| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. ரதோ²பமஸுத்தவண்ணனா
2. Rathopamasuttavaṇṇanā
239. ஸுஸங்வுதிந்த்³ரியஸ்ஸ போ⁴ஜனே மத்தஞ்ஞுனோ ஸதஸ்ஸ ஸம்பஜானஸ்ஸ விஹரதோ கிலேஸனிமித்தங் து³க்க²ங் அனவஸரந்தி ஸுக²ஸோமனஸ்ஸப³ஹுலதா வுத்தா. யவதி தேன ப²லங் மிஸ்ஸிதங் விய ஹோதீதி யோனி, ஏகந்திகங் காரணங். அஸ்ஸாதி பி⁴க்கு²னோ. பரிபுண்ணந்தி அவிகலங். அனவஸேஸங் ஆஸவே கே²பேதீதி ஆஸவக்க²யோ, அக்³க³மக்³கோ³. யங் யந்தி த³ந்த⁴ங் மஜ்ஜ²ங் ஜவோதி ஜவாதீ³ஸு யங் யங் க³மனங். ரக்க²ணத்தா²யாதி கிலேஸசோரேஹி ரக்க²ணத்தா²ய . வேக³னிக்³க³ஹணத்தா²யாதி கிலேஸஹேதுகஸ்ஸ இந்த்³ரியவேக³ஸ்ஸ நிக்³க³ண்ஹனத்தா²ய. நிப்³பி³ஸேவனத்தா²யாதி விஸேவனஸ்ஸ விப்ப²ந்தி³தஸ்ஸ நிரோத⁴னாய. கிலேஸூபஸமத்தா²யாதி கிலேஸானங் உபரூபரி ஸமனத்தா²ய வூபஸமனத்தா²ய.
239. Susaṃvutindriyassa bhojane mattaññuno satassa sampajānassa viharato kilesanimittaṃ dukkhaṃ anavasaranti sukhasomanassabahulatā vuttā. Yavati tena phalaṃ missitaṃ viya hotīti yoni, ekantikaṃ kāraṇaṃ. Assāti bhikkhuno. Paripuṇṇanti avikalaṃ. Anavasesaṃ āsave khepetīti āsavakkhayo, aggamaggo. Yaṃ yanti dandhaṃ majjhaṃ javoti javādīsu yaṃ yaṃ gamanaṃ. Rakkhaṇatthāyāti kilesacorehi rakkhaṇatthāya . Veganiggahaṇatthāyāti kilesahetukassa indriyavegassa niggaṇhanatthāya. Nibbisevanatthāyāti visevanassa vipphanditassa nirodhanāya. Kilesūpasamatthāyāti kilesānaṃ uparūpari samanatthāya vūpasamanatthāya.
ஸமணரதி நாம ஸமத²விபஸ்ஸனாமக்³க³ப²லஸுகா²னி. த³ந்தானம்பி ஸிந்த⁴வானங் ஸாரதி²னோ பயோகே³ன ஸியா காசி விஸேவனமத்தாதி தத³பா⁴வங் த³ஸ்ஸெந்தோ ‘‘நிப்³பி³ஸேவனே கத்வா பேஸெந்தோ’’தி வுத்தங். ஞாணங் க³ச்ச²தீதி அஸங்க³மனங் பவத்ததி பகே³வ இந்த்³ரியபா⁴வனாய கதத்தா, கிலேஸனிக்³க³ஹஸ்ஸ ஸுகே²னேவ ஸித்³த⁴த்தா. தா³யகஸ்ஸ அஜ்ஜா²ஸயோ வஸோ உளாரோ லாமகோ. தெ³ய்யத⁴ம்மஸ்ஸ பமாணங் வஸோ அப்பகங் ப³ஹுகஞ்ச.
Samaṇarati nāma samathavipassanāmaggaphalasukhāni. Dantānampi sindhavānaṃ sārathino payogena siyā kāci visevanamattāti tadabhāvaṃ dassento ‘‘nibbisevane katvā pesento’’ti vuttaṃ. Ñāṇaṃ gacchatīti asaṅgamanaṃ pavattati pageva indriyabhāvanāya katattā, kilesaniggahassa sukheneva siddhattā. Dāyakassa ajjhāsayo vaso uḷāro lāmako. Deyyadhammassa pamāṇaṃ vaso appakaṃ bahukañca.
மஹாமண்ட³பட்டா²னங் நாம லோஹபாஸாத³ஸ்ஸ புரதோ ஏவ மஹாபி⁴க்கு²ஸங்க⁴ஸ்ஸ ஸன்னிபாதகாலே தேஸங் பஹோனகவஸேன மஹாமண்ட³பஸ்ஸ கத்தப்³ப³ட்டா²னங். க³ஹணமானந்தி பரிவிஸக³ஹணபா⁴ஜனங்.
Mahāmaṇḍapaṭṭhānaṃ nāma lohapāsādassa purato eva mahābhikkhusaṅghassa sannipātakāle tesaṃ pahonakavasena mahāmaṇḍapassa kattabbaṭṭhānaṃ. Gahaṇamānanti parivisagahaṇabhājanaṃ.
பகதியா ப⁴த்தகாரகிச்சே அதி⁴க³தோ உபட்டா²குபாஸகோ. முது³ஸமக²ரஸஞ்ஞிதேஹி, த³ஹனபசனப⁴ஜ்ஜனஸஞ்ஞிதேஹி வா தீஹி பாகேஹி.
Pakatiyā bhattakārakicce adhigato upaṭṭhākupāsako. Mudusamakharasaññitehi, dahanapacanabhajjanasaññitehi vā tīhi pākehi.
பரிஸோதெ⁴த்வாதி ரஞ்ஞோ அனுச்ச²விகபா⁴வங் பரிஸோதெ⁴த்வா. பூ⁴மியங் ச²ட்³டே³ஸி ‘‘பி⁴க்கூ²னங் அத³த்வா மயா முகே² பக்கி²த்த’’ந்தி. முகே²ன க³ண்ஹி தஸ்ஸ நித்³தோ³ஸபா⁴வங் த³ஸ்ஸேதுங். மத்தங் ஜானாபேதுங் பமஜ்ஜி. ‘‘த்வங் குதோ ஆக³தோ’’தி புச்ச²னே பமாத³ங் ஆபஜ்ஜி. அனுபா⁴கோ³தி அவஸிட்ட²பா⁴கோ³. இத³மத்தி²யந்தி இத³ங் பயோஜனங். இதரந்தி பாளியங் அனாக³தம்பி ஆஹாரே பமாணஜானநங்.
Parisodhetvāti rañño anucchavikabhāvaṃ parisodhetvā. Bhūmiyaṃ chaḍḍesi ‘‘bhikkhūnaṃ adatvā mayā mukhe pakkhitta’’nti. Mukhena gaṇhi tassa niddosabhāvaṃ dassetuṃ. Mattaṃ jānāpetuṃ pamajji. ‘‘Tvaṃ kuto āgato’’ti pucchane pamādaṃ āpajji. Anubhāgoti avasiṭṭhabhāgo. Idamatthiyanti idaṃ payojanaṃ. Itaranti pāḷiyaṃ anāgatampi āhāre pamāṇajānanaṃ.
ஸயனங் ஸெய்யா, காமபோ⁴கீ³னங் ஸெய்யா காமபோ⁴கி³ஸெய்யா. த³க்கி²ணபஸ்ஸேன ஸயானோ நாம நத்தி² த³க்கி²ணஹத்தே²ன காதப்³ப³கிச்சகரணதோ. தேஜுஸ்ஸத³த்தாதி இத³ங் அனுத்ராஸஸ்ஸேவ ஸீஹஸ்ஸ ஸயனந்தி த³ஸ்ஸேதுங் வுத்தங். த்³வே புரிமபாதே³ ஏகஸ்மிங், பச்சி²மபாதே³ ஏகஸ்மிங் டா²னே ட²பெத்வாதி ஹி இத³ங் பாதா³னங் அவிக்கி²த்தபா⁴வகரணத³ஸ்ஸனங்.
Sayanaṃ seyyā, kāmabhogīnaṃ seyyā kāmabhogiseyyā. Dakkhiṇapassena sayāno nāma natthi dakkhiṇahatthena kātabbakiccakaraṇato. Tejussadattāti idaṃ anutrāsasseva sīhassa sayananti dassetuṃ vuttaṃ. Dve purimapāde ekasmiṃ, pacchimapāde ekasmiṃ ṭhāne ṭhapetvāti hi idaṃ pādānaṃ avikkhittabhāvakaraṇadassanaṃ.
சதுத்த²ஜ்ஜா²னஸெய்யாதி சதுத்த²ஜ்ஜா²னிகங் ப²லஸமாபத்திங் வத³தி. யேபு⁴ய்யேன ஹி ததா²க³தா ப²லஸமாபத்திங் ஸமாபஜ்ஜித்வாவ ஸயந்தி. ஸா ச நேஸங் சதுத்த²ஜ்ஜா²னதோ வுட்டா²ய, கிலேஸபரினிப்³பா³னஸ்ஸ ச கதத்தாதி வத³ந்தி . இத⁴ ஸீஹஸெய்யா ஆக³தா பாத³ங் அச்சாதா⁴ய புப்³பே³னாபரங் அஜஹிதஸங்லக்க²ணா ஸெய்யாதி கத்வா. தேனாஹ ‘‘அயங் ஹீ’’திஆதி³. ஏவந்தி ‘‘த³க்கி²ணேன பஸ்ஸேனா’’திஆதி³னா வுத்தாகாரேன ஸெய்யங் கப்பேதி.
Catutthajjhānaseyyāti catutthajjhānikaṃ phalasamāpattiṃ vadati. Yebhuyyena hi tathāgatā phalasamāpattiṃ samāpajjitvāva sayanti. Sā ca nesaṃ catutthajjhānato vuṭṭhāya, kilesaparinibbānassa ca katattāti vadanti . Idha sīhaseyyā āgatā pādaṃ accādhāya pubbenāparaṃ ajahitasaṃlakkhaṇā seyyāti katvā. Tenāha ‘‘ayaṃ hī’’tiādi. Evanti ‘‘dakkhiṇena passenā’’tiādinā vuttākārena seyyaṃ kappeti.
கத²ங் நித்³தா³யந்தோ ஸதோ ஸம்பஜானோ ஹோதி? ப⁴வங்க³சித்தேன ஹி நித்³தூ³பக³மனந்தி அதி⁴ப்பாயோ. அப்பஹானேனாதி தத³தி⁴முத்ததாய தத³ப்பஹானங் த³ட்ட²ப்³ப³ங். ததா² தேஸு நித்³தோ³க்கமனஸ்ஸ ஆதி³பரியோஸானேஸு அஜஹிதஸதிஸம்பஜஞ்ஞங் ஹோதி. தேனாஹ – ‘‘நித்³த³ங் ஓக்கமந்தோபி ஸதோ ஸம்பஜானோ ஹோதீ’’தி. ஏதங் பனாதி ‘‘நித்³த³ங் ஓக்கமந்தோபி ஸதோ ஸம்பஜானோ ஹோதீ’’தி வுத்தனயங் வத³தி. ஞாணதா⁴துகந்தி ந ரோசயிங்ஸூதி நித்³தோ³க்கமனேபி ஜாக³ரணே பவத்தஞாணஸபா⁴வமேவாதி ந ரோசயிங்ஸு போராணா. நிரந்தரங் ப⁴வங்க³சித்தேஸு வத்தமானேஸு ஸதிஸம்பஜஞ்ஞாஸம்ப⁴வோதி அதி⁴ப்பாயோ. புரிமஸ்மிஞ்ஹி நயே ஸதிஸம்பஜஞ்ஞஸ்ஸ அஸங்வரோ, ந ப⁴வங்க³ஸ்ஸ. இந்த்³ரியஸங்வரோ, போ⁴ஜனே மத்தஞ்ஞுதா, ஜாக³ரியானுயோகோ³தி இமேஹி திவங்கி³கா, நிமித்தானுப்³யஞ்ஜனபரிவஜ்ஜனாதி³ ஸப்³ப³ங் விபஸ்ஸனாபக்கி²கமேவாதி அதி⁴ப்பாயோ.
Kathaṃniddāyanto sato sampajāno hoti? Bhavaṅgacittena hi niddūpagamananti adhippāyo. Appahānenāti tadadhimuttatāya tadappahānaṃ daṭṭhabbaṃ. Tathā tesu niddokkamanassa ādipariyosānesu ajahitasatisampajaññaṃ hoti. Tenāha – ‘‘niddaṃ okkamantopi sato sampajāno hotī’’ti. Etaṃ panāti ‘‘niddaṃ okkamantopi sato sampajāno hotī’’ti vuttanayaṃ vadati. Ñāṇadhātukanti na rocayiṃsūti niddokkamanepi jāgaraṇe pavattañāṇasabhāvamevāti na rocayiṃsu porāṇā. Nirantaraṃ bhavaṅgacittesu vattamānesu satisampajaññāsambhavoti adhippāyo. Purimasmiñhi naye satisampajaññassa asaṃvaro, na bhavaṅgassa. Indriyasaṃvaro, bhojane mattaññutā, jāgariyānuyogoti imehi tivaṅgikā, nimittānubyañjanaparivajjanādi sabbaṃ vipassanāpakkhikamevāti adhippāyo.
தானேவாதி விபஸ்ஸனாக்க²ணே பவத்தானி இந்த்³ரியாதீ³னி. யாவ அரஹத்தா தே³ஸனா வித்தா²ரதோ கதே²தப்³பா³. பாளியங் பன ‘‘யோனி சஸ்ஸ ஆரத்³தா⁴ ஹோதி ஆஸவானங் க²யாயா’’தி ஸங்கே²பேன கதி²தா.
Tānevāti vipassanākkhaṇe pavattāni indriyādīni. Yāva arahattā desanā vitthārato kathetabbā. Pāḷiyaṃ pana ‘‘yoni cassa āraddhā hoti āsavānaṃ khayāyā’’ti saṅkhepena kathitā.
ரதோ²பமஸுத்தவண்ணனா நிட்டி²தா.
Rathopamasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. ரதோ²பமஸுத்தங் • 2. Rathopamasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. ரதோ²பமஸுத்தவண்ணனா • 2. Rathopamasuttavaṇṇanā
