| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૪. પટિપત્તિવગ્ગવણ્ણના
4. Paṭipattivaggavaṇṇanā
૩૧-૪૦. ચતુત્થે મિચ્છાપટિપત્તિન્તિ અયાથાવપટિપત્તિં. મિચ્છાપટિપન્નન્તિ અયાથાવપટિપન્નં. ઇતિ એકં સુત્તં ધમ્મવસેન કથિતં, એકં પુગ્ગલવસેન. અપારા પારન્તિ વટ્ટતો નિબ્બાનં. પારગામિનોતિ એત્થ યેપિ પારઙ્ગતા, યેપિ ગચ્છન્તિ, યેપિ ગમિસ્સન્તિ, સબ્બે પારગામિનોત્વેવ વેદિતબ્બા.
31-40. Catutthe micchāpaṭipattinti ayāthāvapaṭipattiṃ. Micchāpaṭipannanti ayāthāvapaṭipannaṃ. Iti ekaṃ suttaṃ dhammavasena kathitaṃ, ekaṃ puggalavasena. Apārā pāranti vaṭṭato nibbānaṃ. Pāragāminoti ettha yepi pāraṅgatā, yepi gacchanti, yepi gamissanti, sabbe pāragāminotveva veditabbā.
તીરમેવાનુધાવતીતિ વટ્ટમેવ અનુધાવતિ, વટ્ટે વિચરતિ. કણ્હન્તિ અકુસલધમ્મં. સુક્કન્તિ કુસલધમ્મં. ઓકા અનોકન્તિ વટ્ટતો નિબ્બાનં. આગમ્માતિ આરબ્ભ સન્ધાય પટિચ્ચ. પરિયોદપેય્યાતિ પરિસુદ્ધં કરેય્ય. ચિત્તક્લેસેહીતિ ચિત્તં કિલિસ્સાપેન્તેહિ નીવરણેહિ. સમ્બોધિયઙ્ગેસૂતિ સત્તસુ બોજ્ઝઙ્ગેસુ.
Tīramevānudhāvatīti vaṭṭameva anudhāvati, vaṭṭe vicarati. Kaṇhanti akusaladhammaṃ. Sukkanti kusaladhammaṃ. Okā anokanti vaṭṭato nibbānaṃ. Āgammāti ārabbha sandhāya paṭicca. Pariyodapeyyāti parisuddhaṃ kareyya. Cittaklesehīti cittaṃ kilissāpentehi nīvaraṇehi. Sambodhiyaṅgesūti sattasu bojjhaṅgesu.
સામઞ્ઞત્થન્તિ નિબ્બાનં. તઞ્હિ સામઞ્ઞેન ઉપગન્તબ્બતો સામઞ્ઞત્થોતિ વુચ્ચતિ. બ્રહ્મઞ્ઞન્તિ સેટ્ઠભાવં. બ્રહ્મઞ્ઞત્થન્તિ નિબ્બાનં બ્રહ્મઞ્ઞેન ઉપગન્તબ્બતો. યત્થ યત્થ પન હેટ્ઠા ચ ઇમેસુ ચ તીસુ સુત્તેસુ ‘‘રાગક્ખયો’’તિ આગતં, તત્થ તત્થ અરહત્તમ્પિ વટ્ટતિયેવાતિ વદન્તિ.
Sāmaññatthanti nibbānaṃ. Tañhi sāmaññena upagantabbato sāmaññatthoti vuccati. Brahmaññanti seṭṭhabhāvaṃ. Brahmaññatthanti nibbānaṃ brahmaññena upagantabbato. Yattha yattha pana heṭṭhā ca imesu ca tīsu suttesu ‘‘rāgakkhayo’’ti āgataṃ, tattha tattha arahattampi vaṭṭatiyevāti vadanti.
પટિપત્તિવગ્ગો ચતુત્થો.
Paṭipattivaggo catuttho.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૧. પઠમપટિપત્તિસુત્તં • 1. Paṭhamapaṭipattisuttaṃ
૨. દુતિયપટિપત્તિસુત્તં • 2. Dutiyapaṭipattisuttaṃ
૩. વિરદ્ધસુત્તં • 3. Viraddhasuttaṃ
૪. પારઙ્ગમસુત્તં • 4. Pāraṅgamasuttaṃ
૫. પઠમસામઞ્ઞસુત્તં • 5. Paṭhamasāmaññasuttaṃ
૬. દુતિયસામઞ્ઞસુત્તં • 6. Dutiyasāmaññasuttaṃ
૭. પઠમબ્રહ્મઞ્ઞસુત્તં • 7. Paṭhamabrahmaññasuttaṃ
૮. દુતિયબ્રહ્મઞ્ઞસુત્તં • 8. Dutiyabrahmaññasuttaṃ
૯. પઠમબ્રહ્મચરિયસુત્તં • 9. Paṭhamabrahmacariyasuttaṃ
૧૦. દુતિયબ્રહ્મચરિયસુત્તં • 10. Dutiyabrahmacariyasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪. પટિપત્તિવગ્ગવણ્ણના • 4. Paṭipattivaggavaṇṇanā
