| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૨. રૂપંમગ્ગોતિકથાવણ્ણના
2. Rūpaṃmaggotikathāvaṇṇanā
૫૭૩-૫૭૫. ઇદાનિ રૂપં મગ્ગોતિકથા નામ હોતિ. તત્થ યેસં ‘‘સમ્માવાચાકમ્મન્તાજીવા રૂપ’’ન્તિ લદ્ધિ, સેય્યથાપિ મહિસાસકસમ્મિતિયમહાસંઘિકાનં; તે સન્ધાય મગ્ગસમઙ્ગિસ્સાતિ પુચ્છા સકવાદિસ્સ, પટિઞ્ઞા ઇતરસ્સ. અથ નં ‘‘યદિ તે સમ્માવાચાદયો રૂપં, ન વિરતિયો, યથા સમ્માદિટ્ઠાદિમગ્ગો સારમ્મણાદિસભાવો, એવં તમ્પિ રૂપં સિયા’’તિ ચોદેતું સારમ્મણોતિઆદિમાહ. તત્થ પટિક્ખેપો ચ પટિઞ્ઞા ચ પરવાદિનો લદ્ધિઅનુરૂપેન વેદિતબ્બા. સેસમેત્થ ઉત્તાનત્થમેવાતિ.
573-575. Idāni rūpaṃ maggotikathā nāma hoti. Tattha yesaṃ ‘‘sammāvācākammantājīvā rūpa’’nti laddhi, seyyathāpi mahisāsakasammitiyamahāsaṃghikānaṃ; te sandhāya maggasamaṅgissāti pucchā sakavādissa, paṭiññā itarassa. Atha naṃ ‘‘yadi te sammāvācādayo rūpaṃ, na viratiyo, yathā sammādiṭṭhādimaggo sārammaṇādisabhāvo, evaṃ tampi rūpaṃ siyā’’ti codetuṃ sārammaṇotiādimāha. Tattha paṭikkhepo ca paṭiññā ca paravādino laddhianurūpena veditabbā. Sesamettha uttānatthamevāti.
રૂપં મગ્ગોતિકથાવણ્ણના.
Rūpaṃ maggotikathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૯૬) ૨. રૂપં મગ્ગોતિકથા • (96) 2. Rūpaṃ maggotikathā
