สํยุตฺต นิกาย ๓๕ฯ๗๗

๘ฯ คิลานวคฺค

ราธทุกฺขสุตฺต

“ยํ โข, ราธ, ทุกฺขํ ตตฺร เต ฉนฺโท ปหาตพฺโพฯ กิญฺจ, ราธ, ทุกฺขํ? จกฺขุ โข, ราธ, ทุกฺขํฯ ตตฺร เต ฉนฺโท ปหาตพฺโพฯ รูปา … จกฺขุวิญฺญาณํ … จกฺขุสมฺผโสฺส … ยมฺปิทํ จกฺขุสมฺผสฺส …เป… อทุกฺขมสุขํ วา ตมฺปิ ทุกฺขํฯ ตตฺร เต ฉนฺโท ปหาตพฺโพ …เป… มโน ทุกฺโข … ธมฺมา … มโนวิญฺญาณํ … มโนสมฺผโสฺส … ยมฺปิทํ มโนสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ ทุกฺขํฯ ตตฺร เต ฉนฺโท ปหาตพฺโพฯ ยํ โข, ราธ, ทุกฺขํ ตตฺร เต ฉนฺโท ปหาตพฺโพ”ติฯ

จตุตฺถํฯ