| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
10. ரத்திதி³வஸஸுத்தங்
10. Rattidivasasuttaṃ
84. ‘‘ச²ஹி, பி⁴க்க²வே, த⁴ம்மேஹி ஸமன்னாக³தஸ்ஸ பி⁴க்கு²னோ யா ரத்தி வா தி³வஸோ வா ஆக³ச்ச²தி ஹானியேவ பாடிகங்கா² குஸலேஸு த⁴ம்மேஸு, நோ வுத்³தி⁴. கதமேஹி ச²ஹி? இத⁴, பி⁴க்க²வே, பி⁴க்கு² மஹிச்சோ² ஹோதி, விகா⁴தவா, அஸந்துட்டோ², இதரீதரசீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன, அஸ்ஸத்³தோ⁴ ஹோதி, து³ஸ்ஸீலோ ஹோதி, குஸீதோ ஹோதி, முட்ட²ஸ்ஸதி ஹோதி, து³ப்பஞ்ஞோ ஹோதி. இமேஹி கோ², பி⁴க்க²வே, ச²ஹி த⁴ம்மேஹி ஸமன்னாக³தஸ்ஸ பி⁴க்கு²னோ யா ரத்தி வா தி³வஸோ வா ஆக³ச்ச²தி ஹானியேவ பாடிகங்கா² குஸலேஸு த⁴ம்மேஸு, நோ வுத்³தி⁴.
84. ‘‘Chahi, bhikkhave, dhammehi samannāgatassa bhikkhuno yā ratti vā divaso vā āgacchati hāniyeva pāṭikaṅkhā kusalesu dhammesu, no vuddhi. Katamehi chahi? Idha, bhikkhave, bhikkhu mahiccho hoti, vighātavā, asantuṭṭho, itarītaracīvarapiṇḍapātasenāsanagilānappaccayabhesajjaparikkhārena, assaddho hoti, dussīlo hoti, kusīto hoti, muṭṭhassati hoti, duppañño hoti. Imehi kho, bhikkhave, chahi dhammehi samannāgatassa bhikkhuno yā ratti vā divaso vā āgacchati hāniyeva pāṭikaṅkhā kusalesu dhammesu, no vuddhi.
‘‘ச²ஹி, பி⁴க்க²வே, த⁴ம்மேஹி ஸமன்னாக³தஸ்ஸ பி⁴க்கு²னோ யா ரத்தி வா தி³வஸோ வா ஆக³ச்ச²தி வுத்³தி⁴யேவ பாடிகங்கா² குஸலேஸு த⁴ம்மேஸு, நோ பரிஹானி. கதமேஹி ச²ஹி? இத⁴, பி⁴க்க²வே, பி⁴க்கு² ந மஹிச்சோ² ஹோதி, அவிகா⁴தவா, ஸந்துட்டோ², இதரீதரசீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன, ஸத்³தோ⁴ ஹோதி, ஸீலவா ஹோதி, ஆரத்³த⁴வீரியோ ஹோதி, ஸதிமா ஹோதி, பஞ்ஞவா ஹோதி. இமேஹி கோ², பி⁴க்க²வே, ச²ஹி த⁴ம்மேஹி ஸமன்னாக³தஸ்ஸ பி⁴க்கு²னோ யா ரத்தி வா தி³வஸோ வா ஆக³ச்ச²தி வுத்³தி⁴யேவ பாடிகங்கா² , குஸலேஸு த⁴ம்மேஸு நோ பரிஹானீ’’தி. த³ஸமங்.
‘‘Chahi, bhikkhave, dhammehi samannāgatassa bhikkhuno yā ratti vā divaso vā āgacchati vuddhiyeva pāṭikaṅkhā kusalesu dhammesu, no parihāni. Katamehi chahi? Idha, bhikkhave, bhikkhu na mahiccho hoti, avighātavā, santuṭṭho, itarītaracīvarapiṇḍapātasenāsanagilānappaccayabhesajjaparikkhārena, saddho hoti, sīlavā hoti, āraddhavīriyo hoti, satimā hoti, paññavā hoti. Imehi kho, bhikkhave, chahi dhammehi samannāgatassa bhikkhuno yā ratti vā divaso vā āgacchati vuddhiyeva pāṭikaṅkhā , kusalesu dhammesu no parihānī’’ti. Dasamaṃ.
தஸ்ஸுத்³தா³னங் –
Tassuddānaṃ –
து³க்க²ங் அரஹத்தங் உத்தரி ச, ஸுக²ங் அதி⁴க³மேன ச;
Dukkhaṃ arahattaṃ uttari ca, sukhaṃ adhigamena ca;
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8-10. து³தியனிரயஸுத்தாதி³வண்ணனா • 8-10. Dutiyanirayasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8-10. து³தியனிரயஸுத்தாதி³வண்ணனா • 8-10. Dutiyanirayasuttādivaṇṇanā
