| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. பிண்டொ³ல்யஸுத்தவண்ணனா
8. Piṇḍolyasuttavaṇṇanā
80. அபகரீயதி ஏதேனாதி அபகரணங், பத³ங். அபகரணங் பகரணங் காரணந்தி அத்த²தோ ஏகங். தேனாஹ ‘‘கிஸ்மிஞ்சிதே³வ காரணே’’தி. நீஹரித்வாதி அத்தனோ ஸமீபசாரபா⁴வதோ அபனெத்வா. ததா²கரணஞ்ச ஏவமேதே எத்தகம்பி அப்படிரூபங் அகத்வா ஆயதிங் ஸம்மா படிபஜ்ஜிஸ்ஸந்தீதி. லத்³த⁴ப³லாதி லத்³த⁴ஞாணப³லா.
80. Apakarīyati etenāti apakaraṇaṃ, padaṃ. Apakaraṇaṃ pakaraṇaṃ kāraṇanti atthato ekaṃ. Tenāha ‘‘kismiñcideva kāraṇe’’ti. Nīharitvāti attano samīpacārabhāvato apanetvā. Tathākaraṇañca evamete ettakampi appaṭirūpaṃ akatvā āyatiṃ sammā paṭipajjissantīti. Laddhabalāti laddhañāṇabalā.
ஏகத்³வீஹிகாயாதி ஏகேகஸ்ஸ சேவ த்³வின்னங் த்³வின்னஞ்ச ஈஹிகா க³தி உபஸங்கமனா ஏகத்³வீஹிகா. தேனாஹ ‘‘ஏகேகோ சேவ த்³வே த்³வே ச ஹுத்வா’’தி. புது²ஜ்ஜனானங் ஸமுதி³தானங் நாம கிரியா தாதி³ஸீபி ஸியாதி வுத்தங் ‘‘கேளிம்பி கரெய்யு’’ந்தி. பரிகப்பனவஸேன ஸம்மாஸம்பு³த்³த⁴ங் உத்³தி³ஸ்ஸ பேஸலா பி⁴க்கூ²பி ஏவங் கரொந்தீதி.
Ekadvīhikāyāti ekekassa ceva dvinnaṃ dvinnañca īhikā gati upasaṅkamanā ekadvīhikā. Tenāha ‘‘ekeko ceva dve dve ca hutvā’’ti. Puthujjanānaṃ samuditānaṃ nāma kiriyā tādisīpi siyāti vuttaṃ ‘‘keḷimpi kareyyu’’nti. Parikappanavasena sammāsambuddhaṃ uddissa pesalā bhikkhūpi evaṃ karontīti.
யுக³ந்த⁴ரபப்³ப³தாதீ³னங் அந்தரே ஸீத³ந்தரங் ஸமுத்³த³ங் நாம. தத்த² கிர வாதோ ந வாயதி, பதிதங் யங் கிஞ்சிபி ஸீத³ந்தரனதி³யங் விலீயந்தா ஸீத³ந்தேவ, தஸ்மா தங் பரிவாரெத்வா டி²தா யுக³ந்த⁴ராத³யோபி ஸீத³பப்³ப³தா நாம. தங் ஸந்தா⁴ய வுத்தங் ‘‘ஸீத³ந்தரே ஸன்னிஸின்னங் மஹாஸமுத்³த³ங் வியா’’தி. ஆஹாரஹேதூதி ஆமிஸஹேது ஸப்பிதேலாதி³னிமித்தங், தேஸங் பணாமனா.
Yugandharapabbatādīnaṃ antare sīdantaraṃ samuddaṃ nāma. Tattha kira vāto na vāyati, patitaṃ yaṃ kiñcipi sīdantaranadiyaṃ vilīyantā sīdanteva, tasmā taṃ parivāretvā ṭhitā yugandharādayopi sīdapabbatā nāma. Taṃ sandhāya vuttaṃ ‘‘sīdantare sannisinnaṃ mahāsamuddaṃ viyā’’ti. Āhārahetūti āmisahetu sappitelādinimittaṃ, tesaṃ paṇāmanā.
பச்சி²மந்தி நிஹீனங். தேனாஹ ‘‘லாமக’’ந்தி, லாமகந்தோ இதா⁴தி⁴ப்பேதோ –
Pacchimanti nihīnaṃ. Tenāha ‘‘lāmaka’’nti, lāmakanto idhādhippeto –
‘‘மிகா³னங் கொட்டு²கோ அந்தோ, பக்கீ²னங் பன வாயஸோ;
‘‘Migānaṃ koṭṭhuko anto, pakkhīnaṃ pana vāyaso;
ஏரண்டோ³ அந்தோ ருக்கா²னங், தயோ அந்தா ஸமாக³தா’’தி. –
Eraṇḍo anto rukkhānaṃ, tayo antā samāgatā’’ti. –
ஆதீ³ஸு (ஜா॰ 1.3.135) விய. உலதீதி அபி⁴சரதி. அபி⁴ஸபந்தி ஏதேனாதி அபி⁴ஸாபோ. அபி⁴ஸாபவத்து² பிண்டொ³ல்யங். அத்தோ² ப²லங் வஸோ ஏதஸ்ஸாதி அத்த²வஸங், காரணங், தம்பி தேஸு அத்தி², தத்த² நியுத்தாதி அத்த²வஸிகா.
Ādīsu (jā. 1.3.135) viya. Ulatīti abhicarati. Abhisapanti etenāti abhisāpo. Abhisāpavatthu piṇḍolyaṃ. Attho phalaṃ vaso etassāti atthavasaṃ, kāraṇaṃ, tampi tesu atthi, tattha niyuttāti atthavasikā.
அந்தோ ஹத³யஸ்ஸ அப்³ப⁴ந்தரே அனுபவிட்டா² ஸோகவத்தூ²ஹி.
Anto hadayassa abbhantare anupaviṭṭhā sokavatthūhi.
அபி⁴ஜ்ஜா²யிதாதி அபி⁴ஜ்ஜா²யனஸீலோ. அபி⁴ண்ஹப்பவத்தியா சேவ ப³ஹுலபா⁴வேன ச ப³ஹுலராகோ³. பூதிபா⁴வேனாதி குதி²தபா⁴வேன. ப்³யாபாதோ³ ஹி உப்பஜ்ஜமானோ சித்தங் அபக³ந்த⁴ங் கரோதி, ந ஸுசிமனுஞ்ஞபா⁴வங். ப⁴த்தனிக்கி²த்தகாகோ வியாதி இத³ங் ப⁴த்தட்டா²னஸ்ஸ அஸரணேன காகஸ்ஸ நட்ட²ஸதிதா பஞ்ஞாயதீதி கத்வா வுத்தங், ந ப⁴த்தனிக்கி²த்ததாய. அஸண்டி²தோதி அஸண்டி²தசித்தோ. கட்ட²த்த²ந்தி கட்டே²ன கத்தப்³ப³கிச்சங்.
Abhijjhāyitāti abhijjhāyanasīlo. Abhiṇhappavattiyā ceva bahulabhāvena ca bahularāgo. Pūtibhāvenāti kuthitabhāvena. Byāpādo hi uppajjamāno cittaṃ apagandhaṃ karoti, na sucimanuññabhāvaṃ. Bhattanikkhittakāko viyāti idaṃ bhattaṭṭhānassa asaraṇena kākassa naṭṭhasatitā paññāyatīti katvā vuttaṃ, na bhattanikkhittatāya. Asaṇṭhitoti asaṇṭhitacitto. Kaṭṭhatthanti kaṭṭhena kattabbakiccaṃ.
பாபவிதக்கேஹி கதோ, தஸ்மா தே அனவஸேஸதோ பஹாதப்³பா³தி த³ஸ்ஸனத்த²ங். த்³வின்னங் வுத்தத்தா ஏகோ புப்³ப³பா⁴கோ³, இதரோ மிஸ்ஸகோதி வத்துங் யுத்தந்தி அதி⁴ப்பாயேன ‘‘எத்த² சா’’திஆதி³ வுத்தங். ஏவங் தங் பா⁴வெந்தஸ்ஸ நிருஜ்ஜ²ந்தி ஏவாதி ஏகேகமிஸ்ஸகதாவஸேன க³ஹேதப்³ப³ந்தி போராணா. உபரி திபரிவட்டதே³ஸனாய அனிமித்தஸமாதி⁴யேவ தீ³பிதோ. தேனாஹ ‘‘யாவஞ்சித³’’ந்தி. நித்³தோ³ஸோதி வீதராகா³தி³னா நித்³தோ³ஸோ.
Pāpavitakkehi kato, tasmā te anavasesato pahātabbāti dassanatthaṃ. Dvinnaṃ vuttattā eko pubbabhāgo, itaro missakoti vattuṃ yuttanti adhippāyena ‘‘ettha cā’’tiādi vuttaṃ. Evaṃ taṃ bhāventassa nirujjhanti evāti ekekamissakatāvasena gahetabbanti porāṇā. Upari tiparivaṭṭadesanāya animittasamādhiyeva dīpito. Tenāha ‘‘yāvañcida’’nti. Niddosoti vītarāgādinā niddoso.
பிண்டொ³ல்யஸுத்தவண்ணனா நிட்டி²தா.
Piṇḍolyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. பிண்டொ³ல்யஸுத்தங் • 8. Piṇḍolyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. பிண்டொ³ல்யஸுத்தவண்ணனா • 8. Piṇḍolyasuttavaṇṇanā
