| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૫. પઞ્ચમવગ્ગો
5. Pañcamavaggo
(૫૨) ૧૦. ફલઞાણકથા
(52) 10. Phalañāṇakathā
૪૪૩. સાવકસ્સ ફલે ઞાણં અત્થીતિ? આમન્તા. સાવકો ફલસ્સ કતં પઞ્ઞાપેતીતિ? ન હેવં વત્તબ્બ…પે॰….
443. Sāvakassa phale ñāṇaṃ atthīti? Āmantā. Sāvako phalassa kataṃ paññāpetīti? Na hevaṃ vattabba…pe….
સાવકસ્સ ફલે ઞાણં અત્થીતિ? આમન્તા. અત્થિ સાવકસ્સ ફલપરોપરિયત્તિ ઇન્દ્રિયપરોપરિયત્તિ પુગ્ગલપરોપરિયત્તીતિ? ન હેવં વત્તબ્બે…પે॰….
Sāvakassa phale ñāṇaṃ atthīti? Āmantā. Atthi sāvakassa phalaparopariyatti indriyaparopariyatti puggalaparopariyattīti? Na hevaṃ vattabbe…pe….
સાવકસ્સ ફલે ઞાણં અત્થીતિ? આમન્તા. અત્થિ સાવકસ્સ ખન્ધપઞ્ઞત્તિ આયતનપઞ્ઞત્તિ ધાતુપઞ્ઞત્તિ સચ્ચપઞ્ઞત્તિ ઇન્દ્રિયપઞ્ઞત્તિ પુગ્ગલપઞ્ઞત્તીતિ? ન હેવં વત્તબ્બે…પે॰….
Sāvakassa phale ñāṇaṃ atthīti? Āmantā. Atthi sāvakassa khandhapaññatti āyatanapaññatti dhātupaññatti saccapaññatti indriyapaññatti puggalapaññattīti? Na hevaṃ vattabbe…pe….
સાવકસ્સ ફલે ઞાણં અત્થીતિ? આમન્તા. સાવકો જિનો સત્થા સમ્માસમ્બુદ્ધો સબ્બઞ્ઞૂ સબ્બદસ્સાવી ધમ્મસ્સામી ધમ્મપ્પટિસરણોતિ? ન હેવં વત્તબ્બે…પે॰….
Sāvakassa phale ñāṇaṃ atthīti? Āmantā. Sāvako jino satthā sammāsambuddho sabbaññū sabbadassāvī dhammassāmī dhammappaṭisaraṇoti? Na hevaṃ vattabbe…pe….
સાવકસ્સ ફલે ઞાણં અત્થીતિ? આમન્તા. સાવકો અનુપ્પન્નસ્સ મગ્ગસ્સ ઉપ્પાદેતા અસઞ્જાતસ્સ મગ્ગસ્સ સઞ્જનેતા અનક્ખાતસ્સ મગ્ગસ્સ અક્ખાતા મગ્ગઞ્ઞૂ મગ્ગવિદૂ મગ્ગકોવિદોતિ? ન હેવં વત્તબ્બે…પે॰….
Sāvakassa phale ñāṇaṃ atthīti? Āmantā. Sāvako anuppannassa maggassa uppādetā asañjātassa maggassa sañjanetā anakkhātassa maggassa akkhātā maggaññū maggavidū maggakovidoti? Na hevaṃ vattabbe…pe….
૪૪૪. ન વત્તબ્બં – ‘‘સાવકસ્સ ફલે ઞાણં અત્થી’’તિ? આમન્તા. સાવકો અઞ્ઞાણીતિ? ન હેવં વત્તબ્બે…પે॰… તેન હિ સાવકસ્સ ફલે ઞાણં અત્થીતિ…પે॰….
444. Na vattabbaṃ – ‘‘sāvakassa phale ñāṇaṃ atthī’’ti? Āmantā. Sāvako aññāṇīti? Na hevaṃ vattabbe…pe… tena hi sāvakassa phale ñāṇaṃ atthīti…pe….
ફલઞાણકથા નિટ્ઠિતા.
Phalañāṇakathā niṭṭhitā.
પઞ્ચમવગ્ગો.
Pañcamavaggo.
તસ્સુદ્દાનં –
Tassuddānaṃ –
વિમુત્તિઞાણં વિમુત્તં, સેખસ્સ અસેખં ઞાણં, વિપરીતે ઞાણં, અનિયતસ્સ નિયામગમનાય અત્થિ ઞાણં, સબ્બં ઞાણં પટિસમ્ભિદાતિ, સમ્મુતિઞાણં, ચેતોપરિયાયે ઞાણં, અનાગતે ઞાણં, પટુપ્પન્ને ઞાણં, સાવકસ્સ ફલે ઞાણન્તિ.
Vimuttiñāṇaṃ vimuttaṃ, sekhassa asekhaṃ ñāṇaṃ, viparīte ñāṇaṃ, aniyatassa niyāmagamanāya atthi ñāṇaṃ, sabbaṃ ñāṇaṃ paṭisambhidāti, sammutiñāṇaṃ, cetopariyāye ñāṇaṃ, anāgate ñāṇaṃ, paṭuppanne ñāṇaṃ, sāvakassa phale ñāṇanti.
મહાપણ્ણાસકો.
Mahāpaṇṇāsako.
તસ્સાપિ ઉદ્દાનં –
Tassāpi uddānaṃ –
સત્તુપલદ્ધિં, ઉપહરતો, બલં, ગિહિસ્સ અરહા ચ, વિમુત્તિપઞ્ચમન્તિ.
Sattupaladdhiṃ, upaharato, balaṃ, gihissa arahā ca, vimuttipañcamanti.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૦. ફલઞાણકથાવણ્ણના • 10. Phalañāṇakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧૦. ફલઞાણકથાવણ્ણના • 10. Phalañāṇakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૧૦. ફલઞાણકથાવણ્ણના • 10. Phalañāṇakathāvaṇṇanā
