| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. புனப்³ப³ஸுஸுத்தவண்ணனா
7. Punabbasusuttavaṇṇanā
241. வஸனட்டா²னக்³க³ஹணேன ரத்திட்டா²னதி³வாட்டா²னாத³யோ ஸங்க³ண்ஹாதி. த்³வாத³ஸஹத்த²மத்தமேவ க³ண்ஹாதி பகதிஸஞ்சரணூபசாரமத்தப்³யாபனதோ. யதா²பரிஸந்தி பரிஸானுரூபங், யத்த² யத்த² பரிஸா திட்ட²தி, தங் தங் டா²னங் க³ச்ச²தி பரிஸபரியந்திகத்தா. ஸத்து² முக²விகாராபா⁴வதோ பவேஸானுஞ்ஞங் ஸல்லக்கெ²ந்தீ ‘‘நூன அயங் கதாதி⁴காரா ப⁴விஸ்ஸதீ’’தி அனுமானஸித்³த⁴ங் உபனிஸ்ஸயங் தி³ஸ்வா. ஏகீபா⁴வக³மனேனாதி ஹத்த²பாஸூபக³மனேன பரிஸாய மிஸ்ஸீபா⁴வப்பத்தியா. புத்தகாதி புத்தபுத்தியோ. அனுகம்பாயஞ்ஹி க-ஸத்³தோ³.
241. Vasanaṭṭhānaggahaṇena rattiṭṭhānadivāṭṭhānādayo saṅgaṇhāti. Dvādasahatthamattameva gaṇhāti pakatisañcaraṇūpacāramattabyāpanato. Yathāparisanti parisānurūpaṃ, yattha yattha parisā tiṭṭhati, taṃ taṃ ṭhānaṃ gacchati parisapariyantikattā. Satthu mukhavikārābhāvato pavesānuññaṃ sallakkhentī ‘‘nūna ayaṃ katādhikārā bhavissatī’’ti anumānasiddhaṃ upanissayaṃ disvā. Ekībhāvagamanenāti hatthapāsūpagamanena parisāya missībhāvappattiyā. Puttakāti puttaputtiyo. Anukampāyañhi ka-saddo.
நிப்³பா³னாரம்மணேன அரியமக்³கே³ன முஞ்சியமானா க³ந்தா² ‘‘நிப்³பா³னங் ஆக³ம்ம பமுச்சந்தீ’’தி வுத்தா. வேலாதிக்கந்தாதி பமாணதோ பரிச்சி²ந்தி³துங் ந ஸக்காதி ஆஹ ‘‘பமாணாதிக்கந்தா’’தி. பியாயனாதி ஆஸீஸனா. ஆஸீஸனங் பேமவஸேன பேமவத்து²னோ ஏஸனா பத்த²னாவ ஹோதீதி ஆஹ ‘‘மக்³க³னா பத்த²னா’’தி. ததோதி பியபுத்தாதி³தோ. பாணீனந்தி ஸாமிஅத்தே² புது²வசனங் து³க்க²ஸத்³தா³பெக்க²ங். கே மோசேதீதி மோசனகிரியாய கம்மங் புச்ச²தி? இப⁴ரோ பன அத்த²வஸேன விப⁴த்திவிபரிணாமோதி ‘‘பாணினேதி ஆஹரித்வா வத்தப்³ப³’’ந்தி ஆஹ. அபி⁴ஸம்பு³த⁴ந்தி அபி⁴ஸம்பு³த⁴ந்தோ. தேனாஹ ‘‘அபி⁴ஸம்பு³த்³தோ⁴’’தி. ஸத்³த⁴ம்மஸ்ஸாதி உபயோக³த்தே² ஸாமிவசனந்தி ஆஹ ‘‘ஸத்³த⁴ம்மமேவ அஜானித்வா’’தி.
Nibbānārammaṇena ariyamaggena muñciyamānā ganthā ‘‘nibbānaṃ āgamma pamuccantī’’ti vuttā. Velātikkantāti pamāṇato paricchindituṃ na sakkāti āha ‘‘pamāṇātikkantā’’ti. Piyāyanāti āsīsanā. Āsīsanaṃ pemavasena pemavatthuno esanā patthanāva hotīti āha ‘‘magganā patthanā’’ti. Tatoti piyaputtādito. Pāṇīnanti sāmiatthe puthuvacanaṃ dukkhasaddāpekkhaṃ. Ke mocetīti mocanakiriyāya kammaṃ pucchati? Ibharo pana atthavasena vibhattivipariṇāmoti ‘‘pāṇineti āharitvā vattabba’’nti āha. Abhisambudhanti abhisambudhanto. Tenāha ‘‘abhisambuddho’’ti. Saddhammassāti upayogatthe sāmivacananti āha ‘‘saddhammameva ajānitvā’’ti.
புத்தஸ்ஸ அனுமோத³னங் கரொந்தீதி புத்தஸ்ஸ படிபத்திஅனுமோத³னங் கரொந்தீ. உக்³க³தாதி எத்த² கலலே வட்டது³க்கே² நிமுஜ்ஜமானா ததோ ஸீஸங் உக்கி²பிதுங் அஸக்கொந்தி அஜ்ஜ பு³த்³தா⁴னுபா⁴வேன பஞ்ஞாஸீஸங் உக்கி²பிதா உக்³க³தா. புன வினிபாதாபா⁴வதோ ஸம்மதே³வ உக்³க³தத்தா ஸமுக்³க³தா. ததா²பூ⁴தா ஸாஸனேபி உக்³க³தா ஸமுக்³க³தா ஜாதா. சதுஸச்சபடிவேத⁴பா⁴வந்தி சதுஸச்சபடிவேத⁴ஸ்ஸ அத்தி²பா⁴வங். கண்டு³கச்சு²ஆதீ³தி ஆதி³-ஸத்³தே³ன ஜேகு³ச்ச²அஸாதாதி³ங் ஸங்க³ண்ஹாதி. தி³ப்³ப³ஸம்பத்திங் படிலப⁴தி பவத்தியங் ஸம்பத்திதா³யினோ கம்மஸ்ஸ கதோகாஸத்தா. துண்ஹீ உத்தரிகே ஹோஹீதி மாது-வசனங் ஸம்படிச்சி²த்வா தஸ்ஸ விஸேஸாதி⁴க³மஸ்ஸ அவிப³ந்த⁴கரணஸம்மாபயோகே³ன யதா²லத்³த⁴விஸேஸாய மாதுயா வஸேன யஸ்மா தீ⁴தா தி³ட்ட²த⁴ம்மிகஸம்பத்திலாபீ⁴, தஸ்மா வுத்தங் ‘‘மாது ஆனுபா⁴வேனேவா’’தி.
Puttassa anumodanaṃ karontīti puttassa paṭipattianumodanaṃ karontī. Uggatāti ettha kalale vaṭṭadukkhe nimujjamānā tato sīsaṃ ukkhipituṃ asakkonti ajja buddhānubhāvena paññāsīsaṃ ukkhipitā uggatā. Puna vinipātābhāvato sammadeva uggatattā samuggatā. Tathābhūtā sāsanepi uggatā samuggatā jātā. Catusaccapaṭivedhabhāvanti catusaccapaṭivedhassa atthibhāvaṃ. Kaṇḍukacchuādīti ādi-saddena jegucchaasātādiṃ saṅgaṇhāti. Dibbasampattiṃ paṭilabhati pavattiyaṃ sampattidāyino kammassa katokāsattā. Tuṇhī uttarike hohīti mātu-vacanaṃ sampaṭicchitvā tassa visesādhigamassa avibandhakaraṇasammāpayogena yathāladdhavisesāya mātuyā vasena yasmā dhītā diṭṭhadhammikasampattilābhī, tasmā vuttaṃ ‘‘mātu ānubhāvenevā’’ti.
புனப்³ப³ஸுஸுத்தவண்ணனா நிட்டி²தா.
Punabbasusuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. புனப்³ப³ஸுஸுத்தங் • 7. Punabbasusuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. புனப்³ப³ஸுஸுத்தவண்ணனா • 7. Punabbasusuttavaṇṇanā
