| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૨. પોક્ખરણીસુત્તં
2. Pokkharaṇīsuttaṃ
૧૧૨૨. ‘‘સેય્યથાપિ, ભિક્ખવે, પોક્ખરણી પઞ્ઞાસયોજનાનિ આયામેન, પઞ્ઞાસયોજનાનિ વિત્થારેન, પઞ્ઞાસયોજનાનિ ઉબ્બેધેન, પુણ્ણા ઉદકસ્સ સમતિત્તિકા કાકપેય્યા. તતો પુરિસો કુસગ્ગેન ઉદકં ઉદ્ધરેય્ય. તં કિં મઞ્ઞથ, ભિક્ખવે, કતમં નુ ખો બહુતરં – યં વા કુસગ્ગેન ઉબ્ભતં, યં વા પોક્ખરણિયા ઉદક’’ન્તિ? ‘‘એતદેવ, ભન્તે, બહુતરં, યદિદં – પોક્ખરણિયા ઉદકં; અપ્પમત્તકં કુસગ્ગેન ઉદકં ઉબ્ભતં. સઙ્ખમ્પિ ન ઉપેતિ, ઉપનિધમ્પિ ન ઉપેતિ, કલભાગમ્પિ ન ઉપેતિ પોક્ખરણિયા ઉદકં ઉપનિધાય કુસગ્ગેન ઉદકં ઉબ્ભત’’ન્તિ. ‘‘એવમેવ ખો, ભિક્ખવે, અરિયસાવકસ્સ…પે॰… યોગો કરણીયો’’તિ. દુતિયં.
1122. ‘‘Seyyathāpi, bhikkhave, pokkharaṇī paññāsayojanāni āyāmena, paññāsayojanāni vitthārena, paññāsayojanāni ubbedhena, puṇṇā udakassa samatittikā kākapeyyā. Tato puriso kusaggena udakaṃ uddhareyya. Taṃ kiṃ maññatha, bhikkhave, katamaṃ nu kho bahutaraṃ – yaṃ vā kusaggena ubbhataṃ, yaṃ vā pokkharaṇiyā udaka’’nti? ‘‘Etadeva, bhante, bahutaraṃ, yadidaṃ – pokkharaṇiyā udakaṃ; appamattakaṃ kusaggena udakaṃ ubbhataṃ. Saṅkhampi na upeti, upanidhampi na upeti, kalabhāgampi na upeti pokkharaṇiyā udakaṃ upanidhāya kusaggena udakaṃ ubbhata’’nti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Dutiyaṃ.
