| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. புனகூடஸுத்தங்
6. Punakūṭasuttaṃ
16. ‘‘பஞ்சிமானி, பி⁴க்க²வே, ப³லானி. கதமானி பஞ்ச? ஸத்³தா⁴ப³லங், வீரியப³லங், ஸதிப³லங், ஸமாதி⁴ப³லங், பஞ்ஞாப³லங் – இமானி கோ², பி⁴க்க²வே, பஞ்ச ப³லானி. இமேஸங் கோ², பி⁴க்க²வே, பஞ்சன்னங் ப³லானங் ஏதங் அக்³க³ங் ஏதங் ஸங்கா³ஹிகங் ஏதங் ஸங்கா⁴தனியங், யதி³த³ங் பஞ்ஞாப³லங். ஸெய்யதா²பி, பி⁴க்க²வே, கூடாகா³ரஸ்ஸ ஏதங் அக்³க³ங் ஏதங் ஸங்கா³ஹிகங் ஏதங் ஸங்கா⁴தனியங், யதி³த³ங் கூடங். ஏவமேவங் கோ², பி⁴க்க²வே, இமேஸங் பஞ்சன்னங் ப³லானங் ஏதங் அக்³க³ங் ஏதங் ஸங்கா³ஹிகங் ஏதங் ஸங்கா⁴தனியங், யதி³த³ங் பஞ்ஞாப³ல’’ந்தி. ச²ட்ட²ங்.
16. ‘‘Pañcimāni, bhikkhave, balāni. Katamāni pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ – imāni kho, bhikkhave, pañca balāni. Imesaṃ kho, bhikkhave, pañcannaṃ balānaṃ etaṃ aggaṃ etaṃ saṅgāhikaṃ etaṃ saṅghātaniyaṃ, yadidaṃ paññābalaṃ. Seyyathāpi, bhikkhave, kūṭāgārassa etaṃ aggaṃ etaṃ saṅgāhikaṃ etaṃ saṅghātaniyaṃ, yadidaṃ kūṭaṃ. Evamevaṃ kho, bhikkhave, imesaṃ pañcannaṃ balānaṃ etaṃ aggaṃ etaṃ saṅgāhikaṃ etaṃ saṅghātaniyaṃ, yadidaṃ paññābala’’nti. Chaṭṭhaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. மஹாஸுபினஸுத்தவண்ணனா • 6. Mahāsupinasuttavaṇṇanā
