| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. ரஜ்ஜஸுத்தவண்ணனா
10. Rajjasuttavaṇṇanā
156. அஹனந்தி கரணே பச்சத்தவசனந்தி ஆஹ ‘‘அஹனந்தேனா’’தி, பச்சத்தே ஏவ வா பச்சத்தவசனங், ‘‘அஹனந்தோ ஹுத்வா’’தி வசனஸேஸேன ப⁴விதப்³ப³ந்தி அதி⁴ப்பாயோ. ஸேஸபதே³ஸுபி ஏஸேவ நயோ. அஜினந்தி அந்தோக³த⁴ஹேதுஅத்த²ங் வத³தீதி ஆஹ ‘‘பரஸ்ஸ த⁴னஜானிங் அகரொந்தேனா’’தி. அகாராபெந்தேனாதி பரஸ்ஸ த⁴னஜானிங் அகாரெந்தேன. அஸோசந்தேனாதி போ⁴க³ப்³யஸனாதி³வஸேன பரங் அஸோசந்தேன. கஸ்மா ப⁴க³வா ஏவங் சிந்தேஸீதி தத்த² காரணமாஹ ‘‘இதீ’’திஆதி³னா. ரஜ்ஜே விஜிதே த³ண்ட³கரபீளிதேதி த⁴னத³ண்டா³தி³த³ண்டே³ன சேவ ப³லினா ச பா³தி⁴தே.
156.Ahananti karaṇe paccattavacananti āha ‘‘ahanantenā’’ti, paccatte eva vā paccattavacanaṃ, ‘‘ahananto hutvā’’ti vacanasesena bhavitabbanti adhippāyo. Sesapadesupi eseva nayo. Ajinanti antogadhahetuatthaṃ vadatīti āha ‘‘parassa dhanajāniṃ akarontenā’’ti. Akārāpentenāti parassa dhanajāniṃ akārentena. Asocantenāti bhogabyasanādivasena paraṃ asocantena. Kasmā bhagavā evaṃ cintesīti tattha kāraṇamāha ‘‘itī’’tiādinā. Rajje vijite daṇḍakarapīḷiteti dhanadaṇḍādidaṇḍena ceva balinā ca bādhite.
இஜ்ஜ²னககொட்டா²ஸாதி சேதோவஸிபா⁴வாதி³கஸ்ஸ ஸாத⁴னககொட்டா²ஸா. வட்³டி⁴தாதி பா⁴வனாபாரிபூரிவஸேன அனுப்³ரூஹிதா. புனப்புனங் கதாதி பா⁴வனாய ப³ஹுலீகரணேன அபராபரங் பவத்திதா. யுத்தயானந்தி யதா² யுத்தானங் ஆஜஞ்ஞரதா²னங் ஸாரதி²னா அதி⁴ட்டி²தங் யதா²ருசி பவத்ததி, ஏவங் யதா²ருசிபவத்திதங் க³மிதா. பதிட்ட²ட்டே²னாதி அதி⁴ட்டா²னட்டே²ன. வத்து²கதாதி ஸப்³ப³ஸோ உபக்கிலேஸஸோத⁴னேன இத்³தி⁴விஸயதாய பதிட்டா²னபா⁴வதோ ஸுவிஸோதி⁴தபரிஸ்ஸயவத்து² விய கதா. அவிஜஹிதாதி படிபக்க²தூ³ரீபா⁴வதோ ஸுபா⁴விதபா⁴வேன தங்தங்அதி⁴ட்டா²னயொக்³யதாய ந ஜஹாபிதா. நிச்சானுப³த்³தா⁴தி ததோ ஏவ நிச்சங் அனுப³த்³தா⁴ விய கதா. ஸுபரிசிதாதி ஸுட்டு² ஸப்³ப³பா⁴கே³ன பா⁴வனானுபசயங் க³மிதா. அவிராதி⁴தவேதி⁴ஹத்தோ² வியாதி அவிரஜ்ஜ²னபா⁴வேன விரஜ்ஜ²னஹத்தோ² விய. ஸுட்டு² ஸமாரத்³தா⁴தி பா⁴வனாஉப்பத்தியா ஸம்மதே³வ ஸம்பாதி³தா. சிந்தெய்யாதி அத்து²த்³தா⁴ரவஸேன சிந்தெய்ய.
Ijjhanakakoṭṭhāsāti cetovasibhāvādikassa sādhanakakoṭṭhāsā. Vaḍḍhitāti bhāvanāpāripūrivasena anubrūhitā. Punappunaṃ katāti bhāvanāya bahulīkaraṇena aparāparaṃ pavattitā. Yuttayānanti yathā yuttānaṃ ājaññarathānaṃ sārathinā adhiṭṭhitaṃ yathāruci pavattati, evaṃ yathārucipavattitaṃ gamitā. Patiṭṭhaṭṭhenāti adhiṭṭhānaṭṭhena. Vatthukatāti sabbaso upakkilesasodhanena iddhivisayatāya patiṭṭhānabhāvato suvisodhitaparissayavatthu viya katā. Avijahitāti paṭipakkhadūrībhāvato subhāvitabhāvena taṃtaṃadhiṭṭhānayogyatāya na jahāpitā. Niccānubaddhāti tato eva niccaṃ anubaddhā viya katā. Suparicitāti suṭṭhu sabbabhāgena bhāvanānupacayaṃ gamitā. Avirādhitavedhihattho viyāti avirajjhanabhāvena virajjhanahattho viya. Suṭṭhu samāraddhāti bhāvanāuppattiyā sammadeva sampāditā. Cinteyyāti atthuddhāravasena cinteyya.
பப்³ப³தஸ்ஸாதி பப்³ப³தோ அஸ்ஸ. பப்³ப³தோ அஸ்ஸாதி பப்³ப³தோ ப⁴வெய்ய கீதி³ஸஸ்ஸாதி ஆஹ ‘‘ஸுவண்ணஸ்ஸா’’திஆதி³. ஜாதரூபஸ்ஸாதி ஆதபரூபஸம்பன்னஸ்ஸ. த்³விக்க²த்தும்பி தாவ மஹந்தோதி யத்தகோ ஸோ பப்³ப³தோ ஹோதி, த்³விக்க²த்துங் தத்தகோ. ஏகஸ்ஸாதி ஏகஸ்ஸபி புக்³க³லஸ்ஸ நாலங் ந பரியத்தோ தண்ஹாய து³ப்பூரணபா⁴வா. ஏவங் ஜானந்தோதி ஏவங் தண்ஹாய து³ப்பூரணபா⁴வாதீ³னவதங் ஜானந்தோ. ஸமங் சரெய்யாதி பரவத்து²பராமாஸாதி³ங் விஹாய காயாதீ³ஹி ஸமமேவ படிபஜ்ஜெய்ய.
Pabbatassāti pabbato assa. Pabbato assāti pabbato bhaveyya kīdisassāti āha ‘‘suvaṇṇassā’’tiādi. Jātarūpassāti ātaparūpasampannassa. Dvikkhattumpi tāva mahantoti yattako so pabbato hoti, dvikkhattuṃ tattako. Ekassāti ekassapi puggalassa nālaṃ na pariyatto taṇhāya duppūraṇabhāvā. Evaṃ jānantoti evaṃ taṇhāya duppūraṇabhāvādīnavataṃ jānanto. Samaṃ careyyāti paravatthuparāmāsādiṃ vihāya kāyādīhi samameva paṭipajjeyya.
து³க்க²ங் தண்ஹானிதா³னங், தண்ஹா காமகு³ணனிதா³னா, தஸ்மா து³க்க²ஸ்ஸ தண்ஹாபச்சயகாமகு³ணனிதா³னத்தங் வுத்தங். தந்தி து³க்க²ங். யதோனிதா³னங் ஹோதீதி யங்னிதா³னங் யங்காரணங் தங் பவத்ததி. ஏவங் யோ அத³க்கீ²தி யோ பரிஞ்ஞாதவத்து²கோ ஏவங் து³க்க²ங் தஸ்ஸ நிதா³னபூ⁴தே காமகு³ணே ச தத²தோ பஞ்ஞாசக்கு²னா பஸ்ஸி. கேன காரணேன நமெய்ய? தங் காரணங் நத்தீ²தி அத்தோ². காமகு³ணஉபதி⁴ந்தி காமகு³ணஸங்கா²தங் உபதி⁴ங். ஸஜ்ஜதி எத்தா²தி ஸங்கோ³ ஏஸோ, லக்³க³னமேதந்தி ஏவங் விதி³த்வா. தமேவ காமாபி⁴பூ⁴தோ நப்படிஸேவெய்ய ந லக்³கெ³ய்யாதி ஏவங் வினயாய வூபஸமாய ஸிக்கெ²ய்யாதி.
Dukkhaṃ taṇhānidānaṃ, taṇhā kāmaguṇanidānā, tasmā dukkhassa taṇhāpaccayakāmaguṇanidānattaṃ vuttaṃ. Tanti dukkhaṃ. Yatonidānaṃ hotīti yaṃnidānaṃ yaṃkāraṇaṃ taṃ pavattati. Evaṃ yo adakkhīti yo pariññātavatthuko evaṃ dukkhaṃ tassa nidānabhūte kāmaguṇe ca tathato paññācakkhunā passi. Kena kāraṇena nameyya? Taṃ kāraṇaṃ natthīti attho. Kāmaguṇaupadhinti kāmaguṇasaṅkhātaṃ upadhiṃ. Sajjati etthāti saṅgo eso, lagganametanti evaṃviditvā. Tameva kāmābhibhūto nappaṭiseveyya na laggeyyāti evaṃ vinayāya vūpasamāya sikkheyyāti.
ரஜ்ஜஸுத்தவண்ணனா நிட்டி²தா.
Rajjasuttavaṇṇanā niṭṭhitā.
து³தியவக்³க³வண்ணனா நிட்டி²தா.
Dutiyavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. ரஜ்ஜஸுத்தங் • 10. Rajjasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. ரஜ்ஜஸுத்தவண்ணனா • 10. Rajjasuttavaṇṇanā
