| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. பேஸலஸுத்தவண்ணனா
3. Pesalasuttavaṇṇanā
211. ஏதேஸந்தி ஏதேஸங் மஹல்லகானங். ந பாளி ஆக³ச்ச²தி அப்பகு³ணபா⁴வதோ. ந ச பாளி உபட்டா²தி, ஏகாய பாளியா ஸதி பாளிக³தியா ததா² ததா² உபட்டா²னம்பி நேஸங் நத்தீ²தி வத³தி. ந அட்ட²கதா²தி எத்தா²பி ஏஸேவ நயோ. ஸிதி²லத⁴னிதாதி³தங்தங்ப்³யஞ்ஜனபு³த்³தி⁴ங் அஹாபெத்வா உச்சாரணங் பத³ப்³யஞ்ஜனமது⁴ரதா. அதிக்கமித்வா மஞ்ஞதி அஞ்ஞே பி⁴க்கூ². ஹீளனவஸேன அபி⁴ப⁴வித்வா படிபா⁴னஸுதேன அத்தானங் பஸங்ஸதி ஸம்பா⁴வேதி. மானஸ்ஸ பவத்திதாய ஸஹஜாதனிஸ்ஸயாதி³பச்சயத⁴ம்மா தங்ஸஹபு⁴த⁴ம்மா. மானவஸேன விப்படிஸாரீ அஹுவா. மா அஹோஸீதி யோஜனா. வண்ணப⁴ணனந்தி பரேஹி கிரியமானங் கு³ணாபி⁴த்த²வங். அகி²லோதி பஞ்சசேதோகி²லரஹிதோ. நிஸ்ஸேஸங் நவவித⁴ந்தி நவவித⁴ம்பி மானங் கஸ்ஸசி ஏகதே³ஸஸ்ஸபி அஸேஸதோ. விஜ்ஜாயாதி அக்³க³மக்³க³விஜ்ஜாய. அச்சந்தமேவ ஸமிததாய வூபஸமிததாய ஸமிதாவீ.
211.Etesanti etesaṃ mahallakānaṃ. Na pāḷi āgacchati appaguṇabhāvato. Na ca pāḷi upaṭṭhāti, ekāya pāḷiyā sati pāḷigatiyā tathā tathā upaṭṭhānampi nesaṃ natthīti vadati. Na aṭṭhakathāti etthāpi eseva nayo. Sithiladhanitāditaṃtaṃbyañjanabuddhiṃ ahāpetvā uccāraṇaṃ padabyañjanamadhuratā. Atikkamitvā maññati aññe bhikkhū. Hīḷanavasena abhibhavitvā paṭibhānasutena attānaṃ pasaṃsati sambhāveti. Mānassa pavattitāya sahajātanissayādipaccayadhammā taṃsahabhudhammā. Mānavasena vippaṭisārī ahuvā. Mā ahosīti yojanā. Vaṇṇabhaṇananti parehi kiriyamānaṃ guṇābhitthavaṃ. Akhiloti pañcacetokhilarahito. Nissesaṃ navavidhanti navavidhampi mānaṃ kassaci ekadesassapi asesato. Vijjāyāti aggamaggavijjāya. Accantameva samitatāya vūpasamitatāya samitāvī.
பேஸலஸுத்தவண்ணனா நிட்டி²தா.
Pesalasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. பேஸலஸுத்தங் • 3. Pesalasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. பேஸலஸுத்தவண்ணனா • 3. Pesalasuttavaṇṇanā
