ nisinno hoti, paṇḍakakathā vippakatā hoti, bhikkhunidūsako tassaṃ parisāyaṃ nisinno hoti, bhikkhunidūsakakathā vippakatā hoti – ime kho, upāli, dasa pātimokkhaṭṭhapanā’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. பாதிமொக்க²ட்ட²பனாஸுத்தவண்ணனா • 2. Pātimokkhaṭṭhapanāsuttavaṇṇanā
