| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૨. રહોગતવગ્ગો
2. Rahogatavaggo
૧. રહોગતસુત્તવણ્ણના
1. Rahogatasuttavaṇṇanā
૨૫૯. રહોગતવગ્ગસ્સ પઠમે યં કિઞ્ચિ વેદયિતં, તં દુક્ખસ્મિન્તિ યં કિઞ્ચિ વેદયિતં, તં સબ્બં દુક્ખન્તિ અત્થો. સઙ્ખારાનંયેવ અનિચ્ચતન્તિઆદીસુ યા એસા સઙ્ખારાનં અનિચ્ચતા ખયધમ્મતા વયધમ્મતા વિપરિણામધમ્મતા, એતં સન્ધાય યં કિઞ્ચિ વેદયિતં, તં દુક્ખન્તિ મયા ભાસિતન્તિ દીપેતિ. યા હિ સઙ્ખારાનં અનિચ્ચતા, વેદનાનમ્પિ સા અનિચ્ચતા એવ. અનિચ્ચતા ચ નામેસા મરણં, મરણતો ઉત્તરિ દુક્ખં નામ નત્થીતિ ઇમિના અધિપ્પાયેન સબ્બા વેદના દુક્ખાતિ વુત્તા. અથ ખો પન ભિક્ખુ મયાતિ ઇદં ન કેવલં અહં વેદનાનંયેવ નિરોધં પઞ્ઞાપેમિ, ઇમેસમ્પિ ધમ્માનં નિરોધં પઞ્ઞાપેમીતિ દસ્સનત્થં આરદ્ધં. વૂપસમો ચ પસ્સદ્ધિયો ચ એવરૂપાય દેસનાય બુજ્ઝનકાનં અજ્ઝાસયેન વુત્તા. સઞ્ઞાવેદયિતનિરોધગ્ગહણેન ચેત્થ ચત્તારો આરુપ્પા ગહિતાવ હોન્તીતિ વેદિતબ્બા.
259. Rahogatavaggassa paṭhame yaṃ kiñci vedayitaṃ, taṃ dukkhasminti yaṃ kiñci vedayitaṃ, taṃ sabbaṃ dukkhanti attho. Saṅkhārānaṃyeva aniccatantiādīsu yā esā saṅkhārānaṃ aniccatā khayadhammatā vayadhammatā vipariṇāmadhammatā, etaṃ sandhāya yaṃ kiñci vedayitaṃ, taṃ dukkhanti mayā bhāsitanti dīpeti. Yā hi saṅkhārānaṃ aniccatā, vedanānampi sā aniccatā eva. Aniccatā ca nāmesā maraṇaṃ, maraṇato uttari dukkhaṃ nāma natthīti iminā adhippāyena sabbā vedanā dukkhāti vuttā. Atha kho pana bhikkhu mayāti idaṃ na kevalaṃ ahaṃ vedanānaṃyeva nirodhaṃ paññāpemi, imesampi dhammānaṃ nirodhaṃ paññāpemīti dassanatthaṃ āraddhaṃ. Vūpasamo ca passaddhiyo ca evarūpāya desanāya bujjhanakānaṃ ajjhāsayena vuttā. Saññāvedayitanirodhaggahaṇena cettha cattāro āruppā gahitāva hontīti veditabbā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. રહોગતસુત્તં • 1. Rahogatasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧. રહોગતસુત્તવણ્ણના • 1. Rahogatasuttavaṇṇanā
