| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૭. રૂપં કુસલાકુસલન્તિકથાવણ્ણના
7. Rūpaṃ kusalākusalantikathāvaṇṇanā
૭૬૦-૭૬૪. ઇદાનિ રૂપં કુસલાકુસલન્તિકથા નામ હોતિ. તત્થ ‘‘કાયકમ્મં વચીકમ્મં કુસલમ્પિ અકુસલમ્પી’’તિવચનં નિસ્સાય કાયવચીકમ્મસઙ્ખાતં કાયવિઞ્ઞત્તિવચીવિઞ્ઞત્તિરૂપં કુસલમ્પિ અકુસલમ્પીતિ યેસં લદ્ધિ, સેય્યથાપિ મહિસાસકાનઞ્ચેવ સમ્મિતિયાનઞ્ચ; તે સન્ધાય રૂપં કુસલન્તિ પુચ્છા સકવાદિસ્સ પટિઞ્ઞા ઇતરસ્સ. અથ નં ‘‘યદિ તે રૂપં કુસલં, એવંવિધેન અનેન ભવિતબ્બ’’ન્તિ ચોદેતું સારમ્મણન્તિ આદિમાહ. પરતો અકુસલપઞ્હેપિ એસેવ નયો. સેસમેત્થ ઉત્તાનત્થમેવાતિ.
760-764. Idāni rūpaṃ kusalākusalantikathā nāma hoti. Tattha ‘‘kāyakammaṃ vacīkammaṃ kusalampi akusalampī’’tivacanaṃ nissāya kāyavacīkammasaṅkhātaṃ kāyaviññattivacīviññattirūpaṃ kusalampi akusalampīti yesaṃ laddhi, seyyathāpi mahisāsakānañceva sammitiyānañca; te sandhāya rūpaṃ kusalanti pucchā sakavādissa paṭiññā itarassa. Atha naṃ ‘‘yadi te rūpaṃ kusalaṃ, evaṃvidhena anena bhavitabba’’nti codetuṃ sārammaṇanti ādimāha. Parato akusalapañhepi eseva nayo. Sesamettha uttānatthamevāti.
રૂપં કુસલાકુસલન્તિકથાવણ્ણના.
Rūpaṃ kusalākusalantikathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૬૨) ૭. રૂપં કુસલાકુસલન્તિકથા • (162) 7. Rūpaṃ kusalākusalantikathā
