| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. படிபத்திவக்³க³வண்ணனா
4. Paṭipattivaggavaṇṇanā
31-40. அயாதா²வபடிபத்தி, ந யதா²படிபத்தி, ஹேதும்ஹிபி ப²லேபி அயாதா²வவத்து²ஸாத⁴னதோ. ஏகங் ஸுத்தங் த⁴ம்மவஸேன கதி²தங் படிபத்திவஸேன. ஏகங் ஸுத்தங் புக்³க³லவஸேன கதி²தங் படிபன்னகவஸேன. ஸங்ஸாரமஹோக⁴ஸ்ஸ பரதீரபா⁴வதோ யோ நங் அதி⁴க³ச்ச²தி, தங் பாரேதி க³மேதீதி பாரங், நிப்³பா³னங், தப்³பி³து⁴ரதாய நத்தி² எத்த² பாரந்தி அபாரங், ஸங்ஸாரோதி வுத்தங் – ‘‘அபாராபாரந்தி வட்டதோ நிப்³பா³ன’’ந்தி. பாரங்க³தாதி அஸெக்கே² ஸந்தா⁴ய. யேபி க³ச்ச²ந்தீதி ஸெக்கே². யேபி க³மிஸ்ஸந்தீதி கல்யாணபுது²ஜ்ஜனே. பாரகா³மினோதி எத்த² கித-ஸத்³தோ³ திகாலவாசீதி ஏவங் வுத்தங்.
31-40.Ayāthāvapaṭipatti, na yathāpaṭipatti, hetumhipi phalepi ayāthāvavatthusādhanato. Ekaṃ suttaṃ dhammavasena kathitaṃ paṭipattivasena. Ekaṃ suttaṃ puggalavasena kathitaṃ paṭipannakavasena. Saṃsāramahoghassa paratīrabhāvato yo naṃ adhigacchati, taṃ pāreti gametīti pāraṃ, nibbānaṃ, tabbidhuratāya natthi ettha pāranti apāraṃ, saṃsāroti vuttaṃ – ‘‘apārāpāranti vaṭṭato nibbāna’’nti. Pāraṅgatāti asekkhe sandhāya. Yepi gacchantīti sekkhe. Yepi gamissantīti kalyāṇaputhujjane. Pāragāminoti ettha kita-saddo tikālavācīti evaṃ vuttaṃ.
தீரந்தி ஓரிமதீரமாஹ. தேன வுத்தங் ‘‘வட்டமேவ அனுதா⁴வதீ’’தி. ஏகந்தகாளகத்தா சித்தஸ்ஸ அபப⁴ஸ்ஸரபா⁴வகரணதோ கண்ஹாபி⁴ஜாதிஹேதுதோ ச வுத்தங் ‘‘கண்ஹந்தி அகுஸலத⁴ம்ம’’ந்தி. வோதா³னபா⁴வதோ சித்தஸ்ஸ பப⁴ஸ்ஸரபா⁴வகரணதோ ஸுக்காபி⁴ஜாதிஹேதுதோ ச வுத்தங் – ‘‘ஸுக்கந்தி குஸலத⁴ம்ம’’ந்தி. கிலேஸமார-அபி⁴ஸங்கா²ரமார-மச்சுமாரானங் பவத்திட்டா²னதாய ஓகங் வுச்சதி வட்டங், தப்³பி³து⁴ரதாய அனோகந்தி நிப்³பா³னந்தி ஆஹ – ‘‘ஓகா அனோகந்தி வட்டதோ நிப்³பா³ன’’ந்தி.
Tīranti orimatīramāha. Tena vuttaṃ ‘‘vaṭṭameva anudhāvatī’’ti. Ekantakāḷakattā cittassa apabhassarabhāvakaraṇato kaṇhābhijātihetuto ca vuttaṃ ‘‘kaṇhanti akusaladhamma’’nti. Vodānabhāvato cittassa pabhassarabhāvakaraṇato sukkābhijātihetuto ca vuttaṃ – ‘‘sukkanti kusaladhamma’’nti. Kilesamāra-abhisaṅkhāramāra-maccumārānaṃ pavattiṭṭhānatāya okaṃ vuccati vaṭṭaṃ, tabbidhuratāya anokanti nibbānanti āha – ‘‘okā anokanti vaṭṭato nibbāna’’nti.
பரமத்த²தோ ஸமணா வுச்சந்தி அரியா, ஸமணானங் பா⁴வோ ஸாமஞ்ஞங், அரியமக்³கோ³, தேன அரணீயதோ உபக³ந்தப்³ப³தோ ஸாமஞ்ஞத்தோ² நிப்³பா³னந்தி ஆஹ – ‘‘ஸாமஞ்ஞத்த²ந்தி நிப்³பா³னங், தங் ஹீ’’திஆதி³. ப்³ரஹ்மஞ்ஞத்த²ந்தி எத்தா²பி இமினா நயேன அத்தோ² வேதி³தப்³போ³. ப்³ரஹ்மஞ்ஞேன அரியமக்³கே³ன. ராக³க்க²யோதி எத்த² இதி-ஸத்³தோ³ ஆதி³ஸத்³த³த்தோ². தேன ‘‘தோ³ஸக்க²யோ மோஹக்க²யோ’’தி பத³த்³வயங் ஸங்க³ண்ஹாதி. வட்டதியேவாதி வத³ந்தி ‘‘ராக³க்க²யோ’’தி. பரியாயேன ஹி அரஹத்தஸ்ஸ வத்தப்³ப³த்தாதி.
Paramatthato samaṇā vuccanti ariyā, samaṇānaṃ bhāvo sāmaññaṃ, ariyamaggo, tena araṇīyato upagantabbato sāmaññattho nibbānanti āha – ‘‘sāmaññatthanti nibbānaṃ, taṃ hī’’tiādi. Brahmaññatthanti etthāpi iminā nayena attho veditabbo. Brahmaññena ariyamaggena. Rāgakkhayoti ettha iti-saddo ādisaddattho. Tena ‘‘dosakkhayo mohakkhayo’’ti padadvayaṃ saṅgaṇhāti. Vaṭṭatiyevāti vadanti ‘‘rāgakkhayo’’ti. Pariyāyena hi arahattassa vattabbattāti.
படிபத்திவக்³க³வண்ணனா நிட்டி²தா.
Paṭipattivaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
1. பட²மபடிபத்திஸுத்தங் • 1. Paṭhamapaṭipattisuttaṃ
2. து³தியபடிபத்திஸுத்தங் • 2. Dutiyapaṭipattisuttaṃ
3. விரத்³த⁴ஸுத்தங் • 3. Viraddhasuttaṃ
4. பாரங்க³மஸுத்தங் • 4. Pāraṅgamasuttaṃ
5. பட²மஸாமஞ்ஞஸுத்தங் • 5. Paṭhamasāmaññasuttaṃ
6. து³தியஸாமஞ்ஞஸுத்தங் • 6. Dutiyasāmaññasuttaṃ
7. பட²மப்³ரஹ்மஞ்ஞஸுத்தங் • 7. Paṭhamabrahmaññasuttaṃ
8. து³தியப்³ரஹ்மஞ்ஞஸுத்தங் • 8. Dutiyabrahmaññasuttaṃ
9. பட²மப்³ரஹ்மசரியஸுத்தங் • 9. Paṭhamabrahmacariyasuttaṃ
10. து³தியப்³ரஹ்மசரியஸுத்தங் • 10. Dutiyabrahmacariyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. படிபத்திவக்³க³வண்ணனா • 4. Paṭipattivaggavaṇṇanā
