| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૮. અટ્ઠમવગ્ગો
8. Aṭṭhamavaggo
(૭૯) ૭. રૂપધાતુયાઆયતનકથા
(79) 7. Rūpadhātuyāāyatanakathā
૫૧૯. અત્થિ સળાયતનિકો અત્તભાવો રૂપધાતુયાતિ? આમન્તા. અત્થિ તત્થ ઘાનાયતનન્તિ? આમન્તા. અત્થિ તત્થ ગન્ધાયતનન્તિ? ન હેવં વત્તબ્બે…પે॰… અત્થિ તત્થ જિવ્હાયતનન્તિ? આમન્તા . અત્થિ તત્થ રસાયતનન્તિ? ન હેવં વત્તબ્બે…પે॰… અત્થિ તત્થ કાયાયતનન્તિ? આમન્તા. અત્થિ તત્થ ફોટ્ઠબ્બાયતનન્તિ? ન હેવં વત્તબ્બે…પે॰….
519. Atthi saḷāyataniko attabhāvo rūpadhātuyāti? Āmantā. Atthi tattha ghānāyatananti? Āmantā. Atthi tattha gandhāyatananti? Na hevaṃ vattabbe…pe… atthi tattha jivhāyatananti? Āmantā . Atthi tattha rasāyatananti? Na hevaṃ vattabbe…pe… atthi tattha kāyāyatananti? Āmantā. Atthi tattha phoṭṭhabbāyatananti? Na hevaṃ vattabbe…pe….
નત્થિ તત્થ ગન્ધાયતનન્તિ? આમન્તા. નત્થિ તત્થ ઘાનાયતનન્તિ? ન હેવં વત્તબ્બે…પે॰… નત્થિ તત્થ રસાયતનન્તિ? આમન્તા. નત્થિ તત્થ જિવ્હાયતનન્તિ? ન હેવં વત્તબ્બે…પે॰… નત્થિ તત્થ ફોટ્ઠબ્બાયતનન્તિ? આમન્તા . નત્થિ તત્થ કાયાયતનન્તિ? ન હેવં વત્તબ્બે…પે॰….
Natthi tattha gandhāyatananti? Āmantā. Natthi tattha ghānāyatananti? Na hevaṃ vattabbe…pe… natthi tattha rasāyatananti? Āmantā. Natthi tattha jivhāyatananti? Na hevaṃ vattabbe…pe… natthi tattha phoṭṭhabbāyatananti? Āmantā . Natthi tattha kāyāyatananti? Na hevaṃ vattabbe…pe….
૫૨૦. અત્થિ તત્થ ચક્ખાયતનં, અત્થિ રૂપાયતનન્તિ? આમન્તા. અત્થિ તત્થ ઘાનાયતનં, અત્થિ ગન્ધાયતનન્તિ? ન હેવં વત્તબ્બે…પે॰… અત્થિ તત્થ ચક્ખાયતનં, અત્થિ રૂપાયતનન્તિ? આમન્તા. અત્થિ તત્થ જિવ્હાયતનં, અત્થિ રસાયતનં…પે॰… અત્થિ તત્થ કાયાયતનં, અત્થિ ફોટ્ઠબ્બાયતનન્તિ? ન હેવં વત્તબ્બે…પે॰… અત્થિ તત્થ સોતાયતનં, અત્થિ સદ્દાયતનં…પે॰… અત્થિ તત્થ મનાયતનં, અત્થિ ધમ્માયતનન્તિ? આમન્તા. અત્થિ તત્થ ઘાનાયતનં, અત્થિ ગન્ધાયતનન્તિ? ન હેવં વત્તબ્બે…પે॰… અત્થિ તત્થ મનાયતનં, અત્થિ ધમ્માયતનન્તિ? આમન્તા. અત્થિ તત્થ જિવ્હાયતનં, અત્થિ રસાયતનન્તિ…પે॰… અત્થિ તત્થ કાયાયતનં, અત્થિ ફોટ્ઠબ્બાયતનન્તિ? ન હેવં વત્તબ્બે…પે॰….
520. Atthi tattha cakkhāyatanaṃ, atthi rūpāyatananti? Āmantā. Atthi tattha ghānāyatanaṃ, atthi gandhāyatananti? Na hevaṃ vattabbe…pe… atthi tattha cakkhāyatanaṃ, atthi rūpāyatananti? Āmantā. Atthi tattha jivhāyatanaṃ, atthi rasāyatanaṃ…pe… atthi tattha kāyāyatanaṃ, atthi phoṭṭhabbāyatananti? Na hevaṃ vattabbe…pe… atthi tattha sotāyatanaṃ, atthi saddāyatanaṃ…pe… atthi tattha manāyatanaṃ, atthi dhammāyatananti? Āmantā. Atthi tattha ghānāyatanaṃ, atthi gandhāyatananti? Na hevaṃ vattabbe…pe… atthi tattha manāyatanaṃ, atthi dhammāyatananti? Āmantā. Atthi tattha jivhāyatanaṃ, atthi rasāyatananti…pe… atthi tattha kāyāyatanaṃ, atthi phoṭṭhabbāyatananti? Na hevaṃ vattabbe…pe….
અત્થિ તત્થ ઘાનાયતનં, નત્થિ ગન્ધાયતનન્તિ? આમન્તા . અત્થિ તત્થ ચક્ખાયતનં, નત્થિ રૂપાયતનન્તિ? ન હેવં વત્તબ્બે…પે॰… અત્થિ તત્થ ઘાનાયતનં, નત્થિ ગન્ધાયતનન્તિ? આમન્તા. અત્થિ તત્થ સોતાયતનં, નત્થિ સદ્દાયતનં…પે॰… અત્થિ તત્થ મનાયતનં, નત્થિ ધમ્માયતનન્તિ? ન હેવં વત્તબ્બે…પે॰… અત્થિ તત્થ જિવ્હાયતનં, નત્થિ રસાયતનં…પે॰… અત્થિ તત્થ કાયાયતનં, નત્થિ ફોટ્ઠબ્બાયતનન્તિ? આમન્તા. અત્થિ તત્થ ચક્ખાયતનં, નત્થિ રૂપાયતનન્તિ? ન હેવં વત્તબ્બે…પે॰… અત્થિ તત્થ કાયાયતનં, નત્થિ ફોટ્ઠબ્બાયતનન્તિ? આમન્તા. અત્થિ તત્થ સોતાયતનં, નત્થિ સદ્દાયતનં …પે॰… અત્થિ તત્થ મનાયતનં, નત્થિ ધમ્માયતનન્તિ? ન હેવં વત્તબ્બે…પે॰….
Atthi tattha ghānāyatanaṃ, natthi gandhāyatananti? Āmantā . Atthi tattha cakkhāyatanaṃ, natthi rūpāyatananti? Na hevaṃ vattabbe…pe… atthi tattha ghānāyatanaṃ, natthi gandhāyatananti? Āmantā. Atthi tattha sotāyatanaṃ, natthi saddāyatanaṃ…pe… atthi tattha manāyatanaṃ, natthi dhammāyatananti? Na hevaṃ vattabbe…pe… atthi tattha jivhāyatanaṃ, natthi rasāyatanaṃ…pe… atthi tattha kāyāyatanaṃ, natthi phoṭṭhabbāyatananti? Āmantā. Atthi tattha cakkhāyatanaṃ, natthi rūpāyatananti? Na hevaṃ vattabbe…pe… atthi tattha kāyāyatanaṃ, natthi phoṭṭhabbāyatananti? Āmantā. Atthi tattha sotāyatanaṃ, natthi saddāyatanaṃ …pe… atthi tattha manāyatanaṃ, natthi dhammāyatananti? Na hevaṃ vattabbe…pe….
૫૨૧. અત્થિ તત્થ ચક્ખાયતનં અત્થિ રૂપાયતનં, તેન ચક્ખુના તં રૂપં પસ્સતીતિ? આમન્તા. અત્થિ તત્થ ઘાનાયતનં અત્થિ ગન્ધાયતનં, તેન ઘાનેન તં ગન્ધં ઘાયતીતિ? ન હેવં વત્તબ્બે…પે॰… અત્થિ તત્થ ચક્ખાયતનં અત્થિ રૂપાયતનં, તેન ચક્ખુના તં રૂપં પસ્સતીતિ? આમન્તા. અત્થિ તત્થ જિવ્હાયતનં અત્થિ રસાયતનં, તાય જિવ્હાય તં રસં સાયતિ…પે॰… અત્થિ તત્થ કાયાયતનં અત્થિ ફોટ્ઠબ્બાયતનં, તેન કાયેન તં ફોટ્ઠબ્બં ફુસતીતિ? ન હેવં વત્તબ્બે…પે॰….
521. Atthi tattha cakkhāyatanaṃ atthi rūpāyatanaṃ, tena cakkhunā taṃ rūpaṃ passatīti? Āmantā. Atthi tattha ghānāyatanaṃ atthi gandhāyatanaṃ, tena ghānena taṃ gandhaṃ ghāyatīti? Na hevaṃ vattabbe…pe… atthi tattha cakkhāyatanaṃ atthi rūpāyatanaṃ, tena cakkhunā taṃ rūpaṃ passatīti? Āmantā. Atthi tattha jivhāyatanaṃ atthi rasāyatanaṃ, tāya jivhāya taṃ rasaṃ sāyati…pe… atthi tattha kāyāyatanaṃ atthi phoṭṭhabbāyatanaṃ, tena kāyena taṃ phoṭṭhabbaṃ phusatīti? Na hevaṃ vattabbe…pe….
અત્થિ તત્થ સોતાયતનં અત્થિ સદ્દાયતનં…પે॰… અત્થિ તત્થ મનાયતનં અત્થિ ધમ્માયતનં, તેન મનેન તં ધમ્મં વિજાનાતીતિ? આમન્તા. અત્થિ તત્થ ઘાનાયતનં અત્થિ ગન્ધાયતનં, તેન ઘાનેન તં ગન્ધં ઘાયતીતિ? ન હેવં વત્તબ્બે…પે॰… અત્થિ તત્થ મનાયતનં અત્થિ ધમ્માયતનં, તેન મનેન તં ધમ્મં વિજાનાતીતિ? આમન્તા. અત્થિ તત્થ જિવ્હાયતનં અત્થિ રસાયતનં…પે॰… અત્થિ તત્થ કાયાયતનં અત્થિ ફોટ્ઠબ્બાયતનં, તેન કાયેન તં ફોટ્ઠબ્બં ફુસતીતિ? ન હેવં વત્તબ્બે…પે॰….
Atthi tattha sotāyatanaṃ atthi saddāyatanaṃ…pe… atthi tattha manāyatanaṃ atthi dhammāyatanaṃ, tena manena taṃ dhammaṃ vijānātīti? Āmantā. Atthi tattha ghānāyatanaṃ atthi gandhāyatanaṃ, tena ghānena taṃ gandhaṃ ghāyatīti? Na hevaṃ vattabbe…pe… atthi tattha manāyatanaṃ atthi dhammāyatanaṃ, tena manena taṃ dhammaṃ vijānātīti? Āmantā. Atthi tattha jivhāyatanaṃ atthi rasāyatanaṃ…pe… atthi tattha kāyāyatanaṃ atthi phoṭṭhabbāyatanaṃ, tena kāyena taṃ phoṭṭhabbaṃ phusatīti? Na hevaṃ vattabbe…pe….
અત્થિ તત્થ ઘાનાયતનં અત્થિ ગન્ધાયતનં, ન ચ તેન ઘાનેન તં ગન્ધં ઘાયતીતિ? આમન્તા. અત્થિ તત્થ ચક્ખાયતનં અત્થિ રૂપાયતનં, ન ચ તેન ચક્ખુના તં રૂપં પસ્સતીતિ? ન હેવં વત્તબ્બે…પે॰… અત્થિ તત્થ ઘાનાયતનં અત્થિ ગન્ધાયતનં, ન ચ તેન ઘાનેન તં ગન્ધં ઘાયતીતિ? આમન્તા. અત્થિ તત્થ સોતાયતનં અત્થિ સદ્દાયતનં…પે॰… અત્થિ તત્થ મનાયતનં અત્થિ ધમ્માયતનં, ન ચ તેન મનેન તં ધમ્મં વિજાનાતીતિ? ન હેવં વત્તબ્બે…પે॰….
Atthi tattha ghānāyatanaṃ atthi gandhāyatanaṃ, na ca tena ghānena taṃ gandhaṃ ghāyatīti? Āmantā. Atthi tattha cakkhāyatanaṃ atthi rūpāyatanaṃ, na ca tena cakkhunā taṃ rūpaṃ passatīti? Na hevaṃ vattabbe…pe… atthi tattha ghānāyatanaṃ atthi gandhāyatanaṃ, na ca tena ghānena taṃ gandhaṃ ghāyatīti? Āmantā. Atthi tattha sotāyatanaṃ atthi saddāyatanaṃ…pe… atthi tattha manāyatanaṃ atthi dhammāyatanaṃ, na ca tena manena taṃ dhammaṃ vijānātīti? Na hevaṃ vattabbe…pe….
અત્થિ તત્થ જિવ્હાયતનં અત્થિ રસાયતનં…પે॰… અત્થિ તત્થ કાયાયતનં અત્થિ ફોટ્ઠબ્બાયતનં, ન ચ તેન કાયેન તં ફોટ્ઠબ્બં ફુસતીતિ? આમન્તા. અત્થિ તત્થ સોતાયતનં અત્થિ સદ્દાયતનં…પે॰… અત્થિ તત્થ મનાયતનં અત્થિ ધમ્માયતનં, ન ચ તેન મનેન તં ધમ્મં વિજાનાતીતિ? ન હેવં વત્તબ્બે…પે॰….
Atthi tattha jivhāyatanaṃ atthi rasāyatanaṃ…pe… atthi tattha kāyāyatanaṃ atthi phoṭṭhabbāyatanaṃ, na ca tena kāyena taṃ phoṭṭhabbaṃ phusatīti? Āmantā. Atthi tattha sotāyatanaṃ atthi saddāyatanaṃ…pe… atthi tattha manāyatanaṃ atthi dhammāyatanaṃ, na ca tena manena taṃ dhammaṃ vijānātīti? Na hevaṃ vattabbe…pe….
૫૨૨. અત્થિ તત્થ ઘાનાયતનં અત્થિ ગન્ધાયતનં, તેન ઘાનેન તં ગન્ધં ઘાયતીતિ? આમન્તા. અત્થિ તત્થ મૂલગન્ધો સારગન્ધો તચગન્ધો પત્તગન્ધો પુપ્ફગન્ધો ફલગન્ધો આમગન્ધો વિસ્સગન્ધો સુગન્ધો દુગ્ગન્ધોતિ? ન હેવં વત્તબ્બે…પે॰….
522. Atthi tattha ghānāyatanaṃ atthi gandhāyatanaṃ, tena ghānena taṃ gandhaṃ ghāyatīti? Āmantā. Atthi tattha mūlagandho sāragandho tacagandho pattagandho pupphagandho phalagandho āmagandho vissagandho sugandho duggandhoti? Na hevaṃ vattabbe…pe….
અત્થિ તત્થ જિવ્હાયતનં અત્થિ રસાયતનં, તાય જિવ્હાય તં રસં સાયતીતિ? આમન્તા. અત્થિ તત્થ મૂલરસો ખન્ધરસો તચરસો પત્તરસો પુપ્ફરસો ફલરસો અમ્બિલં મધુરં તિત્તકં કટુકં લોણિયં ખારિયં લમ્બિલં કસાવો સાદુ અસાદૂતિ? ન હેવં વત્તબ્બે…પે॰….
Atthi tattha jivhāyatanaṃ atthi rasāyatanaṃ, tāya jivhāya taṃ rasaṃ sāyatīti? Āmantā. Atthi tattha mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇiyaṃ khāriyaṃ lambilaṃ kasāvo sādu asādūti? Na hevaṃ vattabbe…pe….
અત્થિ તત્થ કાયાયતનં અત્થિ ફોટ્ઠબ્બાયતનં, તેન કાયેન તં ફોટ્ઠબ્બં ફુસતીતિ? આમન્તા. અત્થિ તત્થ કક્ખળં મુદુકં સણ્હં ફરુસં સુખસમ્ફસ્સં દુક્ખસમ્ફસ્સં ગરુકં લહુકન્તિ? ન હેવં વત્તબ્બે…પે॰….
Atthi tattha kāyāyatanaṃ atthi phoṭṭhabbāyatanaṃ, tena kāyena taṃ phoṭṭhabbaṃ phusatīti? Āmantā. Atthi tattha kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukanti? Na hevaṃ vattabbe…pe….
૫૨૩. ન વત્તબ્બં – ‘‘સળાયતનિકો અત્તભાવો રૂપધાતુયા’’તિ? આમન્તા. નનુ અત્થિ તત્થ ઘાનનિમિત્તં જિવ્હાનિમિત્તં કાયનિમિત્તન્તિ? આમન્તા. હઞ્ચિ અત્થિ તત્થ ઘાનનિમિત્તં જિવ્હાનિમિત્તં કાયનિમિત્તં, તેન વત રે વત્તબ્બે – ‘‘સળાયતનિકો અત્તભાવો રૂપધાતુયા’’તિ.
523. Na vattabbaṃ – ‘‘saḷāyataniko attabhāvo rūpadhātuyā’’ti? Āmantā. Nanu atthi tattha ghānanimittaṃ jivhānimittaṃ kāyanimittanti? Āmantā. Hañci atthi tattha ghānanimittaṃ jivhānimittaṃ kāyanimittaṃ, tena vata re vattabbe – ‘‘saḷāyataniko attabhāvo rūpadhātuyā’’ti.
રૂપધાતુયા આયતનકથા નિટ્ઠિતા.
Rūpadhātuyā āyatanakathā niṭṭhitā.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૭. રૂપધાતુયા આયતનકથાવણ્ણના • 7. Rūpadhātuyā āyatanakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૭. રૂપધાતુયાઆયતનકથાવણ્ણના • 7. Rūpadhātuyāāyatanakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૭. રૂપધાતુયાઆયતનકથાવણ્ણના • 7. Rūpadhātuyāāyatanakathāvaṇṇanā
