| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. ப²ஸ்ஸனானத்தஸுத்தவண்ணனா
2. Phassanānattasuttavaṇṇanā
86. ஜாதிபஸுதிஆரம்மணாதி³பே⁴தே³ன நானாபா⁴வோ ப²ஸ்ஸோ. ஜாதிபச்சயபே⁴தே³ன ஹி பச்சயுப்பன்னஸ்ஸ பே⁴தோ³ ஹோதியேவ. த⁴ம்மபரிச்சே²த³வஸேன தா⁴துதே³ஸனாயங் திஸ்ஸோ மனநமத்தா தா⁴துயோவ மனோதா⁴துயோ. கிரியாமயஸ்ஸ சித்துப்பத்திவிபா⁴கே³ன பச்சயுப்பன்னஸ்ஸ வஸேன தா⁴துதே³ஸனாயங் மனநட்டே²ன தா⁴துதாய ஸாமஞ்ஞதோ மனொத்³வாராவஜ்ஜனங் ‘‘மனோதா⁴தூ’’தி அதி⁴ப்பேதந்தி வுத்தங் ‘‘மனோஸம்ப²ஸ்ஸோ மனொத்³வாரே பட²மஜவனஸம்பயுத்தோ’’திஆதி³. தஸ்மாதி யஸ்மா காமங் ஸம்படிச்ச²னமனோதா⁴துஅனந்தரங் உப்பஜ்ஜமானோ ஸந்தீரணவிஞ்ஞாணதா⁴துயா ஸம்பயுத்தோ ப²ஸ்ஸோபி மனோஸம்ப²ஸ்ஸோ ஏவ நாம, து³ப்³ப³லத்தா பன ஸோ ஸப்³ப³ப⁴வேஸு அஸம்ப⁴வதோ ச க³ஹிதோ அனவஸேஸதோ க³ஹணங் ந ஹோதீதி மனொத்³வாரே ஜவனஸம்ப²ஸ்ஸோ ஹோதி, தஸ்மா. அயமெத்த² அத்தோ²தி அயங் இத⁴ அதி⁴ப்பாயானுக³தோ அத்தோ².
86. Jātipasutiārammaṇādibhedena nānābhāvo phasso. Jātipaccayabhedena hi paccayuppannassa bhedo hotiyeva. Dhammaparicchedavasena dhātudesanāyaṃ tisso mananamattā dhātuyova manodhātuyo. Kiriyāmayassa cittuppattivibhāgena paccayuppannassa vasena dhātudesanāyaṃ mananaṭṭhena dhātutāya sāmaññato manodvārāvajjanaṃ ‘‘manodhātū’’ti adhippetanti vuttaṃ ‘‘manosamphasso manodvāre paṭhamajavanasampayutto’’tiādi. Tasmāti yasmā kāmaṃ sampaṭicchanamanodhātuanantaraṃ uppajjamāno santīraṇaviññāṇadhātuyā sampayutto phassopi manosamphasso eva nāma, dubbalattā pana so sabbabhavesu asambhavato ca gahito anavasesato gahaṇaṃ na hotīti manodvāre javanasamphasso hoti, tasmā. Ayamettha atthoti ayaṃ idha adhippāyānugato attho.
ப²ஸ்ஸனானத்தஸுத்தவண்ணனா நிட்டி²தா.
Phassanānattasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. ப²ஸ்ஸனானத்தஸுத்தங் • 2. Phassanānattasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. ப²ஸ்ஸனானத்தஸுத்தவண்ணனா • 2. Phassanānattasuttavaṇṇanā
