| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. ரஹோக³தவக்³கோ³
2. Rahogatavaggo
1. ரஹோக³தஸுத்தவண்ணனா
1. Rahogatasuttavaṇṇanā
259. யங்கிஞ்சி வேத³யிதந்தி ‘‘ஸுக²ங் து³க்க²ங் அது³க்க²மஸுக²’’ந்தி வுத்தங் வேத³யிதங் து³க்க²ஸ்மிங் அந்தோக³த⁴ங், து³க்க²ந்தி வத்தப்³ப³தங் லப⁴தி பரியாயேனாதி அத்தோ². தேனாஹ ‘‘தங் ஸப்³ப³ங் து³க்க²ந்தி அத்தோ²’’தி. யா ஏஸாதிஆதீ³ஸு யோ ஸங்கா²ரானங் அனிச்சதாஸங்கா²தோ ஹுத்வா அபா⁴வாகாரோ, யா க²யஸபா⁴வதா வினஸ்ஸனஸபா⁴வதா ஜராய மரணேன சாதி த்³விதா⁴ விபரிணாமனஸபா⁴வதா, ஏதங் ஸந்தா⁴ய உத்³தி³ஸ்ஸ ஸப்³ப³ங் வேத³யிதங் து³க்க²ந்தி மயா வுத்தந்தி அயங் ஸங்கே²பத்தோ². ஸாதி ஸங்கா²ரானங் அனிச்சதா . வேத³னானம்பி அனிச்சதா ஏவ ஸங்கா²ரஸபா⁴வத்தா. தாஸங் அனிச்சதா ச நாம மரணங் ப⁴ங்கோ³தி கத்வா ததோ உத்தரி து³க்க²ங் நாம நத்தீ²தி ஸப்³பா³ வேத³னா ‘‘து³க்கா²’’தி வுத்தா, யதா² ‘‘யத³னிச்சங் தங் து³க்க²’’ந்தி ச, ‘‘பஞ்சுபாதா³னக்க²ந்தா⁴ து³க்கா²’’தி ச வுத்தங். இத³ங் ஸுத்தபத³ங். சத்தாரோ ஆருப்பாதி சதஸ்ஸோ அரூபஸமாபத்தியோ. எத்தா²தி ச ஏதஸ்மிங் படிப்பஸ்ஸத்³தி⁴வாரே.
259.Yaṃkiñci vedayitanti ‘‘sukhaṃ dukkhaṃ adukkhamasukha’’nti vuttaṃ vedayitaṃ dukkhasmiṃ antogadhaṃ, dukkhanti vattabbataṃ labhati pariyāyenāti attho. Tenāha ‘‘taṃ sabbaṃ dukkhanti attho’’ti. Yā esātiādīsu yo saṅkhārānaṃ aniccatāsaṅkhāto hutvā abhāvākāro, yā khayasabhāvatā vinassanasabhāvatā jarāya maraṇena cāti dvidhā vipariṇāmanasabhāvatā, etaṃ sandhāya uddissa sabbaṃ vedayitaṃ dukkhanti mayā vuttanti ayaṃ saṅkhepattho. Sāti saṅkhārānaṃ aniccatā . Vedanānampi aniccatā eva saṅkhārasabhāvattā. Tāsaṃ aniccatā ca nāma maraṇaṃ bhaṅgoti katvā tato uttari dukkhaṃ nāma natthīti sabbā vedanā ‘‘dukkhā’’ti vuttā, yathā ‘‘yadaniccaṃ taṃ dukkha’’nti ca, ‘‘pañcupādānakkhandhā dukkhā’’ti ca vuttaṃ. Idaṃ suttapadaṃ. Cattāro āruppāti catasso arūpasamāpattiyo. Etthāti ca etasmiṃ paṭippassaddhivāre.
ரஹோக³தஸுத்தவண்ணனா நிட்டி²தா.
Rahogatasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ரஹோக³தஸுத்தங் • 1. Rahogatasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. ரஹோக³தஸுத்தவண்ணனா • 1. Rahogatasuttavaṇṇanā
