| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
રાધબ્રાહ્મણવત્થુકથાવણ્ણના
Rādhabrāhmaṇavatthukathāvaṇṇanā
૬૯. રાધબ્રાહ્મણવત્થુસ્મિં પાળિયં ઉપ્પણ્ડુપ્પણ્ડુકજાતોતિ સકલસરીરે સઞ્જાતપણ્ડુવણ્ણો. પણ્ડુવણ્ણસ્સ સકલસરીરે બ્યાપિતભાવદસ્સનત્થઞ્હિ વિચ્છાવચનં કતં. અધિકારન્તિ ઉપકારં. કતવેદિનોતિ અત્તનો કતં ઉપકારં પટિકિરિયાય ઞાપકા. ઉપસમ્પદાકમ્મવાચાય યં વત્તબ્બં, તં પરિયોસાને વક્ખામ. પરિમણ્ડલેહીતિ પરિપુણ્ણેહિ.
69. Rādhabrāhmaṇavatthusmiṃ pāḷiyaṃ uppaṇḍuppaṇḍukajātoti sakalasarīre sañjātapaṇḍuvaṇṇo. Paṇḍuvaṇṇassa sakalasarīre byāpitabhāvadassanatthañhi vicchāvacanaṃ kataṃ. Adhikāranti upakāraṃ. Katavedinoti attano kataṃ upakāraṃ paṭikiriyāya ñāpakā. Upasampadākammavācāya yaṃ vattabbaṃ, taṃ pariyosāne vakkhāma. Parimaṇḍalehīti paripuṇṇehi.
૭૧-૭૩. પણ્ણત્તિવીતિક્કમન્તિ સિક્ખાપદવીતિક્કમં. પાળિયં પિણ્ડિયાલોપભોજનન્તિ જઙ્ઘપિણ્ડિમંસબલેન ચરિત્વા આલોપાલોપવસેન પરિયિટ્ઠભોજનં. અતિરેકલાભોતિ ભિક્ખાહારતો અધિકલાભો. સઙ્ઘભત્તાદીનં વિભાગો સેનાસનક્ખન્ધકે આવિ ભવિસ્સતિ. વિહારોતિ તિણકુટિકાદિસહિતો પાકારપરિચ્છિન્નો સકલો સઙ્ઘારામો. અડ્ઢયોગોતિ એકસાલો દીઘપાસાદો. હત્થિપિટ્ઠિગરુળસણ્ઠાનો દીઘપાસાદોતિપિ વદન્તિ. પાસાદોતિ ચતુરસ્સો ઉચ્ચો અનેકભૂમકપાસાદો. હમ્મિયન્તિ મુણ્ડચ્છદનો ચન્દિકઙ્ગણયુત્તો નાતિઉચ્ચો પાસાદો. ગુહાતિ પબ્બતગુહા. પૂતિમુત્તન્તિ ગોમુત્તં.
71-73.Paṇṇattivītikkamanti sikkhāpadavītikkamaṃ. Pāḷiyaṃ piṇḍiyālopabhojananti jaṅghapiṇḍimaṃsabalena caritvā ālopālopavasena pariyiṭṭhabhojanaṃ. Atirekalābhoti bhikkhāhārato adhikalābho. Saṅghabhattādīnaṃ vibhāgo senāsanakkhandhake āvi bhavissati. Vihāroti tiṇakuṭikādisahito pākāraparicchinno sakalo saṅghārāmo. Aḍḍhayogoti ekasālo dīghapāsādo. Hatthipiṭṭhigaruḷasaṇṭhāno dīghapāsādotipi vadanti. Pāsādoti caturasso ucco anekabhūmakapāsādo. Hammiyanti muṇḍacchadano candikaṅgaṇayutto nātiucco pāsādo. Guhāti pabbataguhā. Pūtimuttanti gomuttaṃ.
રાધબ્રાહ્મણવત્થુકથાવણ્ણના નિટ્ઠિતા.
Rādhabrāhmaṇavatthukathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૭. પણામિતકથા • 17. Paṇāmitakathā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / રાધબ્રાહ્મણવત્થુકથા • Rādhabrāhmaṇavatthukathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / રાધબ્રાહ્મણવત્થુકથાવણ્ણના • Rādhabrāhmaṇavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / રાધબ્રાહ્મણવત્થુકથાવણ્ણના • Rādhabrāhmaṇavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / રાધબ્રાહ્મણવત્થુકથા • Rādhabrāhmaṇavatthukathā
