| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. ஸப்³ப³வக்³கோ³
3. Sabbavaggo
1. ஸப்³ப³ஸுத்தவண்ணனா
1. Sabbasuttavaṇṇanā
23. ஸப்³ப³-ஸத்³தோ³ பகரணவஸேன கத்த²சி ஸப்பதே³ஸேபி பவத்ததீதி ததோ நிவத்தனத்த²ங் அனவஸேஸவிஸயேன ஸப்³ப³-ஸத்³தே³ன விஸேஸெத்வா வுத்தங் ‘‘ஸப்³ப³ஸப்³ப³’’ந்தி, ஸப்³ப³மேவ ஹுத்வா ஸப்³ப³ந்தி அத்தோ². ஆயதனபா⁴வங் ஸப்³ப³ங் ஆயதனஸப்³ப³ங், ஸேஸத்³வயேபி ஏஸேவ நயோ.
23. Sabba-saddo pakaraṇavasena katthaci sappadesepi pavattatīti tato nivattanatthaṃ anavasesavisayena sabba-saddena visesetvā vuttaṃ ‘‘sabbasabba’’nti, sabbameva hutvā sabbanti attho. Āyatanabhāvaṃ sabbaṃ āyatanasabbaṃ, sesadvayepi eseva nayo.
தஸ்ஸ அவிஸயாபா⁴வதோ ந அத்³தி³ட்ட²மித⁴த்தி² கிஞ்சீதி. இதா⁴தி நிபாதமத்தங், இத⁴ வா ஸதே³வகே லோகே, த³ஸ்ஸனபூ⁴தேன ஞாணேன அதி³ட்ட²ங் நாம கிஞ்சி நத்தீ²தி அத்தோ². யதி³ ஏவங் அனுமானவிஸயங் நு கோ² கத²ந்தி ஆஹ ‘‘அதோ² அவிஞ்ஞாத’’ந்தி. அஞ்ஞேஸங் அபச்சக்க²ம்பி அவிஞ்ஞாதங் தஸ்ஸ கிஞ்சி நத்தீ²தி அதி³ட்ட²ங் அவிஞ்ஞாதங் நத்தி². பச்சுப்பன்னங் அதீதமேவ ஞெய்யங் க³ஹிதங், அனாக³தங் நு கோ² கத²ந்தி ஆஹ – ‘‘அஜானிதப்³ப³’’ந்தி, தஸ்ஸ கிஞ்சி நத்தீ²தி ஆனெத்வா ஸம்ப³ந்தோ⁴. ஜானிதுங் ஞாதுங் அஸக்குணெய்யங் நாம தஸ்ஸ கிஞ்சி நத்தீ²தி த³ஸ்ஸெந்தோ ஆஹ ‘‘ஸப்³ப³ங் அபி⁴ஞ்ஞாஸீ’’திஆதி³.
Tassa avisayābhāvato na addiṭṭhamidhatthi kiñcīti. Idhāti nipātamattaṃ, idha vā sadevake loke, dassanabhūtena ñāṇena adiṭṭhaṃ nāma kiñci natthīti attho. Yadi evaṃ anumānavisayaṃ nu kho kathanti āha ‘‘atho aviññāta’’nti. Aññesaṃ apaccakkhampi aviññātaṃ tassa kiñci natthīti adiṭṭhaṃ aviññātaṃ natthi. Paccuppannaṃ atītameva ñeyyaṃ gahitaṃ, anāgataṃ nu kho kathanti āha – ‘‘ajānitabba’’nti, tassa kiñci natthīti ānetvā sambandho. Jānituṃ ñātuṃ asakkuṇeyyaṃ nāma tassa kiñci natthīti dassento āha ‘‘sabbaṃ abhiññāsī’’tiādi.
ஸகலஸ்ஸ ஸக்காயத⁴ம்மஸ்ஸ பரிக்³க³ஹிதத்தா ஸக்காயஸப்³ப³ங். ஸப்³ப³த⁴ம்மேஸூதி பஞ்சன்னங் த்³வாரானங் ஆரம்மணபூ⁴தேஸு ஸப்³பே³ஸு த⁴ம்மேஸு. யஸ்மா ச²ஸுபி ஆரம்மணேஸு க³ஹிதேஸு பதே³ஸஸப்³ப³ங் நாம ந ஹோதி, தஸ்மா ‘‘பஞ்சாரம்மணமத்த’’ந்தி வுத்தங். பதே³ஸஸப்³ப³ங் ஸக்காயஸப்³ப³ங் ந பாபுணாதி தஸ்ஸ தேபூ⁴மகத⁴ம்மேஸு ஏகதே³ஸஸ்ஸ அஸங்க³ண்ஹனதோ. ஸக்காயஸப்³ப³ங் ஆயதனஸப்³ப³ங் ந பாபுணாதி லோகுத்தரத⁴ம்மானங் அஸங்க³ண்ஹனதோ. ஆயதனஸப்³ப³ங் ஸப்³ப³ஸப்³ப³ங் ந பாபுணாதி. யஸ்மா ஆயதனஸப்³பே³ன சதுபூ⁴மகத⁴ம்மாவ பரிக்³க³ஹிதா, ந லக்க²ணபஞ்ஞத்தியோ, யஸ்மா ஸப்³ப³ஸப்³ப³ங் த³ஸ்ஸெந்தேன பு³த்³த⁴ஞாணவிஸயோ த³ஸ்ஸிதோ, தஸ்மா ‘‘ஸப்³ப³ஸப்³ப³ங் ந பாபுணாதீ’’தி எத்தா²பி ‘‘கஸ்மா…பே॰… நத்தி²தாயா’’தி ஸப்³ப³ங் ஞாதாரம்மணேனேவ புச்சா²விஸ்ஸஜ்ஜனங் கதங். ‘‘ஆயதனஸப்³பே³பி இத⁴ விபஸ்ஸனுபக³த⁴ம்மாவ க³ஹேதப்³பா³ அபி⁴ஞ்ஞெய்யனித்³தே³ஸவஸேனபி ஸம்மஸனசாரஸ்ஸேவ இச்சி²தத்தா’’தி வத³ந்தி.
Sakalassa sakkāyadhammassa pariggahitattā sakkāyasabbaṃ. Sabbadhammesūti pañcannaṃ dvārānaṃ ārammaṇabhūtesu sabbesu dhammesu. Yasmā chasupi ārammaṇesu gahitesu padesasabbaṃ nāma na hoti, tasmā ‘‘pañcārammaṇamatta’’nti vuttaṃ. Padesasabbaṃ sakkāyasabbaṃ na pāpuṇāti tassa tebhūmakadhammesu ekadesassa asaṅgaṇhanato. Sakkāyasabbaṃ āyatanasabbaṃ na pāpuṇāti lokuttaradhammānaṃ asaṅgaṇhanato. Āyatanasabbaṃ sabbasabbaṃ na pāpuṇāti. Yasmā āyatanasabbena catubhūmakadhammāva pariggahitā, na lakkhaṇapaññattiyo, yasmā sabbasabbaṃ dassentena buddhañāṇavisayo dassito, tasmā ‘‘sabbasabbaṃ na pāpuṇātī’’ti etthāpi ‘‘kasmā…pe… natthitāyā’’ti sabbaṃ ñātārammaṇeneva pucchāvissajjanaṃ kataṃ. ‘‘Āyatanasabbepi idha vipassanupagadhammāva gahetabbā abhiññeyyaniddesavasenapi sammasanacārasseva icchitattā’’ti vadanti.
படிக்கி²பித்வாதி ‘‘இத³ங் ஸப்³ப³ங் நாம ந ஹோதீ’’தி ஏவங் படிக்கி²பித்வா. தஸ்ஸாதி ‘‘அஞ்ஞங் ஸப்³ப³ங் பஞ்ஞாபெஸ்ஸாமீ’’தி வத³ந்தஸ்ஸ. வாசாய வத்தப்³ப³வத்து²மத்தகமேவாதி வஞ்ஜா²புத்தக³க³னகுஸுமாதி³வாசா விய ஏதஸ்ஸ வாசாய கேவலங் வத்தப்³ப³வத்து²கமேவ ப⁴வெய்ய, ந அத்தோ², வசனமத்தகமேவாதி அத்தோ² . அதிக்கமித்வாதி அனாமஸித்வா அக்³க³ஹெத்வா. தங் கிஸ்ஸ ஹேதூதி விகா⁴தாபஜ்ஜனங் கேன ஹேதுனா. யதா² தங் அவிஸயஸ்மிந்தி யதா² அஞ்ஞோபி கோசி அவிஸயே வாயமந்தோ, ஏவந்தி அத்தோ². அட்ட²கதா²யங் பன யஸ்மா பாளியங் ‘‘தங் கிஸ்ஸ ஹேதூ’’தி வுத்தகாரணமேவ உபனயனவஸேன த³ஸ்ஸேதுங் ‘‘யதா² த’’ந்திஆதி³ வுத்தங். காரணோபனயனஞ்ச காரணமேவாதி ‘‘யதா²தி காரணவசன’’ந்தி வுத்தந்தி த³ட்ட²ப்³ப³ங். தேனேவாஹ ‘‘ஏவங் இமஸ்மிம்பி அவிஸயே’’திஆதி³.
Paṭikkhipitvāti ‘‘idaṃ sabbaṃ nāma na hotī’’ti evaṃ paṭikkhipitvā. Tassāti ‘‘aññaṃ sabbaṃ paññāpessāmī’’ti vadantassa. Vācāya vattabbavatthumattakamevāti vañjhāputtagaganakusumādivācā viya etassa vācāya kevalaṃ vattabbavatthukameva bhaveyya, na attho, vacanamattakamevāti attho . Atikkamitvāti anāmasitvā aggahetvā. Taṃ kissa hetūti vighātāpajjanaṃ kena hetunā. Yathā taṃ avisayasminti yathā aññopi koci avisaye vāyamanto, evanti attho. Aṭṭhakathāyaṃ pana yasmā pāḷiyaṃ ‘‘taṃ kissa hetū’’ti vuttakāraṇameva upanayanavasena dassetuṃ ‘‘yathā ta’’ntiādi vuttaṃ. Kāraṇopanayanañca kāraṇamevāti ‘‘yathāti kāraṇavacana’’nti vuttanti daṭṭhabbaṃ. Tenevāha ‘‘evaṃ imasmimpi avisaye’’tiādi.
ஸப்³ப³ஸுத்தவண்ணனா நிட்டி²தா.
Sabbasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஸப்³ப³ஸுத்தங் • 1. Sabbasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. ஸப்³ப³ஸுத்தவண்ணனா • 1. Sabbasuttavaṇṇanā
