| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. புரிஸஸுத்தவண்ணனா
2. Purisasuttavaṇṇanā
113. புரிமஸுத்தேதி புரிமஸுத்ததே³ஸனாயங். தத்த² ஹி உபஸங்கமந்தவேலாய ஸத்து² கு³ணே அஜானந்தோ கேவலங் ஸம்மோத³னங் கரோதி. தே³ஸனங் ஸுத்வா பன ஸத்து² கு³ணே ஞத்வா ஸரணங்க³தத்தா இத⁴ இமஸ்மிங் ஸமாக³மே அபி⁴வாதே³ஸி பஞ்சபதிட்டி²தேன வந்தி³. அத்தானங் அதி⁴ அஜ்ஜ²த்தங், அவிஜஹேன அத்தானங் அதி⁴கிச்ச உத்³தி³ஸ்ஸ பவத்தத⁴ம்மா அஜ்ஜ²த்தங் ஏகஜ்ஜ²ங் க³ஹணவஸேன, பு⁴ம்மத்தே² சேதங் பச்சத்தவசனங். காமஞ்சாயங் அஜ்ஜ²த்தஸத்³தோ³ கோ³சரஜ்ஜ²த்தவிஸயஜ்ஜ²த்தஅஜ்ஜ²த்தஜ்ஜ²த்தேஸு பவத்ததி. தே பனெத்த² ந யுஜ்ஜந்தீதி வுத்தங் ‘‘நியகஜ்ஜ²த்த’’ந்தி, நியகஸங்கா²தஅஜ்ஜ²த்தத⁴ம்மேஸூதி அத்தோ². தேனாஹ ‘‘அத்தனோ ஸந்தானே’’தி. லுப்³ப⁴னலக்க²ணோதி கி³ஜ்ஜ²னலக்க²ணோ, ஆரம்மணே த³ள்ஹக்³க³ஹணஸபா⁴வோதி அத்தோ². து³ஸ்ஸனலக்க²ணோதி குஜ்ஜ²னலக்க²ணோ, ப்³யாபஜ்ஜனஸபா⁴வோதி அத்தோ². முய்ஹனலக்க²ணோதி அஞ்ஞாணலக்க²ணோ, ஆரம்மணே ஸபா⁴வஸம்மோஹபா⁴வோதி அத்தோ². விஹேடெ²ந்தீதி அத்த²னாஸனஅனத்து²ப்பாத³னேஹி விபா³தெ⁴ந்தி. ததோ ஏவ யதா² ஸக்³க³மக்³கே³ஸு ந தி³ஸ்ஸதி, ஏவங் கரொந்தீதி ஆஹ ‘‘நாஸெந்தி வினாஸெந்தீ’’தி. அத்தனி ஸம்பூ⁴தாதி ஸந்தானே நிப்³ப³த்தா.
113.Purimasutteti purimasuttadesanāyaṃ. Tattha hi upasaṅkamantavelāya satthu guṇe ajānanto kevalaṃ sammodanaṃ karoti. Desanaṃ sutvā pana satthu guṇe ñatvā saraṇaṅgatattā idha imasmiṃ samāgame abhivādesi pañcapatiṭṭhitena vandi. Attānaṃ adhi ajjhattaṃ, avijahena attānaṃ adhikicca uddissa pavattadhammā ajjhattaṃ ekajjhaṃ gahaṇavasena, bhummatthe cetaṃ paccattavacanaṃ. Kāmañcāyaṃ ajjhattasaddo gocarajjhattavisayajjhattaajjhattajjhattesu pavattati. Te panettha na yujjantīti vuttaṃ ‘‘niyakajjhatta’’nti, niyakasaṅkhātaajjhattadhammesūti attho. Tenāha ‘‘attano santāne’’ti. Lubbhanalakkhaṇoti gijjhanalakkhaṇo, ārammaṇe daḷhaggahaṇasabhāvoti attho. Dussanalakkhaṇoti kujjhanalakkhaṇo, byāpajjanasabhāvoti attho. Muyhanalakkhaṇoti aññāṇalakkhaṇo, ārammaṇe sabhāvasammohabhāvoti attho. Viheṭhentīti atthanāsanaanatthuppādanehi vibādhenti. Tato eva yathā saggamaggesu na dissati, evaṃ karontīti āha ‘‘nāsenti vināsentī’’ti. Attani sambhūtāti santāne nibbattā.
புரிஸஸுத்தவண்ணனா நிட்டி²தா.
Purisasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. புரிஸஸுத்தங் • 2. Purisasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. புரிஸஸுத்தவண்ணனா • 2. Purisasuttavaṇṇanā
