| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. ராஜாஸுத்தங்
8. Rājāsuttaṃ
178. ‘‘தங் கிங் மஞ்ஞத², பி⁴க்க²வே, அபி நு தும்ஹேஹி தி³ட்ட²ங் வா ஸுதங் வா – ‘அயங் புரிஸோ பாணாதிபாதங் பஹாய பாணாதிபாதா படிவிரதோதி 1. தமேனங் ராஜானோ க³ஹெத்வா பாணாதிபாதா வேரமணிஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தீ’’’தி? ‘‘நோ ஹேதங், ப⁴ந்தே’’. ‘‘ஸாது⁴, பி⁴க்க²வே! மயாபி கோ² ஏதங், பி⁴க்க²வே, நேவ தி³ட்ட²ங் ந ஸுதங் – ‘அயங் புரிஸோ பாணாதிபாதங் பஹாய பாணாதிபாதா படிவிரதோதி. தமேனங் ராஜானோ க³ஹெத்வா பாணாதிபாதா வேரமணிஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தீ’தி. அபி ச, க்²வஸ்ஸ ததே²வ பாபகம்மங் பவேதெ³ந்தி 2 – ‘அயங் புரிஸோ இத்தி²ங் வா புரிஸங் வா ஜீவிதா வோரோபேஸீதி 3. தமேனங் ராஜானோ க³ஹெத்வா பாணாதிபாதஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தி. அபி நு தும்ஹேஹி ஏவரூபங் தி³ட்ட²ங் வா ஸுதங் வா’’’தி? ‘‘தி³ட்ட²ஞ்ச நோ, ப⁴ந்தே, ஸுதஞ்ச ஸுய்யிஸ்ஸதி 4 சா’’தி.
178. ‘‘Taṃ kiṃ maññatha, bhikkhave, api nu tumhehi diṭṭhaṃ vā sutaṃ vā – ‘ayaṃ puriso pāṇātipātaṃ pahāya pāṇātipātā paṭiviratoti 5. Tamenaṃ rājāno gahetvā pāṇātipātā veramaṇihetu hananti vā bandhanti vā pabbājenti vā yathāpaccayaṃ vā karontī’’’ti? ‘‘No hetaṃ, bhante’’. ‘‘Sādhu, bhikkhave! Mayāpi kho etaṃ, bhikkhave, neva diṭṭhaṃ na sutaṃ – ‘ayaṃ puriso pāṇātipātaṃ pahāya pāṇātipātā paṭiviratoti. Tamenaṃ rājāno gahetvā pāṇātipātā veramaṇihetu hananti vā bandhanti vā pabbājenti vā yathāpaccayaṃ vā karontī’ti. Api ca, khvassa tatheva pāpakammaṃ pavedenti 6 – ‘ayaṃ puriso itthiṃ vā purisaṃ vā jīvitā voropesīti 7. Tamenaṃ rājāno gahetvā pāṇātipātahetu hananti vā bandhanti vā pabbājenti vā yathāpaccayaṃ vā karonti. Api nu tumhehi evarūpaṃ diṭṭhaṃ vā sutaṃ vā’’’ti? ‘‘Diṭṭhañca no, bhante, sutañca suyyissati 8 cā’’ti.
‘‘தங் கிங் மஞ்ஞத², பி⁴க்க²வே, அபி நு தும்ஹேஹி தி³ட்ட²ங் வா ஸுதங் வா – ‘அயங் புரிஸோ அதி³ன்னாதா³னங் பஹாய அதி³ன்னாதா³னா படிவிரதோதி. தமேனங் ராஜானோ க³ஹெத்வா அதி³ன்னாதா³னா வேரமணிஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தீ’’’தி? ‘‘நோ ஹேதங் ப⁴ந்தே’’. ‘‘ஸாது⁴, பி⁴க்க²வே! மயாபி கோ² ஏதங், பி⁴க்க²வே, நேவ தி³ட்ட²ங் ந ஸுதங் – ‘அயங் புரிஸோ அதி³ன்னாதா³னங் பஹாய அதி³ன்னாதா³னா படிவிரதோதி. தமேனங் ராஜானோ க³ஹெத்வா அதி³ன்னாதா³னா வேரமணிஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தீ’தி. அபி ச க்²வஸ்ஸ ததே²வ பாபகம்மங் பவேதெ³ந்தி – ‘அயங் புரிஸோ கா³மா வா அரஞ்ஞா வா அதி³ன்னங் தெ²ய்யஸங்கா²தங் ஆதி³யீதி 9. தமேனங் ராஜானோ க³ஹெத்வா அதி³ன்னாதா³னஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தி. அபி நு தும்ஹேஹி ஏவரூபங் தி³ட்ட²ங் வா ஸுதங் வா’’’தி? ‘‘தி³ட்ட²ஞ்ச நோ, ப⁴ந்தே, ஸுதஞ்ச ஸுய்யிஸ்ஸதி சா’’தி.
‘‘Taṃ kiṃ maññatha, bhikkhave, api nu tumhehi diṭṭhaṃ vā sutaṃ vā – ‘ayaṃ puriso adinnādānaṃ pahāya adinnādānā paṭiviratoti. Tamenaṃ rājāno gahetvā adinnādānā veramaṇihetu hananti vā bandhanti vā pabbājenti vā yathāpaccayaṃ vā karontī’’’ti? ‘‘No hetaṃ bhante’’. ‘‘Sādhu, bhikkhave! Mayāpi kho etaṃ, bhikkhave, neva diṭṭhaṃ na sutaṃ – ‘ayaṃ puriso adinnādānaṃ pahāya adinnādānā paṭiviratoti. Tamenaṃ rājāno gahetvā adinnādānā veramaṇihetu hananti vā bandhanti vā pabbājenti vā yathāpaccayaṃ vā karontī’ti. Api ca khvassa tatheva pāpakammaṃ pavedenti – ‘ayaṃ puriso gāmā vā araññā vā adinnaṃ theyyasaṅkhātaṃ ādiyīti 10. Tamenaṃ rājāno gahetvā adinnādānahetu hananti vā bandhanti vā pabbājenti vā yathāpaccayaṃ vā karonti. Api nu tumhehi evarūpaṃ diṭṭhaṃ vā sutaṃ vā’’’ti? ‘‘Diṭṭhañca no, bhante, sutañca suyyissati cā’’ti.
‘‘தங் கிங் மஞ்ஞத², பி⁴க்க²வே, அபி நு தும்ஹேஹி தி³ட்ட²ங் வா ஸுதங் வா – ‘அயங் புரிஸோ காமேஸுமிச்சா²சாரங் பஹாய காமேஸுமிச்சா²சாரா படிவிரதோதி. தமேனங் ராஜானோ க³ஹெத்வா காமேஸுமிச்சா²சாரா வேரமணிஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தீ’’’தி? ‘‘நோ ஹேதங் , ப⁴ந்தே’’. ‘‘ஸாது⁴, பி⁴க்க²வே! மயாபி கோ² ஏதங், பி⁴க்க²வே, நேவ தி³ட்ட²ங் ந ஸுதங் – ‘அயங் புரிஸோ காமேஸுமிச்சா²சாரங் பஹாய காமேஸுமிச்சா²சாரா படிவிரதோதி. தமேனங் ராஜானோ க³ஹெத்வா காமேஸுமிச்சா²சாரா வேரமணிஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தீ’தி. அபி ச க்²வஸ்ஸ ததே²வ பாபகம்மங் பவேதெ³ந்தி – ‘அயங் புரிஸோ பரித்தீ²ஸு பரகுமாரீஸு சாரித்தங் ஆபஜ்ஜீதி 11. தமேனங் ராஜானோ க³ஹெத்வா காமேஸுமிச்சா²சாரஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தி. அபி நு தும்ஹேஹி ஏவரூபங் தி³ட்ட²ங் வா ஸுதங் வா’’’தி? ‘‘தி³ட்ட²ஞ்ச நோ, ப⁴ந்தே, ஸுதஞ்ச ஸுய்யிஸ்ஸதி சா’’தி.
‘‘Taṃ kiṃ maññatha, bhikkhave, api nu tumhehi diṭṭhaṃ vā sutaṃ vā – ‘ayaṃ puriso kāmesumicchācāraṃ pahāya kāmesumicchācārā paṭiviratoti. Tamenaṃ rājāno gahetvā kāmesumicchācārā veramaṇihetu hananti vā bandhanti vā pabbājenti vā yathāpaccayaṃ vā karontī’’’ti? ‘‘No hetaṃ , bhante’’. ‘‘Sādhu, bhikkhave! Mayāpi kho etaṃ, bhikkhave, neva diṭṭhaṃ na sutaṃ – ‘ayaṃ puriso kāmesumicchācāraṃ pahāya kāmesumicchācārā paṭiviratoti. Tamenaṃ rājāno gahetvā kāmesumicchācārā veramaṇihetu hananti vā bandhanti vā pabbājenti vā yathāpaccayaṃ vā karontī’ti. Api ca khvassa tatheva pāpakammaṃ pavedenti – ‘ayaṃ puriso paritthīsu parakumārīsu cārittaṃ āpajjīti 12. Tamenaṃ rājāno gahetvā kāmesumicchācārahetu hananti vā bandhanti vā pabbājenti vā yathāpaccayaṃ vā karonti. Api nu tumhehi evarūpaṃ diṭṭhaṃ vā sutaṃ vā’’’ti? ‘‘Diṭṭhañca no, bhante, sutañca suyyissati cā’’ti.
‘‘தங் கிங் மஞ்ஞத², பி⁴க்க²வே, அபி நு தும்ஹேஹி தி³ட்ட²ங் வா ஸுதங் வா – ‘அயங் புரிஸோ முஸாவாத³ங் பஹாய முஸாவாதா³ படிவிரதோதி. தமேனங் ராஜானோ க³ஹெத்வா முஸாவாதா³ வேரமணிஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தீ’’’தி? ‘‘நோ ஹேதங், ப⁴ந்தே’’. ‘‘ஸாது⁴, பி⁴க்க²வே! மயாபி கோ² ஏதங், பி⁴க்க²வே, நேவ தி³ட்ட²ங் ந ஸுதங் – ‘அயங் புரிஸோ முஸாவாத³ங் பஹாய முஸாவாதா³ படிவிரதோதி. தமேனங் ராஜானோ க³ஹெத்வா முஸாவாதா³ வேரமணிஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தீ’தி. அபி ச க்²வஸ்ஸ ததே²வ பாபகம்மங் பவேதெ³ந்தி – ‘அயங் புரிஸோ க³ஹபதிஸ்ஸ வா க³ஹபதிபுத்தஸ்ஸ வா முஸாவாதே³ன அத்த²ங் பப⁴ஞ்ஜீதி 13. தமேனங் ராஜானோ க³ஹெத்வா முஸாவாத³ஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தி. அபி நு தும்ஹேஹி ஏவரூபங் தி³ட்ட²ங் வா ஸுதங் வா’’’தி? ‘‘தி³ட்ட²ஞ்ச நோ, ப⁴ந்தே, ஸுதஞ்ச ஸுய்யிஸ்ஸதி சா’’தி .
‘‘Taṃ kiṃ maññatha, bhikkhave, api nu tumhehi diṭṭhaṃ vā sutaṃ vā – ‘ayaṃ puriso musāvādaṃ pahāya musāvādā paṭiviratoti. Tamenaṃ rājāno gahetvā musāvādā veramaṇihetu hananti vā bandhanti vā pabbājenti vā yathāpaccayaṃ vā karontī’’’ti? ‘‘No hetaṃ, bhante’’. ‘‘Sādhu, bhikkhave! Mayāpi kho etaṃ, bhikkhave, neva diṭṭhaṃ na sutaṃ – ‘ayaṃ puriso musāvādaṃ pahāya musāvādā paṭiviratoti. Tamenaṃ rājāno gahetvā musāvādā veramaṇihetu hananti vā bandhanti vā pabbājenti vā yathāpaccayaṃ vā karontī’ti. Api ca khvassa tatheva pāpakammaṃ pavedenti – ‘ayaṃ puriso gahapatissa vā gahapatiputtassa vā musāvādena atthaṃ pabhañjīti 14. Tamenaṃ rājāno gahetvā musāvādahetu hananti vā bandhanti vā pabbājenti vā yathāpaccayaṃ vā karonti. Api nu tumhehi evarūpaṃ diṭṭhaṃ vā sutaṃ vā’’’ti? ‘‘Diṭṭhañca no, bhante, sutañca suyyissati cā’’ti .
‘‘தங் கிங் மஞ்ஞத², பி⁴க்க²வே, அபி நு தும்ஹேஹி தி³ட்ட²ங் வா ஸுதங் வா – ‘அயங் புரிஸோ ஸுராமேரயமஜ்ஜபமாத³ட்டா²னங் பஹாய ஸுராமேரயமஜ்ஜபமாத³ட்டா²னா படிவிரதோதி. தமேனங் ராஜானோ க³ஹெத்வா ஸுராமேரயமஜ்ஜபமாத³ட்டா²னா வேரமணிஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தீ’தி? ‘‘நோ ஹேதங், ப⁴ந்தே’’. ‘‘ஸாது⁴, பி⁴க்க²வே! மயாபி கோ² ஏதங், பி⁴க்க²வே, நேவ தி³ட்ட²ங் ந ஸுதங் – ‘அயங் புரிஸோ ஸுராமேரயமஜ்ஜபமாத³ட்டா²னங் பஹாய ஸுராமேரயமஜ்ஜபமாத³ட்டா²னா படிவிரதோதி. தமேனங் ராஜானோ க³ஹெத்வா ஸுராமேரயமஜ்ஜபமாத³ட்டா²னா வேரமணிஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தீ’தி. அபி ச க்²வஸ்ஸ ததே²வ பாபகம்மங் பவேதெ³ந்தி – ‘அயங் புரிஸோ ஸுராமேரயமஜ்ஜபமாத³ட்டா²னங் அனுயுத்தோ இத்தி²ங் வா புரிஸங் வா ஜீவிதா வோரோபேஸி 15; அயங் புரிஸோ ஸுராமேரயமஜ்ஜபமாத³ட்டா²னங் அனுயுத்தோ கா³மா வா அரஞ்ஞா வா அதி³ன்னங் தெ²ய்யஸங்கா²தங் ஆதி³யி 16; அயங் புரிஸோ ஸுராமேரயமஜ்ஜபமாத³ட்டா²னங் அனுயுத்தோ பரித்தீ²ஸு பரகுமாரீஸு சாரித்தங் ஆபஜ்ஜி 17; அயங் புரிஸோ ஸுராமேரயமஜ்ஜபமாத³ட்டா²னங் அனுயுத்தோ க³ஹபதிஸ்ஸ வா க³ஹபதிபுத்தஸ்ஸ வா முஸாவாதே³ன அத்த²ங் பப⁴ஞ்ஜீதி. தமேனங் ராஜானோ க³ஹெத்வா ஸுராமேரயமஜ்ஜபமாத³ட்டா²னஹேது ஹனந்தி வா ப³ந்த⁴ந்தி வா பப்³பா³ஜெந்தி வா யதா²பச்சயங் வா கரொந்தி. அபி நு தும்ஹேஹி ஏவரூபங் தி³ட்ட²ங் வா ஸுதங் வா’’’தி? ‘‘தி³ட்ட²ஞ்ச நோ, ப⁴ந்தே, ஸுதஞ்ச ஸுய்யிஸ்ஸதி சா’’தி. அட்ட²மங்.
‘‘Taṃ kiṃ maññatha, bhikkhave, api nu tumhehi diṭṭhaṃ vā sutaṃ vā – ‘ayaṃ puriso surāmerayamajjapamādaṭṭhānaṃ pahāya surāmerayamajjapamādaṭṭhānā paṭiviratoti. Tamenaṃ rājāno gahetvā surāmerayamajjapamādaṭṭhānā veramaṇihetu hananti vā bandhanti vā pabbājenti vā yathāpaccayaṃ vā karontī’ti? ‘‘No hetaṃ, bhante’’. ‘‘Sādhu, bhikkhave! Mayāpi kho etaṃ, bhikkhave, neva diṭṭhaṃ na sutaṃ – ‘ayaṃ puriso surāmerayamajjapamādaṭṭhānaṃ pahāya surāmerayamajjapamādaṭṭhānā paṭiviratoti. Tamenaṃ rājāno gahetvā surāmerayamajjapamādaṭṭhānā veramaṇihetu hananti vā bandhanti vā pabbājenti vā yathāpaccayaṃ vā karontī’ti. Api ca khvassa tatheva pāpakammaṃ pavedenti – ‘ayaṃ puriso surāmerayamajjapamādaṭṭhānaṃ anuyutto itthiṃ vā purisaṃ vā jīvitā voropesi 18; ayaṃ puriso surāmerayamajjapamādaṭṭhānaṃ anuyutto gāmā vā araññā vā adinnaṃ theyyasaṅkhātaṃ ādiyi 19; ayaṃ puriso surāmerayamajjapamādaṭṭhānaṃ anuyutto paritthīsu parakumārīsu cārittaṃ āpajji 20; ayaṃ puriso surāmerayamajjapamādaṭṭhānaṃ anuyutto gahapatissa vā gahapatiputtassa vā musāvādena atthaṃ pabhañjīti. Tamenaṃ rājāno gahetvā surāmerayamajjapamādaṭṭhānahetu hananti vā bandhanti vā pabbājenti vā yathāpaccayaṃ vā karonti. Api nu tumhehi evarūpaṃ diṭṭhaṃ vā sutaṃ vā’’’ti? ‘‘Diṭṭhañca no, bhante, sutañca suyyissati cā’’ti. Aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. ராஜஸுத்தவண்ணனா • 8. Rājasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-8. வணிஜ்ஜாஸுத்தாதி³வண்ணனா • 7-8. Vaṇijjāsuttādivaṇṇanā
