| Library / Tipiṭaka / திபிடக • Tipiṭaka / உதா³னபாளி • Udānapāḷi |
6. பிண்டோ³லஸுத்தங்
6. Piṇḍolasuttaṃ
36. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஆயஸ்மா பிண்டோ³லபா⁴ரத்³வாஜோ ப⁴க³வதோ அவிதூ³ரே நிஸின்னோ ஹோதி பல்லங்கங் ஆபு⁴ஜித்வா உஜுங் காயங் பணிதா⁴ய ஆரஞ்ஞிகோ பிண்ட³பாதிகோ பங்ஸுகூலிகோ தேசீவரிகோ அப்பிச்சோ² ஸந்துட்டோ² பவிவித்தோ அஸங்ஸட்டோ² ஆரத்³த⁴வீரியோ 1 து⁴தவாதோ³ அதி⁴சித்தமனுயுத்தோ.
36. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā piṇḍolabhāradvājo bhagavato avidūre nisinno hoti pallaṅkaṃ ābhujitvā ujuṃ kāyaṃ paṇidhāya āraññiko piṇḍapātiko paṃsukūliko tecīvariko appiccho santuṭṭho pavivitto asaṃsaṭṭho āraddhavīriyo 2 dhutavādo adhicittamanuyutto.
அத்³த³ஸா கோ² ப⁴க³வா ஆயஸ்மந்தங் பிண்டோ³லபா⁴ரத்³வாஜங் அவிதூ³ரே நிஸின்னங் பல்லங்கங் ஆபு⁴ஜித்வா உஜுங் காயங் பணிதா⁴ய ஆரஞ்ஞிகங் பிண்ட³பாதிகங் பங்ஸுகூலிகங் தேசீவரிகங் அப்பிச்ச²ங் ஸந்துட்ட²ங் பவிவித்தங் அஸங்ஸட்ட²ங் ஆரத்³த⁴வீரியங் து⁴தவாத³ங் அதி⁴சித்தமனுயுத்தங் .
Addasā kho bhagavā āyasmantaṃ piṇḍolabhāradvājaṃ avidūre nisinnaṃ pallaṅkaṃ ābhujitvā ujuṃ kāyaṃ paṇidhāya āraññikaṃ piṇḍapātikaṃ paṃsukūlikaṃ tecīvarikaṃ appicchaṃ santuṭṭhaṃ pavivittaṃ asaṃsaṭṭhaṃ āraddhavīriyaṃ dhutavādaṃ adhicittamanuyuttaṃ .
அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமங் உதா³னங் உதா³னேஸி –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
மத்தஞ்ஞுதா ச ப⁴த்தஸ்மிங், பந்தஞ்ச ஸயனாஸனங்;
Mattaññutā ca bhattasmiṃ, pantañca sayanāsanaṃ;
அதி⁴சித்தே ச ஆயோகோ³, ஏதங் பு³த்³தா⁴ன ஸாஸன’’ந்தி. ச²ட்ட²ங்;
Adhicitte ca āyogo, etaṃ buddhāna sāsana’’nti. chaṭṭhaṃ;
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / உதா³ன-அட்ட²கதா² • Udāna-aṭṭhakathā / 6. பிண்டோ³லஸுத்தவண்ணனா • 6. Piṇḍolasuttavaṇṇanā
