| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. பு²ஸதிஸுத்தவண்ணனா
2. Phusatisuttavaṇṇanā
22. கம்மங் அபு²ஸந்தந்தி கம்மப²ஸ்ஸங் அபு²ஸந்தங், கம்மங் அகரொந்தந்தி அத்தோ². விபாகோ ந பு²ஸதீதி விபாகப²ஸ்ஸோ ந பு²ஸதி, விபாகோ ந உப்பஜ்ஜதேவ காரணஸ்ஸ அபா⁴வதோ. ஏவங் ப்³யதிரேகமுகே²ன கம்மவட்டேன விபாகவட்டங் ஸம்ப³ந்த⁴ங் கத்வா அத்த²ங் வத்வா இதா³னி கேவலங் கம்மவட்டவஸேன அத்த²ங் வத³ந்தோ ‘‘கம்மமேவா’’திஆதி³மாஹ. தத்த² நாகரோதோ கரியதீதி கம்மங் அகுப்³ப³தோ ந கயிரதி, அனபி⁴ஸந்தி⁴கதகம்மங் நாம நத்தீ²தி அத்தோ². இதா³னி தமேவத்த²ங் அன்வயதோ த³ஸ்ஸேதுங் ‘‘பு²ஸந்தஞ்சா’’திஆதி³ வுத்தங். தத்த² ததோதி பு²ஸனஹேது. ஸேஸங் வுத்தனயமேவ. வுத்தமேவத்த²ங் ஸகாரணங் கத்வா பரிவேடி²தவஸேன விபூ⁴தங் கத்வா த³ஸ்ஸேதுங் ‘‘தஸ்மா பு²ஸந்த’’ந்திஆதி³ வுத்தங். த⁴ம்மதாதி காரகஸ்ஸேவ கம்மவிபாகானுப³ந்தோ⁴, நாகாரகஸ்ஸாதி அயங் கம்மவிபாகானங் ஸபா⁴வோ.
22.Kammaṃ aphusantanti kammaphassaṃ aphusantaṃ, kammaṃ akarontanti attho. Vipāko na phusatīti vipākaphasso na phusati, vipāko na uppajjateva kāraṇassa abhāvato. Evaṃ byatirekamukhena kammavaṭṭena vipākavaṭṭaṃ sambandhaṃ katvā atthaṃ vatvā idāni kevalaṃ kammavaṭṭavasena atthaṃ vadanto ‘‘kammamevā’’tiādimāha. Tattha nākaroto kariyatīti kammaṃ akubbato na kayirati, anabhisandhikatakammaṃ nāma natthīti attho. Idāni tamevatthaṃ anvayato dassetuṃ ‘‘phusantañcā’’tiādi vuttaṃ. Tattha tatoti phusanahetu. Sesaṃ vuttanayameva. Vuttamevatthaṃ sakāraṇaṃ katvā pariveṭhitavasena vibhūtaṃ katvā dassetuṃ ‘‘tasmā phusanta’’ntiādi vuttaṃ. Dhammatāti kārakasseva kammavipākānubandho, nākārakassāti ayaṃ kammavipākānaṃ sabhāvo.
பச்சேதி உபக³ச்ச²தி அனுப³ந்த⁴தி. பாபந்தி பாபகங் கம்மங் ப²லஞ்ச. அயஞ்ச அத்தோ² அரஞ்ஞே லுத்³த³கஸ்ஸ உய்யோஜனாய ஸுனகே²ஹி பரிவாரியமானஸ்ஸ பி⁴க்கு²னோ ப⁴யேன ருக்க²ங் ஆருள்ஹஸ்ஸ சீவரே லுத்³த³ஸ்ஸ உபரி பதிதே தஸ்ஸ ஸுனகே²ஹி கா²தி³த்வா மாரிதவத்து²னா தீ³பேதப்³போ³தி.
Pacceti upagacchati anubandhati. Pāpanti pāpakaṃ kammaṃ phalañca. Ayañca attho araññe luddakassa uyyojanāya sunakhehi parivāriyamānassa bhikkhuno bhayena rukkhaṃ āruḷhassa cīvare luddassa upari patite tassa sunakhehi khāditvā māritavatthunā dīpetabboti.
பு²ஸதிஸுத்தவண்ணனா நிட்டி²தா.
Phusatisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. பு²ஸதிஸுத்தங் • 2. Phusatisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. பு²ஸதிஸுத்தவண்ணனா • 2. Phusatisuttavaṇṇanā
