| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
12. ராஸியஸுத்தவண்ணனா
12. Rāsiyasuttavaṇṇanā
364. ராஸிங் கத்வா மாரபாஸவஸேன, தத்ராபி அந்தரபே⁴தே³ன விப⁴ஜித்வா புச்சி²தப்³ப³பஞ்ஹே ஏகதோ ராஸிங் கத்வா. தபனங் அத்தபரிதாபனங் தபோ, ஸோ ஏதஸ்ஸ அத்தீ²தி தபஸ்ஸீ, தங் தபஸ்ஸிங். ஸோ பன தங் தபங் நிஸ்ஸாய டி²தோ நாம ஹோதீதி வுத்தங் ‘‘தபனிஸ்ஸிதக’’ந்தி. ஸோ பன அனேகாகாரபே⁴தே³ன லூக²ங் ப²ருஸங் ஜீவனஸீலத்தா லூக²ஜீவீ நாம. தேனாஹ ‘‘லூக²ஜீவிக’’ந்தி. மஜ்ஜி²மாய படிபத்தியா உப்பத²பா⁴வேன அவனியா க³ந்த⁴ப்³பா³தி அந்தா, ததோ ஏவ லாமகத்தா அந்தா. லாமகம்பி ‘‘அந்தோ’’தி வுச்சதி ‘‘அந்தமித³ங், பி⁴க்க²வே, ஜீவிகானங் (இதிவு॰ 91; ஸங்॰ நி॰ 3.80), ஏகோ அந்தோ’’தி ஏவமாதீ³ஸு (ஸங்॰ நி॰ 2.15; 3.90). அட்ட²கதா²யங் பன அஞ்ஞமஞ்ஞஆதா⁴ரபா⁴வங் உரீகத்வா ‘‘கொட்டா²ஸா’’தி வுத்தங். ஹீனோ கா³மோதி பாளி. கா³ம-ஸத்³தோ³ ஹீனபரியாயோதி அதி⁴ப்பாயேனாஹ ‘‘கா³ம்மோ’’தி. கா³மே ப⁴வோதி கா³ம்மோ. கா³ம-ஸத்³தோ³ செத்த² கா³மவாஸிவிஸயோ ‘‘கா³மோ ஆக³தோ’’திஆதீ³ஸு விய. அட்ட²கதா²யங் பன ‘‘கா³மவாஸீனங் த⁴ம்மோ’’தி வுத்தங், தேஸங் சாரித்தந்தி அத்தோ². அத்த-ஸத்³தோ³ இத⁴ ஸரீரபரியாயோ ‘‘அத்தந்தபோ’’திஆதீ³ஸு வியாதி ஆஹ ‘‘ஸரீரது³க்க²கரணந்தி அத்தோ²’’தி.
364.Rāsiṃ katvā mārapāsavasena, tatrāpi antarabhedena vibhajitvā pucchitabbapañhe ekato rāsiṃ katvā. Tapanaṃ attaparitāpanaṃ tapo, so etassa atthīti tapassī, taṃ tapassiṃ. So pana taṃ tapaṃ nissāya ṭhito nāma hotīti vuttaṃ ‘‘tapanissitaka’’nti. So pana anekākārabhedena lūkhaṃ pharusaṃ jīvanasīlattā lūkhajīvī nāma. Tenāha ‘‘lūkhajīvika’’nti. Majjhimāya paṭipattiyā uppathabhāvena avaniyā gandhabbāti antā, tato eva lāmakattā antā. Lāmakampi ‘‘anto’’ti vuccati ‘‘antamidaṃ, bhikkhave, jīvikānaṃ (itivu. 91; saṃ. ni. 3.80), eko anto’’ti evamādīsu (saṃ. ni. 2.15; 3.90). Aṭṭhakathāyaṃ pana aññamaññaādhārabhāvaṃ urīkatvā ‘‘koṭṭhāsā’’ti vuttaṃ. Hīno gāmoti pāḷi. Gāma-saddo hīnapariyāyoti adhippāyenāha ‘‘gāmmo’’ti. Gāme bhavoti gāmmo. Gāma-saddo cettha gāmavāsivisayo ‘‘gāmo āgato’’tiādīsu viya. Aṭṭhakathāyaṃ pana ‘‘gāmavāsīnaṃ dhammo’’ti vuttaṃ, tesaṃ cārittanti attho. Atta-saddo idha sarīrapariyāyo ‘‘attantapo’’tiādīsu viyāti āha ‘‘sarīradukkhakaraṇanti attho’’ti.
எத்தா²தி ஏதஸ்மிங் தபனிஸ்ஸிதக³ரஹிதப்³ப³பதே³ கஸ்மா அந்தத்³வயமஜ்ஜி²மபடிபதா³க³ஹணங்? அத்தகிலமதா²னுயோகோ³ தாவ க³ய்ஹது இத³மத்தி²தாயாதி அதி⁴ப்பாயோ. காமபோ⁴கீ³தபனிஸ்ஸிதகனிஜ்ஜரவத்தூ²னங் த³ஸ்ஸனே யதா²தி⁴ப்பேதஸ்ஸ அத்த²ஸ்ஸ விப⁴ஜித்வா கத²னங் ஸம்ப⁴வதீதி தே த³ஸ்ஸெத்வா அதி⁴ப்பேதத்தோ² கதி²தோ.
Etthāti etasmiṃ tapanissitagarahitabbapade kasmā antadvayamajjhimapaṭipadāgahaṇaṃ? Attakilamathānuyogo tāva gayhatu idamatthitāyāti adhippāyo. Kāmabhogītapanissitakanijjaravatthūnaṃ dassane yathādhippetassa atthassa vibhajitvā kathanaṃ sambhavatīti te dassetvā adhippetattho kathito.
தமத்த²ந்தி யோ ‘‘காமபோ⁴கீ³தபனிஸ்ஸிதகேஸு க³ரஹிதப்³பே³யேவ க³ரஹதி, பஸங்ஸிதப்³பே³யேவ ச பஸங்ஸதீ’’தி வுத்தோ அத்தோ², தமத்த²ங் பகாஸெந்தோ. ஸாஹஸிககம்மேனாதி அயுத்தேன கம்மேன. த⁴ம்மேன ச அத⁴ம்மேன சாதி த⁴ம்மிகேன அத⁴ம்மிகேன ச. அயோனிஸோ பவத்தங் பா³ஹிரகங் ஸந்தா⁴ய சோத³கோ ‘‘கத²’’ந்திஆதி³மாஹ. இதரோ நயித³ங் தாதி³ஸங் அத்தபரிதாபனங் அதி⁴ப்பேதங், அத² கோ² யோனிஸோ பவத்தங் ஸாஸனிகமேவாதி த³ஸ்ஸெந்தோ ‘‘சதுரங்க³வீரியவஸேன சா’’தி ஆஹ. தத்த² ‘‘காமங் தசோ ச ந்ஹாரு ச அட்டி² ச அவஸிஸ்ஸதூ’’திஆதி³னா (ம॰ நி॰ 2.184; ஸங்॰ நி॰ 2.22.237; அ॰ நி॰ 2.5) நயேன வுத்தா ஸரீரேனிரபெக்க²விபஸ்ஸனாய உஸ்ஸுக்காபனவஸேன பவத்தா வீரியபா⁴வனா ‘‘சதுரங்க³வீரியவஸேனா’’தி வுத்தா. ததா² அப்³போ⁴காஸிகனேஸஜ்ஜிகதபாதி³னிஸ்ஸிதாவ கிலேஸனிம்மத²னயொக்³யா வீரியபா⁴வனா ‘‘து⁴தங்க³வஸேன சா’’தி வுத்தாதி. அரியமக்³கே³ன நிஸ்ஸேஸகிலேஸானங் பஜஹனா நிஜ்ஜரா. ஸா ச அத்தபச்சக்க²தாய ஸந்தி³ட்டி²கா திண்ணங் மூலகிலேஸானங் பஜஹனேன ‘‘திஸ்ஸோ’’தி ச வுத்தா. தேனாஹ ‘‘ஏகோபீ’’திஆதி³.
Tamatthanti yo ‘‘kāmabhogītapanissitakesu garahitabbeyeva garahati, pasaṃsitabbeyeva ca pasaṃsatī’’ti vutto attho, tamatthaṃ pakāsento. Sāhasikakammenāti ayuttena kammena. Dhammena ca adhammena cāti dhammikena adhammikena ca. Ayoniso pavattaṃ bāhirakaṃ sandhāya codako ‘‘katha’’ntiādimāha. Itaro nayidaṃ tādisaṃ attaparitāpanaṃ adhippetaṃ, atha kho yoniso pavattaṃ sāsanikamevāti dassento ‘‘caturaṅgavīriyavasena cā’’ti āha. Tattha ‘‘kāmaṃ taco ca nhāru ca aṭṭhi ca avasissatū’’tiādinā (ma. ni. 2.184; saṃ. ni. 2.22.237; a. ni. 2.5) nayena vuttā sarīrenirapekkhavipassanāya ussukkāpanavasena pavattā vīriyabhāvanā ‘‘caturaṅgavīriyavasenā’’ti vuttā. Tathā abbhokāsikanesajjikatapādinissitāva kilesanimmathanayogyā vīriyabhāvanā ‘‘dhutaṅgavasena cā’’ti vuttāti. Ariyamaggena nissesakilesānaṃ pajahanā nijjarā. Sā ca attapaccakkhatāya sandiṭṭhikā tiṇṇaṃ mūlakilesānaṃ pajahanena ‘‘tisso’’ti ca vuttā. Tenāha ‘‘ekopī’’tiādi.
ராஸியஸுத்தவண்ணனா நிட்டி²தா.
Rāsiyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 12. ராஸியஸுத்தங் • 12. Rāsiyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 12. ராஸியஸுத்தவண்ணனா • 12. Rāsiyasuttavaṇṇanā
