| Tipiṭaka / Tipiṭaka (English) / Saṁyutta Nikāya, English translation |
संयुत्त निकाय १०।७
Saṁyutta Nikāya 10.7
The Related Suttas Collection 10.7
१। इन्दकवग्ग
1. Indakavagga
1. With Indaka
पुनब्बसुसुत्त
Punabbasusutta
With Punabbasu
एकं समयं भगवा सावत्थियं विहरति जेतवने अनाथपिण्डिकस्स आरामे।
Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
At one time the Buddha was staying near Sāvatthī in Jeta’s Grove, Anāthapiṇḍika’s monastery.
तेन खो पन समयेन भगवा भिक्खू निब्बानपटिसंयुत्ताय धम्मिया कथाय सन्दस्सेति समादपेति समुत्तेजेति सम्पहंसेति। ते च भिक्खू अट्ठिं कत्वा मनसि कत्वा सब्बचेतसा समन्नाहरित्वा ओहितसोता धम्मं सुणन्ति।
Tena kho pana samayena bhagavā bhikkhū nibbānapaṭisaṁyuttāya dhammiyā kathāya sandasseti samādapeti samuttejeti sampahaṁseti. Te ca bhikkhū aṭṭhiṁ katvā manasi katvā sabbacetasā samannāharitvā ohitasotā dhammaṁ suṇanti.
Now at that time the Buddha was educating, encouraging, firing up, and inspiring the bhikkhus with a Dhamma talk about Nibbana. And those bhikkhus were paying attention, applying the mind, concentrating wholeheartedly, and actively listening.
अथ खो पुनब्बसुमाता यक्खिनी पुत्तके एवं तोसेसि:
Atha kho punabbasumātā yakkhinī puttake evaṁ tosesi:
Then the native spirit Punabbasu’s Mother soothed her little children, saying:
“तुण्ही उत्तरिके होहि, तुण्ही होहि पुनब्बसु; यावाहं बुद्धसेट्ठस्स, धम्मं सोस्सामि सत्थुनो।
“Tuṇhī uttarike hohi, tuṇhī hohi punabbasu; Yāvāhaṁ buddhaseṭṭhassa, dhammaṁ sossāmi satthuno.
“Hush, little Uttarā! Hush, Punabbasu! For I want to listen to the teaching of the Teacher, the supreme Buddha.
निब्बानं भगवा आह, सब्बगन्थप्पमोचनं; अतिवेला च मे होति, अस्मिं धम्मे पियायना।
Nibbānaṁ bhagavā āha, sabbaganthappamocanaṁ; Ativelā ca me hoti, asmiṁ dhamme piyāyanā.
Since the Blessed One spoke of Nibbana, the release from all ties, I have a lasting love for this teaching.
पियो लोके सको पुत्तो, पियो लोके सको पति; ततो पियतरा मय्हं, अस्स धम्मस्स मग्गना।
Piyo loke sako putto, piyo loke sako pati; Tato piyatarā mayhaṁ, assa dhammassa magganā.
In this world, your own child is dear; in this world, your own husband is dear; but even greater than that is my love for this teaching’s quest.
न हि पुत्तो पति वापि, पियो दुक्खा पमोचये; यथा सद्धम्मस्सवनं, दुक्खा मोचेति पाणिनं।
Na hi putto pati vāpi, piyo dukkhā pamocaye; Yathā saddhammassavanaṁ, dukkhā moceti pāṇinaṁ.
For neither son nor husband, dear as they are, can free you from suffering; as listening to the true teaching frees living creatures from suffering.
लोके दुक्खपरेतस्मिं, जरामरणसंयुते; जरामरणमोक्खाय, यं धम्मं अभिसम्बुधं; तं धम्मं सोतुमिच्छामि, तुण्ही होहि पुनब्बसू”ति।
Loke dukkhaparetasmiṁ, Jarāmaraṇasaṁyute; Jarāmaraṇamokkhāya, Yaṁ dhammaṁ abhisambudhaṁ; Taṁ dhammaṁ sotumicchāmi, Tuṇhī hohi punabbasū”ti.
In this world mired in suffering, fettered by old age and death, I want to listen to the teaching that the Buddha awakened to, which frees you from old age and death. So hush, Punabbasu!”
“अम्मा न ब्याहरिस्सामि, तुण्हीभूतायमुत्तरा; धम्ममेव निसामेहि, सद्धम्मस्सवनं सुखं; सद्धम्मस्स अनञ्ञाय, अम्मा दुक्खं चरामसे।
“Ammā na byāharissāmi, tuṇhībhūtāyamuttarā; Dhammameva nisāmehi, saddhammassavanaṁ sukhaṁ; Saddhammassa anaññāya, ammā dukkhaṁ carāmase.
“Mom, I’m not speaking, and Uttarā is silent, too. Focus just on the teaching, for it’s nice to listen to the true teaching. And it’s because we haven’t understood the teaching that we live in suffering, Mom.
एस देवमनुस्सानं, सम्मूळ्हानं पभङ्करो; बुद्धो अन्तिमसारीरो, धम्मं देसेति चक्खुमा”ति।
Esa devamanussānaṁ, sammūḷhānaṁ pabhaṅkaro; Buddho antimasārīro, dhammaṁ deseti cakkhumā”ti.
He is a beacon for those who are lost among gods and humans. The Buddha, bearing his final body, the Clear-eyed One teaches Dhamma.”
“साधु खो पण्डितो नाम, पुत्तो जातो उरेसयो; पुत्तो मे बुद्धसेट्ठस्स, धम्मं सुद्धं पियायति।
“Sādhu kho paṇḍito nāma, putto jāto uresayo; Putto me buddhaseṭṭhassa, dhammaṁ suddhaṁ piyāyati.
“It’s good that my child’s so astute, this child I bore and suckled! My child loves the pure teaching of the supreme Buddha.
पुनब्बसु सुखी होहि, अज्जाहम्हि समुग्गता; दिट्ठानि अरियसच्चानि, उत्तरापि सुणातु मे”ति।
Punabbasu sukhī hohi, ajjāhamhi samuggatā; Diṭṭhāni ariyasaccāni, uttarāpi suṇātu me”ti.
Punabbasu, may you be happy! Today, I rise. Hear me too, Uttarā: I have seen the noble truths!”
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
