| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. ததியபண்ணாஸகங்
3. Tatiyapaṇṇāsakaṃ
(11) 1. ஸம்போ³த⁴வக்³கோ³
(11) 1. Sambodhavaggo
1. புப்³பே³வஸம்போ³த⁴ஸுத்தங்
1. Pubbevasambodhasuttaṃ
104. ‘‘புப்³பே³வ மே, பி⁴க்க²வே, ஸம்போ³தா⁴ அனபி⁴ஸம்பு³த்³த⁴ஸ்ஸ போ³தி⁴ஸத்தஸ்ஸேவ ஸதோ ஏதத³ஹோஸி – ‘கோ நு கோ² லோகே அஸ்ஸாதோ³, கோ ஆதீ³னவோ, கிங் நிஸ்ஸரண’ந்தி? தஸ்ஸ மய்ஹங், பி⁴க்க²வே, ஏதத³ஹோஸி – ‘யங் கோ² லோகங் 1 படிச்ச உப்பஜ்ஜதி ஸுக²ங் ஸோமனஸ்ஸங், அயங் லோகே அஸ்ஸாதோ³. யங் லோகோ 2 அனிச்சோ து³க்கோ² விபரிணாமத⁴ம்மோ, அயங் லோகே ஆதீ³னவோ. யோ லோகே ச²ந்த³ராக³வினயோ ச²ந்த³ராக³ப்பஹானங், இத³ங் லோகே நிஸ்ஸரண’ந்தி 3. யாவகீவஞ்சாஹங், பி⁴க்க²வே, ஏவங் லோகஸ்ஸ அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச நிஸ்ஸரணதோ யதா²பூ⁴தங் நாப்³ப⁴ஞ்ஞாஸிங், நேவ தாவாஹங், பி⁴க்க²வே, ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய ‘அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’தி 4 பச்சஞ்ஞாஸிங். யதோ ச க்²வாஹங் 5, பி⁴க்க²வே, ஏவங் லோகஸ்ஸ அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச நிஸ்ஸரணதோ யதா²பூ⁴தங் அப்³ப⁴ஞ்ஞாஸிங், அதா²ஹங், பி⁴க்க²வே, ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய ‘அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’தி பச்சஞ்ஞாஸிங். ஞாணஞ்ச பன மே த³ஸ்ஸனங் உத³பாதி³ – ‘அகுப்பா மே விமுத்தி 6, அயமந்திமா ஜாதி, நத்தி² தா³னி புனப்³ப⁴வோ’’’தி. பட²மங்.
104. ‘‘Pubbeva me, bhikkhave, sambodhā anabhisambuddhassa bodhisattasseva sato etadahosi – ‘ko nu kho loke assādo, ko ādīnavo, kiṃ nissaraṇa’nti? Tassa mayhaṃ, bhikkhave, etadahosi – ‘yaṃ kho lokaṃ 7 paṭicca uppajjati sukhaṃ somanassaṃ, ayaṃ loke assādo. Yaṃ loko 8 anicco dukkho vipariṇāmadhammo, ayaṃ loke ādīnavo. Yo loke chandarāgavinayo chandarāgappahānaṃ, idaṃ loke nissaraṇa’nti 9. Yāvakīvañcāhaṃ, bhikkhave, evaṃ lokassa assādañca assādato ādīnavañca ādīnavato nissaraṇañca nissaraṇato yathābhūtaṃ nābbhaññāsiṃ, neva tāvāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṃ sammāsambodhiṃ abhisambuddho’ti 10 paccaññāsiṃ. Yato ca khvāhaṃ 11, bhikkhave, evaṃ lokassa assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññāsiṃ, athāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṃ sammāsambodhiṃ abhisambuddho’ti paccaññāsiṃ. Ñāṇañca pana me dassanaṃ udapādi – ‘akuppā me vimutti 12, ayamantimā jāti, natthi dāni punabbhavo’’’ti. Paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1. புப்³பே³வஸம்போ³த⁴ஸுத்தவண்ணனா • 1. Pubbevasambodhasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-3. புப்³பே³வஸம்போ³த⁴ஸுத்தாதி³வண்ணனா • 1-3. Pubbevasambodhasuttādivaṇṇanā
