| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
10. பத்தபிண்டி³கஸுத்தங்
10. Pattapiṇḍikasuttaṃ
190. ‘‘பஞ்சிமே, பி⁴க்க²வே, பத்தபிண்டி³கா. கதமே பஞ்ச? மந்த³த்தா மோமூஹத்தா பத்தபிண்டி³கோ ஹோதி, பாபிச்சோ² இச்சா²பகதோ பத்தபிண்டி³கோ ஹோதி, உம்மாதா³ சித்தக்கே²பா பத்தபிண்டி³கோ ஹோதி, ‘வண்ணிதங் பு³த்³தே⁴ஹி பு³த்³த⁴ஸாவகேஹீ’தி பத்தபிண்டி³கோ ஹோதி, அப்பிச்ச²தங்யேவ நிஸ்ஸாய ஸந்துட்டி²ங்யேவ நிஸ்ஸாய ஸல்லேக²ங்யேவ நிஸ்ஸாய பவிவேகங்யேவ நிஸ்ஸாய இத³மத்தி²தங்யேவ நிஸ்ஸாய பத்தபிண்டி³கோ ஹோதி. இமே கோ², பி⁴க்க²வே, பஞ்ச பத்தபிண்டி³கா. இமேஸங் கோ², பி⁴க்க²வே, பஞ்சன்னங் பத்தபிண்டி³கானங் ய்வாயங் பத்தபிண்டி³கோ அப்பிச்ச²தங்யேவ நிஸ்ஸாய ஸந்துட்டி²ங்யேவ நிஸ்ஸாய ஸல்லேக²ங்யேவ நிஸ்ஸாய பவிவேகங்யேவ நிஸ்ஸாய இத³மத்தி²தங்யேவ நிஸ்ஸாய பத்தபிண்டி³கோ ஹோதி, அயங் இமேஸங் பஞ்சன்னங் பத்தபிண்டி³கானங் அக்³கோ³ ச ஸெட்டோ² ச மொக்கோ² ச உத்தமோ ச பவரோ ச.
190. ‘‘Pañcime, bhikkhave, pattapiṇḍikā. Katame pañca? Mandattā momūhattā pattapiṇḍiko hoti, pāpiccho icchāpakato pattapiṇḍiko hoti, ummādā cittakkhepā pattapiṇḍiko hoti, ‘vaṇṇitaṃ buddhehi buddhasāvakehī’ti pattapiṇḍiko hoti, appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya pattapiṇḍiko hoti. Ime kho, bhikkhave, pañca pattapiṇḍikā. Imesaṃ kho, bhikkhave, pañcannaṃ pattapiṇḍikānaṃ yvāyaṃ pattapiṇḍiko appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya pattapiṇḍiko hoti, ayaṃ imesaṃ pañcannaṃ pattapiṇḍikānaṃ aggo ca seṭṭho ca mokkho ca uttamo ca pavaro ca.
‘‘ஸெய்யதா²பி, பி⁴க்க²வே, க³வா கீ²ரங், கீ²ரம்ஹா த³தி⁴, த³தி⁴ம்ஹா நவனீதங், நவனீதம்ஹா ஸப்பி, ஸப்பிம்ஹா ஸப்பிமண்டோ³, ஸப்பிமண்டோ³ தத்த² அக்³க³மக்கா²யதி; ஏவமேவங் கோ², பி⁴க்க²வே, இமேஸங் பஞ்சன்னங் பத்தபிண்டி³கானங் ய்வாயங் பத்தபிண்டி³கோ அப்பிச்ச²தங்யேவ நிஸ்ஸாய ஸந்துட்டி²ங்யேவ நிஸ்ஸாய ஸல்லேக²ங்யேவ நிஸ்ஸாய பவிவேகங்யேவ நிஸ்ஸாய இத³மத்தி²தங்யேவ நிஸ்ஸாய பத்தபிண்டி³கோ ஹோதி, அயங் இமேஸங் பஞ்சன்னங் பத்தபிண்டி³கானங் அக்³கோ³ ச ஸெட்டோ² ச மொக்கோ² ச உத்தமோ ச பவரோ சா’’தி. த³ஸமங்.
‘‘Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo, sappimaṇḍo tattha aggamakkhāyati; evamevaṃ kho, bhikkhave, imesaṃ pañcannaṃ pattapiṇḍikānaṃ yvāyaṃ pattapiṇḍiko appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya pattapiṇḍiko hoti, ayaṃ imesaṃ pañcannaṃ pattapiṇḍikānaṃ aggo ca seṭṭho ca mokkho ca uttamo ca pavaro cā’’ti. Dasamaṃ.
அரஞ்ஞவக்³கோ³ சதுத்தோ².
Araññavaggo catuttho.
தஸ்ஸுத்³தா³னங் –
Tassuddānaṃ –
அரஞ்ஞங் சீவரங் ருக்க², ஸுஸானங் அப்³போ⁴காஸிகங்;
Araññaṃ cīvaraṃ rukkha, susānaṃ abbhokāsikaṃ;
நேஸஜ்ஜங் ஸந்த²தங் ஏகாஸனிகங், க²லுபச்சா²பிண்டி³கேன சாதி.
Nesajjaṃ santhataṃ ekāsanikaṃ, khalupacchāpiṇḍikena cāti.
