| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. படிஸம்பி⁴தா³பத்தஸுத்தங்
6. Paṭisambhidāpattasuttaṃ
86. ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ தே²ரோ பி⁴க்கு² ஸப்³ரஹ்மசாரீனங் பியோ ச ஹோதி மனாபோ ச க³ரு ச பா⁴வனீயோ ச. கதமேஹி பஞ்சஹி? அத்த²படிஸம்பி⁴தா³பத்தோ ஹோதி, த⁴ம்மபடிஸம்பி⁴தா³பத்தோ ஹோதி, நிருத்திபடிஸம்பி⁴தா³பத்தோ ஹோதி, படிபா⁴னபடிஸம்பி⁴தா³பத்தோ ஹோதி , யானி தானி ஸப்³ரஹ்மசாரீனங் உச்சாவசானி கிங்கரணீயானி தத்த² த³க்கோ² ஹோதி அனலஸோ தத்ருபாயாய வீமங்ஸாய ஸமன்னாக³தோ அலங் காதுங் அலங் ஸங்விதா⁴துங் – இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ தே²ரோ பி⁴க்கு² ஸப்³ரஹ்மசாரீனங் பியோ ச ஹோதி மனாபோ ச க³ரு ச பா⁴வனீயோ சா’’தி. ச²ட்ட²ங்.
86. ‘‘Pañcahi, bhikkhave, dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo ca. Katamehi pañcahi? Atthapaṭisambhidāpatto hoti, dhammapaṭisambhidāpatto hoti, niruttipaṭisambhidāpatto hoti, paṭibhānapaṭisambhidāpatto hoti , yāni tāni sabrahmacārīnaṃ uccāvacāni kiṃkaraṇīyāni tattha dakkho hoti analaso tatrupāyāya vīmaṃsāya samannāgato alaṃ kātuṃ alaṃ saṃvidhātuṃ – imehi kho, bhikkhave, pañcahi dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo cā’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6. படிஸம்பி⁴தா³ப்பத்தஸுத்தவண்ணனா • 6. Paṭisambhidāppattasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6-7. படிஸம்பி⁴தா³ப்பத்தஸுத்தாதி³வண்ணனா • 6-7. Paṭisambhidāppattasuttādivaṇṇanā
